سؤال لملاك الميجان، ليه بتبيعوها برخص التراب

[amrnader]

السلام عليكم يا جماعة،

انا نفسى اعرف ازاى اسعار الميجان المستعمل وصلت لأرقام غريبة، فول اوبشنز اتوماتيك 2005 ب 72 الف

يا جماعة لو فيها عيوب قولولنا عليها يمكن تكون مقبولة، دية العربية بقت بتمن الفيرنا :crazy
نفس اعرف اللى هيبيع الميجان هيجيب ايه بعديها يعنى و ايه اللى خلاه يتخلص منها كدة

[AbOnOrA]

نقلا عن بايو

معلش يا درش أنا معايا الميجان 2 والعربية طبعا جميلة وزي الفل بس أكبر فخ ممكن تقع فيه في حياتك أنك تشتري مـــــيـــــجـــــان 2 أولا عشان قطع غيارها غالية جدا جدا جدا وياريت الموضوع موضوع قطع غيار غاليه وبس لكن إللي يفرسك من العربيه دي انها متبرمجة وكل شيء فيها متوصل بالكومبيوتر غللي بيتحكم في كل شيء في العربيه حتى البوجيهات والفارمل طبعا هاتقوللي مش عيب إن الكومبيوتر يتحكم في كل شيء هاقوللك مش عيب بس وعندي مثلا الكمبيوتر الموجود في الـ"أوكتافيا" طيب وأبن حلال وماحدش أشتكى منه قبل كده بس العيب لما يكون الكومبيوتر ده متبرمج (طبعا قصدي على الميجان) على أنه يدفعك دم قلبك كل شوية في التوكيل وعاوز ءأكد على كلمة (في التوكيل دي) لأن برضه الحاج كومبيوتر متبرمج على القبلة بتاعته وماينفعش يغيرها يعني يا إما التوكيل أو مراكز الخدمة بتاعته يا بلاش و كــُــع بقى ياريس ده غير إن العربيه بتاكل بطاريات بالهبل يعني أنا مثلا في 60 ألف كم غيرت بطاريتين لحد دلوقتي والتالته راكبها أهي وربنا يستر عليها وبعدين يا جماعه كفاية إن العربيه سعرها زيرو من 120 ألف لغاية 140 ألف جنيه ولما تيجي تبيعها تلاقيها في حدود الـ80 ألف جنيه وماحدش يجيب سيرة الميجان 2 دي تاني يا جدعان ونبي لحسن الواحد كاتم في قلبه وساكت وإللي عاوز يعرف الميجان دي على حقيقتها يروح التوكيل عندنا في العبور ويقابل الناس إللي بتعمل صيانه هناك وهو يسمع احلى قصايد سب في الميجان وفرنسا نفسها

رابط الموضوع

http://www.masrmotors.com/vb/showthread.php?t=1199

[Payoo]

ميجان ؟ angryhead......أستغفر الله العظيم من كل ذنب عظيم .... ميجان ؟angryhead ...... أعوذ بالله من غضب الله ..... ميجان ؟ angryhead...... أرحمنا برحمتك يا أرحم الراحمين .... ميجان ؟ angryhead...... اللهم لا تحوجنا لمن لا يرحم ...... ميجان ؟ angryhead..... اللهم اجعل معانتنا في الدنيا رحمة لنا في الأخرة

ميجان ؟ angryhead..... أستغفر الله أستغفر الله



ونبي يا جدعان خلوني ساكت أحسن ونبي

وإللي عاوز يعرف الميجان على حقيقتها يروح التوكيل أو أي مركز خدمة لها بس ما يتكلمش مع حد يتفرج وبس لانك لو أتكلمت مع أي حد إن شالله يكون شايل الطين من العربيه هايقولك 100 100 وكله تمام أنه عبقري في أختياره للعربيه دي

وعلى فكرة أنا هاحكيلكم على كذا حاجه كده حصلت معيا وكام حوار دار بيني وبين بعض ملاكها والنتيجة إللي توصلت إليها بعد ما أخذت أكبر خازوق أخدته في حياتي

[amrnader]

شكرا يا باشا على الرد، و ياريت الأخ بايو يقولنا تفاصيل اكتر عن المبالغ اللى دفعها، يعنى لو الموضوع صيانة دورية و خلاص، يبقى مش حاجة خطيرة اوى.

[MosTafaFox]

المشاركة الأصلية كتبت بواسطة Payoo ميجان ؟ angryhead......أستغفر الله العظيم من كل ذنب عظيم .... ميجان ؟angryhead ...... أعوذ بالله من غضب الله ..... ميجان ؟ angryhead...... أرحمنا برحمتك يا أرحم الراحمين .... ميجان ؟ angryhead...... اللهم لا تحوجنا لمن لا يرحم ...... ميجان ؟ angryhead..... اللهم اجعل معانتنا في الدنيا رحمة لنا في الأخرة ميجان ؟ angryhead..... أستغفر الله أستغفر الله