جميع مشاكل الريجاتا وحلولها والاستفسارات

[ehabxp10]

المشاركة الأصلية كتبت بواسطة mego802 الف شكر ehabxp10 شكلى انا وانت بس اللى موجودين هنا سؤال تانى لما بكون ماشى على سرعة عالية واجى اهدى عشان اتفادى حاجة بلاقى العربية بطلت منى بس لما بدوس دوسة بنزين بتشتغل تانى بمعنى انها بدور زق

اكيد السلانسيه واطى وبكات الكاربراتير عاوزة تتنضف كويس روح للميكانيكى هيعملهوملك فى ثوانى ب 10 جنيه

[thechemist]

المشاركة الأصلية كتبت بواسطة mego802 الف الف شكرا على المعلومات القيمة دية هى الرعشة بتكون مع الفرامل على السرعات وساعات الاقى العربية بطلت لوحدها لما اجى افرمل بينى وبينك انا شكيت انة عيب ترصيص بس لسة مرصصتش ومش عارف اعمل اية

انا كان بيحصل معايا نفس الكلام رعشة كبيرة فى الفرامل وكان السبب عندى ان التيل الامامى كان وحش وبوظ الطنبورة الشمال حضرتك اكشف على الطنابير
وبالنسبة ان العربية بفصل منك بعد ما تفرمل وان على سرعة نفس الكلام حصل معايا
اولا لو بتدوس فرامل ولمبة الدينامو رعشت يبقا سلانسيه الموتور واطى وحضرك تعليه من مسمار الكربراير
السبب التانى انه يكون البيك مسدود وعايز تنضيف انا حصل معايا الاتنين مرة انا وطي السلانسيه للموتور وبقت العربية تفصل لما اكون ماشى على سرعة وافرمل او ادوس دبرياش وامور ونفس الكلام حصل لكن كان سببه ان البيكا عندى كان عايزة تنضيف وفعلا نضف الكربراتيروالدنيا اتظبتت حضرتك جرب وان شاء الله الموضوع يتظبط

[thechemist]

المشاركة الأصلية كتبت بواسطة ehabxp10 اكيد السلانسيه واطى وبكات الكاربراتير عاوزة تتنضف كويس روح للميكانيكى هيعملهوملك فى ثوانى ب 10 جنيه

: 010104~171:

[mego802]

الف شكر thechemist & ehabxp10
وباذن الله اروح للميكانيكى يوم الجمعة واقولكوا اية الاخبار

[hotbird2271980]

السلام عليكم جميعا .. النهاردة و انا رايح الشغل كنت هاخبط واحد معدى الطريق بعجلة لكن الحمد لله ربنا ستر و دوست فرامل جامد .. و بعد ما كملت طريقى و قبل ما اوصل مكان العمل لقيت الفرامل قفشت و حجرت .. اضطريت اكمل بيها كدة لأن كلن بينى و بين الشغل مسافة قصيرة لكنى كنت مرعوب لأن مفيش فرامل .. المهم بعد ما ركنت على خير الحمد لله حاولت ابطل و ادور تانى يمكن قفشة الفرامل تروح ما راحتش .. و للأسف النهاردة الأحد .. فهل يوجد حل مؤقت ممكن اعمله لحد ما اروح للميكانيكى ؟ .. ولا هضطر استحمل تعب المواصلات النهاردة و بكرة .. لو حد عنده حل ياريت يوضحهولى مع جزيل الشكر .. أخوكم محمد سيد . ( سيارة ريجاتا عادة موديل 87 ).