متشكر جدا والله يا جماعة مفيش ولا واحد افدنى بنص كلمة

[mohamed abdou]

والله يا جماعة مش عارف اشكر اعضاء المنتدى الكرام ازى مفيشى ولا واحد عبرنى باى كلام بقالى تلات ايام بقول يا جماعة الخير افدونى ساعدونى اخوكم عضو جديد فى المنتدى وهشترى عربية ريجاتا قوللى مميزتها طب عيبوها طب حتى رز بالبن اى حاجة وكأنى محدش شيفنى فى المنتدى انا مش عارف هو فعلا محدش شيفنى ولا انتو مبتسعدوش حد ولا المنتدى شغال لوحدة منغير ادراة ولا اية ....
يارايت حد يفدنى

[ابوشروق]

ليه بس كده الزعل ده كله حقك علينا متزعلش
والله شايفينك ومنور المنتدى كله
بس كذب من أفتى أكيد لو الواحد عنده معلومه عن الريجاته مش هيتأخرعليك وهى دى فكرة المنتدى ان أحنا نساعد بعض ونفيد بعض
أنا أسف مش هقدر أفيدك فى العربيه الريجاته لاكن عندى أقتراح ان حضرتك تتصفح قسم الفيات أكيد هتلاقى معلومات كتيرومواضيع خاصه بالريجاته
وربنا يوفقك فى الشراء والف الف مبروك مقدما

[Torn@doo]

لية بس كدة ياعم احنا كلنا معاااك اهوة
تلاقى بس الناس مشفوش موضوعك او مشاركتك
كلنا هنا بنحاول نخدم بعض وانا ياسيدى معاااك اهوة مستنى حد يرد علينا يأما كدة او هنعتصم هنا ومش ماشيين غير لما حد يرد علينا
ههههههههههههههههههههه هههههههههههههه
اظن مفيش بعد كدة كلام وبالنسبة للريجاتا انا بصراحة مش هفيدك او هقولك معلومة غلط فبلاش اقول احسن ومن قال لا اعلم فقد افتى
المهم قولى رايك ف موضوع الاعتصام دة ولو وصلت نشيل مشررف القسم نشيلة ياباشا
تقبل مروووووووورى وتحياتى لك
هروح اجيب سجاير وراجعلك عشان نعتصم

[ايمن عبدالحميد]

الريجاتا عربية ناعمة ولذيذة ، لكن ضعيفة وقطع غيارها رخمة وغالية وبالذات الكربراتير واصحابى اللى عندهم ريجاتا بيدللوا عليها يا ولداة علشان يخلصوا منها ، والله لو 28 احسن منها وبعدين هتشتريها بكام هتسمع 20 ، 22 وهيقولوا فبريكة وزيرو واصحابها مسمعوش فيها 15 حتى ، نصيحة شوف حاجة تانية ، ومش عاوز اقولك لادا لأنى لاداوى قديم احسن تفتكر ان القرد فى عين امة فرارى ولا حاجة هههههههه
دور على حاجة ساعة ما تحب تبيع تبيع فى نفس اليوم ، وزى ولاد السوق ما بيقولوا قبل ما تشترى بيع

[mohamed abdou]

المشاركة الأصلية كتبت بواسطة ابوشروق ليه بس كده الزعل ده كله حقك علينا متزعلش والله شايفينك ومنور المنتدى كله بس كذب من أفتى أكيد لو الواحد عنده معلومه عن الريجاته مش هيتأخرعليك وهى دى فكرة المنتدى ان أحنا نساعد بعض ونفيد بعض أنا أسف مش هقدر أفيدك فى العربيه الريجاته لاكن عندى أقتراح ان حضرتك تتصفح قسم الفيات أكيد هتلاقى معلومات كتيرومواضيع خاصه بالريجاته وربنا يوفقك فى الشراء والف الف مبروك مقدما

متشكر جدا ياابوشروق والله انت حسستنى انى مش عايش فى الصحرا الف شكرعلى الرد الجميل