استشارة عاجلة,ايهما افضل واكثر اعتمادية(افيو,فيرنا 2013)

[ahmed el gendy]

المشاركة الأصلية كتبت بواسطة wafa ali الحقونى ياجماعة , روحت النهارده معرض سمير ريان علشان اخلص فى فيرنا ان اخر سعر سمعته من نفس المعرض منذ حوالى 10 ايام فقط كان 76 الف وده بعد الزياده فوجئت النهارده السعر اصبح 79 الف وكمان الافيو من 75 الف الى 88 الف هو فيه ايه ياجماعة ,ده هبل اسعار مش ارتفاع اسعار المهم انا نفسى قفلت من العربيات ,مش معقولة الاسعار كل اسبوع تغلى 3 الاف جنيه ده طبها انهم بيلبسونى فى تأمين حوالى 2800 + مصاريف ادارية 950 جنيه ده كمان المستعمل ولع .وكل اللى معها عربيةحلوه مزود فيها على الاقل 5 الاف جنيه فوق سعرها الحقيقى وده شوفته فى السوق النهارده ,الناس كلها جشع وعاوزه تأكل بعض (طب قولولى اعمل ايه ,اجيب بالاسعار دى والحق قبل ما ترتفع الاسعار تانى ولا انتظر شوية ) بس الصراحى الكلام ده قولته من اسبوعين ,لاقيت الدنيا ولعت اكتر

نصيحه الحق اشتري عشان هتغلي تاني وتالت ومش لازم تجيب الفيرنا بالزجاج الفاميه هاتها كامله من غير زجاج فاميه انا عامل كده الفيرنا تكييفها اصلاا روووعه وفر ال 1000 جنيه انت اولي بيه ياعم رخص بيه وضبط العربيه احسن ولو ع الفاميه لو ليك حد حبيبك ف المرور هينزله لك مالكش حد هات ستاير كبس ب 60 جنيه هتخلي العربيه تحفه وتحجب الشمس ومشي نفسك بيها بدل بعترة الفلوس الواحد مش عارف ايه اللي حصل ف الدنيا فيرنا بقت قريبه من ال 80 الف الله يرحم اللي اشتروها ف 2008 كوووووووووووووري وكامله ب 60 الف بس الحمد لله علي كل شيء

[wafa ali]

شكرا للاستاذ احمد الجندى , فعلا للاسف الفرنا باقت ب 80000 الف النهارده حراااااااااااام
طيب معلش ,انا كنت بفكر فى اللانوس الان علشان سعرها فى حدود 76000 كاملة
مع انى ماكنتش حابب شكلها ,بس ناس كتير قلولى هى افضل من الفرنا حتى بعد منصور شفروليه
وانا فرق السعر ده هيفرق معايا الصراحه
ادوس فى الانوس ,ولا خلينى فى فرنا وامرى لله

[ahmed el gendy]

المشاركة الأصلية كتبت بواسطة wafa ali شكرا للاستاذ احمد الجندى , فعلا للاسف الفرنا باقت ب 80000 الف النهارده حراااااااااااام طيب معلش ,انا كنت بفكر فى اللانوس الان علشان سعرها فى حدود 76000 كاملة مع انى ماكنتش حابب شكلها ,بس ناس كتير قلولى هى افضل من الفرنا حتى بعد منصور شفروليه وانا فرق السعر ده هيفرق معايا الصراحه ادوس فى الانوس ,ولا خلينى فى فرنا وامرى لله

بص لو انت بتحب الجري قووووي وبتجري فوق سرعات اعلي من 120 يبقي هات لانوس الميزه الوحيده اللي بتتميز بيها اللانوس عن الفيرنا ان هي اثبت من الفيرنا ع السرعات العاليه يعني الفيرنا بتعوم عند سرعه 130 لكن اللانوس بتعوم علي سرعه 140الفرق مش كبير ف الثبات بس انا باقولك الحقيقه كامله بدون مجامله لعربيتي
الفيرنا بيميزها التكييف افضل بمراحل من اللانوس وانت عارف ان جو مصر معتدل صيفا بارد شتاءا الله يخربيته اللي علمنا كده ف المدارس
الفيرنا افضل ف قوه الموتور والتسارع ودي كانت بالنسبه ليا النقطه الفاصله لاني ف الاسبوع لازم اروح الشغل مرتين متأخر فتسعفني وتجري بسرعه بعد اي مطب
اللانوس اوسع سنه صغيره من الفيرنا
الفيرنا شكلها افضل ونزل منها الوان شيك قووووي زي الشامبين انا جبته لون جديد وتحفه وشكل الطاسات اتغيرت عن موديل 2012يعني هتحس مجرد احساس انك راكب عربيه جديده واي حد هيشوفها هيعرف انها جديده عشان الطاسات متغيره (( واهي حاجه بنضحك بيها علي نفسنا))
الفيرنا واللانوس الاتنين كاوتشاتهم يفضل تتغير اول ما تجيبها او تمشي عليها بس مش كتير يعني مش ازيد من 30 الف كيلو
انصحك بصراحه تجيب فيرنا الفرق ف السعر مع الالنوس مش كبير مش ازيد من 1500 جنيه ولو قفلت قوووي هات فيرنا هاف اوبشن مفيش فرق غير ازاز الكهربا وروح لاي كهربائي محترم يركب لك وحدات رفع وكمان المرايات بتبقي مش نفس لون العربيه رشها ب 30 جنيه مع ان الاسود احسن عشان الخرابيش لان المرايات بارزه عن جسم العربيه ويوميا لازم تتخبط ف الزحمه