العودة   مصر موتورز مجتمع السيارات > منتدى الصيانة و اﻹصلاحات > جسم و هيكل السيارة > دهانات السيارات

دهانات السيارات دهان وسمكرة السيارات


إضافة رد
 
أدوات الموضوع
  #6  
قديم 15-12-2014, 02:03 PM
الصورة الرمزية AbOnOrA
AbOnOrA AbOnOrA غير متواجد حالياً
Aِِbo(Nora&Islam&Judy)
Wael Magdy Salah
من انا؟: ابو نورا واسلام
التخصص العملى: IT Consultant
هواياتي: Computers, Automotives
 
تاريخ التسجيل: May 2008
الموقع: ام الدنيا مصر
المشاركات: 17,076
AbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond repute
افتراضي رد: دهان فالتوكيل،،إثبات انها مش حادثة؟

صباح الخير يا دكتورة ويارب خير الف سلامة على العربية

خلونى احاول ارد كالخبراء زى ما استاذنا الباشمهندس احمد ما قال واشرح شوية الفرق بين ما يعرف ب " دهان الفابريكا " واى دهان تانى

وخلونا برضو الاول نفرق بين الدهان كعملية هدفها تغطية صاج العربيه بطبقات لحمايتة اولاً واعطائه شكل جمالى ثانياً وبين السمكرة اللى هى عملية استعدال الصاج واعادة تشكيلة بعد الحوادث ربنا يحفظكم جميعاً

1- دهان الفابريكا :
بيتم بشكل ألى (مميكن ) باستخدام ربوتات التحكم فى خطوط التجميع وبدون تدخل بشرى مباشر وبالتالى نسب الخطاء ومعاملات الجودة اعلى بكتيييييييير من اى طريقة تانية لا بوية زيادة ولا ناقص

بيتم على العربيه بعد معالجة الصاج باحدث الوسائل اللى بتضمن افضل التصاق بين الصاج والبوية وفى بيئه معزولة عن الاتربه والشوائب

بيتم باستخدام دهانات اصلية وقياسية معتمدة من مصنع السيارة

بيتم على جسم العربيه وهى صاج فقط وبالتالى مفيش احتمالية ان حاجة تانية تدهن بالغلط زى باقى الاجهزة او الاكسسوارات اللى راكبه على العربيه واللى دايما فى الدهان العادى بيطولها من الحب جانب وتبقى دليل على الجريمة

والنتيجة انه بيعيش اكتر وبيتحمل اكتر ومن امثلة ده لما تبقى العربيه بدهان الفابريكا وتاخد خبطة ممكن تترد على البارد والسمكرى يدق على البوية للصبح من غير ما البوية تقشر على عكس الدهانات العادية لو دق عليها السمكرى تقع

كمان بقى متوفر اجهزة لاكتشاف الدهانات العادية وديه فكرتها انها بتقيس المسافة العازلة بين الصاج والجهاز وطبعاً مع دهان الفابريكا طبقة الدهان بتبقى مقاسها مظبوط فى كل العربيه طولها وعرضها لكن مع الدهان العادى بتبقى مش مظبوطة واعلى (اكثر سمكاً) من دهان الفابريكا وده اللى بيخلى الجهاز يحدد الاجزاء الفابريكا من اللى تم دهانها

علشان كدة نقدر نقول ان افضل دهان على الاطلاق هو دهان الفابريكا
يليه اللى بنقول عليه ( وش نظافة) وده معناه ان العربيه صاجها سليم بس اخدت وش دهان اضافى على الدهان الاصلى
والاسواء هو ان العربيه يبقى فيها خبطات فيضطر السمكرى يشيل بوية الفابريكا تماماً ويعالجها بالمعجون ثم الدهان

ده فيديو بيوضح نموذج لعملية دهان الفابريكا فى المصنع







خدو بالكو كل ده احنا بنتكلم عن الدهان فقط مجبناش سيرة السمكرة لان العربية الفابريكا صاجها خارج من المكنه بيتلحم ويركب ويدهن وبس لا حد بيدقه ولا يسخن عليه لكن اى عملية استعدال بتم باستخدام الدق والتسخين وبالتالى بتختلف تماما عن حال الفابريكا

باختصار دهان الفابريكا حاجة واى دهان تانى حاجة تانية خالص

الدهان فى التوكيل يعنى دهان اضمن علشان شركة كبيرة والمفروض بتستخدم خامات بجودة عالية بس لكن هو برضو دهان وسمكرة ومش هتبقى فابريكا تانى وطبعاً مكلف اكتر

اتمنى تكون الفكرة وصلت وتحت امركم فى اى استفسار او توضيح
__________________



اخر موضوعاتى
قريباً تقرير وتجربة اداء دايهاتسو تريوس * تويوتا راش

رد مع اقتباس
  #7  
قديم 15-12-2014, 02:32 PM
الصورة الرمزية ahmed_eng2001
ahmed_eng2001 ahmed_eng2001 غير متواجد حالياً
 
تاريخ التسجيل: Jun 2008
المشاركات: 2,509
ahmed_eng2001 has a reputation beyond reputeahmed_eng2001 has a reputation beyond reputeahmed_eng2001 has a reputation beyond reputeahmed_eng2001 has a reputation beyond reputeahmed_eng2001 has a reputation beyond reputeahmed_eng2001 has a reputation beyond reputeahmed_eng2001 has a reputation beyond reputeahmed_eng2001 has a reputation beyond reputeahmed_eng2001 has a reputation beyond reputeahmed_eng2001 has a reputation beyond reputeahmed_eng2001 has a reputation beyond repute
افتراضي رد: دهان فالتوكيل،،إثبات انها مش حادثة؟


المشاركة الأصلية كتبت بواسطة AbOnOrA مشاهدة المشاركة


خلونى احاول ارد كالخبراء زى ما استاذنا الباشمهندس احمد ما قال
اكيد حضرتك متقصدنيش انا ب استاذنا دى
امال الرد الى انت رديته ده ... انت تبقى ايه ؟!
ربنا يباركلك فى المعلومات و الشرح
انا لسه حبدأ قصة الدوكو دى ان شاء الله بعد ما اخلص عزل داخلى .... يدينا و يديك طولة العمر
__________________

رد مع اقتباس
  #8  
قديم 15-12-2014, 04:01 PM
الصورة الرمزية د.هبه77
د.هبه77 د.هبه77 غير متواجد حالياً

 
تاريخ التسجيل: Apr 2011
المشاركات: 1,565
د.هبه77 has a reputation beyond reputeد.هبه77 has a reputation beyond reputeد.هبه77 has a reputation beyond reputeد.هبه77 has a reputation beyond reputeد.هبه77 has a reputation beyond reputeد.هبه77 has a reputation beyond reputeد.هبه77 has a reputation beyond reputeد.هبه77 has a reputation beyond reputeد.هبه77 has a reputation beyond reputeد.هبه77 has a reputation beyond reputeد.هبه77 has a reputation beyond repute
افتراضي رد: دهان فالتوكيل،،إثبات انها مش حادثة؟

شكرا يا بشمهندس وائل فهمت حاجات كتير فعلا
بس معني الكلام اني غالبا لازم اعمل سمكرة واضطر اشيل الفابريقة من بعض الاماكن
عشان كدة بسأل لو فالتوكيل اعتقد هيشوفو انها خبطات بسيطة ولكنها مش حادثة ويثبت دة فسجل العربية عندهم
عشان لو بعتها بعد كدة ميتقالش عليها عاملة حادثة ؟
ولا زي راي الباشمهندس احمد ان بالعكس معني اني اعمل الكلام دة في التوكيل يشكك الي هيشتريها بعدي اني عملتها فالتوكيل لان الموضوع كان كبير وممكن تكون حادثة كبيرة ؟
شكرا مقدما
__________________

بسم الله الرحمن الرحيم
وما كان ربك نسيا
صدق الله العظيم





التعديل الأخير تم بواسطة د.هبه77 ; 15-12-2014 الساعة 04:22 PM
رد مع اقتباس
  #9  
قديم 15-12-2014, 04:07 PM
الصورة الرمزية AbOnOrA
AbOnOrA AbOnOrA غير متواجد حالياً
Aِِbo(Nora&Islam&Judy)
Wael Magdy Salah
من انا؟: ابو نورا واسلام
التخصص العملى: IT Consultant
هواياتي: Computers, Automotives
 
تاريخ التسجيل: May 2008
الموقع: ام الدنيا مصر
المشاركات: 17,076
AbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond repute
افتراضي رد: دهان فالتوكيل،،إثبات انها مش حادثة؟


المشاركة الأصلية كتبت بواسطة ahmed_eng2001 مشاهدة المشاركة

اكيد حضرتك متقصدنيش انا ب استاذنا دى
امال الرد الى انت رديته ده ... انت تبقى ايه ؟!
ربنا يباركلك فى المعلومات و الشرح
انا لسه حبدأ قصة الدوكو دى ان شاء الله بعد ما اخلص عزل داخلى .... يدينا و يديك طولة العمر
استاذى واخويا وحبيبى ربنا يعزك يا باشمهندس احمد يارب ومتناس تعزمنى لما تبداء حفله الدوكو ديه وان شاء الله تخلص على خير زى ما عملت شغل السمكرة
__________________



اخر موضوعاتى
قريباً تقرير وتجربة اداء دايهاتسو تريوس * تويوتا راش

رد مع اقتباس
  #10  
قديم 15-12-2014, 04:28 PM
الصورة الرمزية AbOnOrA
AbOnOrA AbOnOrA غير متواجد حالياً
Aِِbo(Nora&Islam&Judy)
Wael Magdy Salah
من انا؟: ابو نورا واسلام
التخصص العملى: IT Consultant
هواياتي: Computers, Automotives
 
تاريخ التسجيل: May 2008
الموقع: ام الدنيا مصر
المشاركات: 17,076
AbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond repute
افتراضي رد: دهان فالتوكيل،،إثبات انها مش حادثة؟


المشاركة الأصلية كتبت بواسطة د.هبه77 مشاهدة المشاركة

شكرا يا بشمهندس وائل فهمت حاجات كتير فعلا
بس معني الكلام اني غالبا لازم اعمل سمكرة واضطر اشيل الفابريقة من بعض الاماكن
عشان كدة بسأل لو فالتوكيل اعتقد هيشوفو انها خبطات بسيطة ولكنها مش حادثة ويثبت دة فسجل العربية عندهم
عشان لو بعتها بعد كدة ميتقالش عليها عاملة حادثة ؟
ولا زي راي الباشمهندس احمد ان بالعكس معني اني اعمل الكلام دة في التوكيل يشكك الي هيشتريها بعدي اني عملتها فالتوكيل لان الموضوع كان كبير وممكن تكون حادثة كبيرة ؟
شكرا مقدما
لا شكر على واجب يا دكتورة بس خلينا اوضح لحضرتك شوية نقاط كدة من واقع الخبرة العملية

1 - اللى بيتسجل فى ملف العربيه بوضوح هو اوامر الاصلاح يعنى سمكرة على البارد للرفرف الامامى يمين او سمكرة على السخن باب خلفى شمال كدة حتى الرسم الكروكى اللى بيتعمل غالباً بيتدشت مش بيتحفظ فى ملف العربيه على الكمبيوتر فالخلاصة انا كمشترى لما اروح اشوف الملف بتاعها هلاقيها اتسمكرت واترشت وبس كان السبب ايه وخطورته ايه معرفش

2- اغلب العربيات اللى بتتعمل سمكرة فى التوكيل بيبقى السيناريو بتاعها انها مؤمن عليها والحادثة كبيرة ( تكلفتها 5 الاف فيما فوق) فصاحب العربيه يعملها فى التوكيل علشان ميدفعش حاجة وشركة التامين والتوكيل يكش يولعو فى بعض هو ملوش دعوة يعنى زى ما قال استاذنا برضو احمد انها شبهه اكتر منها ضمانه

3- اغلب التجار او المشترين الشطار لما يلعبو على حته انها مرشوشة ((بره تحديداً )) بيبقى الهدف ينزل من سعرها وان شاء الله تكون مدهونة فى معامل ناسا للفضاء برضو هينزل من تمنها ويفاصل فيها

4-الفيصل فى تحديد اذا ماكنت العربيه اترشت نظافة لخرابيش او حكات وخبطات بسيطة او كونها سمكرة ودهان ناتجة عن حادثة كبيرة هو الاتى

4-1- الكشف على الدواخل ( مثلا ) الرفرف القدامانى يتبص عليه من الحوض لو فيه اثار (بنط لحام او لاء) لو فيه يبقى الرفرف كان معجون (مخبوط جامد) واترد على السخن
الرفرف الامامى مثلا سهل شوية يتفك وترش جوة وبره لكن الرفرف الخلفى مثلاً مش بتفك ولو واخد حموات هيبان من ناحية الشنطة الخلفية بعد ما يتشاال الفرش بتاعها وكذلك الابواب

4-2- اذا كانت السمكرة مش تمام وسوك (زوايا) الصاج مش مظبوطة بعد السمكرة والدهان

4-3- اذا كان الدهان تحتيه طبقة معجون كبيرة

4-4 اذا كان فيه اثار (زراجين فى الشاسية والقوائم) والزارجين ديه عبارة عن عملية استعدال قاسية شوية لما يكون الصاج متطبق جامد بتتعمل بابسط صورها بان مثلا القائم بتاع الباب يتربط بجنزير حديد ويتربط فى شجرة ولا حاجة ويتشد كده واحدة واحدة لحد ما الصاج يرجع مكانة وده طبعاً بيسيب اثار فى مكان شد الزرجينة يعرفها المتخصصين

4-5 فيه حاجات فى تفقيل صاج الفابريكا مميزة زى (البرشام) لحامات الصاج بواسطة مكن الفابريكا وال(فليتو) وديه فينش للحامات بتاعة الفابريكا غالباً (بتتفور) تتشال لما السمكرى يفك الصاج من بعضة
دلوقتى ممكن الفليتو والبرشام يتقلدو برضو على فكرة لو سمكرى ((صايع)) حبتين

باختصار احسن ان العربيه تتعمل فى مكان نظيف وبنفينش نظيف وبس وساعة البيع ربنا يكفيكى شر المبخسين والمتفزلكين غير كدة انا شخصياً بقالى سنين مبشتريش غير مستعمل ومبشتريش غير عربيات رشة بره واتاكد من ان الرش كان نظافه او لخبطات فى الجنبين بسيطة مش ماثرة على قوائم ولا اساسيات لان انا برضو هخبطها وببيعها برضو وهى راشة نظافة وده حال معظم الشعب المصرى عادى خالص مش فيها اى حاجة تعيب العربيه انها راشة نظافة طالما مرشوشة صح والفينش سليم
__________________



اخر موضوعاتى
قريباً تقرير وتجربة اداء دايهاتسو تريوس * تويوتا راش

رد مع اقتباس
إضافة رد

أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
الحماية من الصدأ؟؟؟؟ hossamdoaaaa جسم و هيكل السيارة 3 17-02-2016 09:00 PM
ازاي تحافظ علي دهان عربيتك كيفية معالجة الخدوش والخبطات corsair المنتدى التعليمى والمكتبة الفنية 22 12-04-2013 11:34 AM
أهم مشاكل دهان عربيتك و أبسط طرق لعلاجها s_shekabala المنتدى التعليمى والمكتبة الفنية 18 31-12-2011 11:00 PM

 MasrMotors غير مسؤول عن أي اتفاق تجاري أو تعاوني بين الأعضاء
التعليقات المنشورة لا تعبر عن رأي MasrMotors ولا نتحمل أي مسؤولية قانونية حيال ذلك ويتحمل كاتبها مسؤولية النشر


الساعة الآن 06:12 PM.


Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017