حقيقة الميجان

[Payoo]

المشاركة الأصلية كتبت بواسطة tronky و فى رأيي كلها مشاكل بسيطة ولكن عدم قدرة المستهلك المصرى على أستيعاب التكنولوجيا بسهولة وبالتالى ......................... .......أعتقد أنتو عارفين

ptmnlo123per149
أولا انا مش بضحك على كلامك ولا على رايك نهائي أنا بس بضحك عشان تعرف بس أني مش متضايق من الحوار معاك ولا حاجه

وعاوز أقولك ببساطه شديده إن المستهلك المصري أو حتى المستهلك الجنوب أفريقي مش محتاج أنه يدرس علوم تكنولوجيه عشان يستوعب حاجه بتخدمه
المستهلك بكل بساطه عاوز حاجه تريحه ومايكونش لها أعطال كتير ..... بس

وعلى أي حال أنا من ضمن المستهلكين إللي معاهم بكالوريس Computer Science واقدر أستوعب التكنولوجيا وأفهما بحكم عملي كـ Administrator Network من سنوات

وعلى أي حال عاوز أقولك برغم أستيعابي للتكنولوجيا إللي في الميجان لكن مش قادر أعالج مشكلة التهنيج نهائياً
وحتى لو في ميكانيكي أو مهندس ميكانيكا شاطر وعنده عربيه فيها أعطال كتير كل شويه عمال على بطال هايتعب منها وهاتبقى قرفاه أخر قرف

وعاوز أقولك حاجه مهمه أنا صلحت بعض المشاكل بنفسي ولمانتقابل إن شاء الله هاوريك التصليحات إللي عملتها في دائرة الـABS بنفسي وبأيدي
وهاوريك التعديل إللي عملته بنفسي في دورة التبريد

هاتقوللي طب ليه التوكيل ماعملكش الكلام ده ؟
هاقولك لان التوكيل بيبالغ جدا جدا في المصنعيات و قطع الغيار و الحجات إللي قدرت اعملها بنفسي وبأيدي ماتكلفتش حاجه خالص

على العموم أنا بجد عاوز اقابلك واخليك تجرب عربيتي بنفسك عشان تشوف حكاية التهنيج دي وتشوف التعديلات إللي أنا عملتها بنفسي (على فكرة هي مش تعديلات قوي يعني ماركبتش حاجه ولا زودت حاجه على العربيه)
وكمان أشوف اداء عربيتك لاني بصراحه ماشوفتش ميجان يتعدي الـ170 كم لحد دلوقتي ابدا وكمان أجرب أطلع منك بالأوكتافياptmnlo123per15

[tronky]

المشاركة الأصلية كتبت بواسطة Payoo ptmnlo123per149 أولا انا مش بضحك على كلامك ولا على رايك نهائي أنا بس بضحك عشان تعرف بس أني مش متضايق من الحوار معاك ولا حاجه

طيب الحمد لله أنى كنت سبب أنك تضحك.....رسولنا الكريم قال " تبسمك فى وجه أخيك صدقة" أنا بقى خليتك تضحك والحمد لله

المشاركة الأصلية كتبت بواسطة Payoo وعاوز أقولك ببساطه شديده إن المستهلك المصري أو حتى المستهلك الجنوب أفريقي مش محتاج أنه يدرس علوم تكنولوجيه عشان يستوعب حاجه بتخدمه المستهلك بكل بساطه عاوز حاجه تريحه ومايكونش لها أعطال كتير ..... بس

تمام....مختلفناش.....هل أنى فى 3 سنين غيرت بطارية مرتين و كويل مرة يبقى كده كل شوية أعطال؟؟؟؟؟؟
ده غير أن حضرتك فهمت قصدى غلط....أنا مش بطالب بأن المستهلك يفهم الحاجة دى بتشتغل أزاى عشان حاجة معينة غير أنه يبقى فاهم الفرق بين الفتيس ال Steptronic وال Automatic العادى.......وده سبب أن فى ناس كتير بتشتكى من الكورولا والأسترا.........و كان قبل كده سبب أن الناس تشتكى من فتيس الميجان..........يمكن أنا خاننى التعبير فيها.....بس هى أنسب حاجة لقيتها بصراحة للدلالة على بطء تأقلم المواطن المصرى على التكنولوجيا فى كل المجالات مش فى العربيات بس

المشاركة الأصلية كتبت بواسطة Payoo وعلى أي حال أنا من ضمن المستهلكين إللي معاهم بكالوريس Computer Science واقدر أستوعب التكنولوجيا وأفهما بحكم عملي كـ Administrator Network من سنوات وعلى أي حال عاوز أقولك برغم أستيعابي للتكنولوجيا إللي في الميجان لكن مش قادر أعالج مشكلة التهنيج نهائياً

يا باشا....ما هو الأقتباس كان فيه حاجة بتقول أن فيه حاجة أسمها fail Safe ودى بتساعد على أن العربية تتصرف بنفسها......هو ممكن حضرتك تقولى مثال على التهنيج اللى بيحصل معاك ؟؟ يعنى مثلاً وأنت سايق بضطر تدوس Alt+Ctrl+Del عشان تمشى يعنى ولا أيه ؟ptmnlo123per156

المشاركة الأصلية كتبت بواسطة Payoo وعاوز أقولك حاجه مهمه أنا صلحت بعض المشاكل بنفسي ولمانتقابل إن شاء الله هاوريك التصليحات إللي عملتها في دائرة الـABS بنفسي وبأيدي وهاوريك التعديل إللي عملته بنفسي في دورة التبريد

لأ ما دام حضرتك طلعت خبرة قوى كده يبقى أكيد هنتقابل قريب

المشاركة الأصلية كتبت بواسطة Payoo على العموم أنا بجد عاوز اقابلك واخليك تجرب عربيتي بنفسك عشان تشوف حكاية التهنيج دي وتشوف التعديلات إللي أنا عملتها بنفسي (على فكرة هي مش تعديلات قوي يعني ماركبتش حاجه ولا زودت حاجه على العربيه) وكمان أشوف اداء عربيتك لاني بصراحه ماشوفتش ميجان يتعدي الـ170 كم لحد دلوقتي ابدا وكمان أجرب أطلع منك بالأوكتافياptmnlo123per15

أعتقد بأه أن الأخيرة دى فلتت منك يا باشمهندس.....ازاى 101 حصان يطلعوا من 115 حصان ؟؟؟
ألا بقى لو أنت معدل فى الأوكتافيا مثلاً

على العموم دى هدية منى ليك لحد لما نتقابل أن شاء الله

وزى ما حضرتك شايف فى عداد الكيلومترات.....190 كم وكانت العربية عاملة 69 ألف وكسور.....يعنى مش جديدة قوى ولا حاجة ptmnlo123per112

[aboelezz]

ربنا يكرمك على المعلومات الحلوة ده بجد معلومات قيمة جدا ودليل على انها عربية كويسة وعيوبها عادية جدا بالنسبة لبقية العربيات بس انا كان عندي سؤال

اللانسر الجديدة الي تقصدها في الاقتباس لانسر نيو شيب ولا لانسر الشكل القديم اصل انا معايا الشكل القديم الي هو 2007 فالحاجات الكتير الي قلت عليها موجودة ولا لا في 2007؟

وشكرا على مجهودك

[tronky]

المشاركة الأصلية كتبت بواسطة aboelezz ربنا يكرمك على المعلومات الحلوة ده بجد معلومات قيمة جدا ودليل على انها عربية كويسة وعيوبها عادية جدا بالنسبة لبقية العربيات بس انا كان عندي سؤال اللانسر الجديدة الي تقصدها في الاقتباس لانسر نيو شيب ولا لانسر الشكل القديم اصل انا معايا الشكل القديم الي هو 2007 فالحاجات الكتير الي قلت عليها موجودة ولا لا في 2007؟ وشكرا على مجهودك

العفو يا باشا......
اللانسر المقصودة فى الموضوع هى الشارك وبرضه التويوتا المقصود بيها الجنوب أفريقى اللى فيها الفتيس ال MMT

[islam_galal]

أشكركم بشدة ptmnlo123per112
إختلافكم نتج عنه معلومات قيمة جدا و بالرغم من أني لا أهتم بالتغيير الآن بس الموضوع شدني و قريته كله ptmnlo123per1106
شكراو منتظر منكم الكثير من الاختلاف في السيارات ptmnlo123per157