عايز عربية في حدود 25000

[imagine]

البرايد السيدان مش هاتعرف تخلص فى عربية نضيفة اقل من 29-30 الف

انا كنت فى كونتاكت امبارح بشوف الاسعار لقيت السيدان صحابها طالبين فيها 35 الف مش فاهم ازاى يعنى و العصفوره مطلوب فيها 29 و انت طالع فى حاجه مش مظبوطه مش عارف هو ايه اللى بيحصل و ايه الاسعار المهلبيه دى
بالنسبه للاستاذ اللى بيسال فالمفروض ان العصفوره ب 25 الف و هى اختيار كويس و ماسكه سعرها و مطلوبه لكن هى 1100 سى سى يعنى حكاية التكييف تنساها خالص لانك حتى لو ركبته فمش هيكون فيه اداء
بالنسبه للابيزا فهى طبعا جميله بس تحاول توقع واحده مش هلكانه و هتبقى فى رينج 30 الف و خد بالك العربيه دى بيتلعب فيها من حاجات الفولكس واجن يعنى لو عايز تظبطها بحاجات البولو او الجولف شغال بس شخشخ جيبك بقى
بالنسبه للفليشيا فهى فى رنج 26 الف و تعتبر قويه و حاجتها مش غاليه لكن يعيبها انها ناشفه فى القياده و فى العفشه

[linatrix]

بص حقولك على حاجه
انا كان معاى كرولا و بعديها جين 2 بعتها عشان كان قدامى شقه لقطه و عايز اكمل فلوسها
دلوقتى ربنا كرمنى و اشتريت فورد اسكورت و الله هى جت كده صدفه انا كنت بدور على فلشيا بس بامانه الف حمد و شكر ليك يا رب العربيه وقفه على ب حوالى 27 و نص دولقتى بعد ما ظبط فيها شويه حاجات و بامانه العربيه تكاد تتفوق على الكرولا الى كانت عندى نفس الموديل و كانت ب 55 الف "للعلم الى كانت معاى عربيه ملهاش اخت فى حالتها مكنش فيها نقطه بوهيه ولا مسمار متغير حاله فعلا شاذه" لو عايز تشترى دماغك و تركب عربيه محترمه بالفلوس دى دور على حاجه فورد للعلم العربيات دى تصنيع المانى فى الغالب و عربيات محترمه جدا و فيها كل الى انت بتدور عليها
و ربنا يقدم لك الى فيها الخير

[عهد الله]

طيب الفورد دي يا استاذنا . موديل كام و اخبارها ايه في :

المتانه والثبات والصالون وقطع الغيار واسعارها ومدي توفرها وغيره !!!!!!!
لتكتمل المعلومه !

مع الشكرو التقدير