شفولى حل مع غبور وحماية المستهلك

[هانى ظريف منصور]

والله انا كنت بفكر اشترى العربيه دى بس بعد الكلام دة تراجعت انا عاوز عربيه اتمتع بيها مش عربيه تجبلى ضغط دم

[وائل احمد السيد]

السلام عليكم
انا عارف العربية دى من ساعة ما نزلت انها سيئة جدا وانا نصحت زميل عزيز ليا كان هيدبس فيها من اسبوع لانها كانت عجباة جدا واقنعتة انة ما يشتريهاش وفعلا راح اشترى لانسر 2014 من يومين بصراحة الواحد مش لازم يسترخص فى حياتة .الواحد يجيب عربية ماركة محترمة وتوكيل محترم لصيانة العربية بعد كدة
ولصاحب المشكلة قلبى معاة وقريبا هشوفلك حل ولو وفقنى الله للحل هكتبلك علية
تحياتى

[tigerroad]

شكرا للجميع على التفاعل
العربية ظهر فيها عيب جديد فى بوية العربية عند الرفرف الشمال لونها اتغير افتح عن باقى لون العربية غسلتها اكتر من مرة لعل وعسي تكون ..... لكن للاسف البوية اصبحت لون ولون ومكتوب انى البوية فى الضمان انى ضمان انا مش عارف يعنى اية يقلى مفيش دخول غير بحجز ومعاد الحجز يكون بعد شهر ونص ?
علبة الفيوزات السلك الرئيسي الى جى من الضفيرة بيعلق فبيبطل العربية وانت ماشي وعلى سرعات اانى كل شغلى بيها سفر وطبعا الفرامل بتحجر تخيلو عربية زير بنزل ازق السلك!!!
سفنج الكرسي الشلتة وانا نازل بتنزل معايا بتسيب الحديد وبتطلع
الفرامل هدمر الطنبير قريب ومن صيانة ال1000 وانا بناهد ومفيش امل
لمبة الانجكشن منورةعلى طول
التكيف بيشتغل لوحدو !!!!
والكاست بيطفى لوحدو وهوة شغال ولما كلمت الصيانة الخاصة بتاعتو قالولى ممكن تدفع 750 جنية وديك غيرو احدث!!
فرامل الخلفية وانت ماشي تفكر تسرع بعد 150او 160 تصدر صوت كانى العربية هتنفجر
انا عايز اوصل لحل وفعلا ههمل الورقة وهعلقها على الزجاج ورا...
لانى فعلا حاسس انى راكب كنبة وفلوسي راحت فالارض
ومعرفش غبور كان ممتاز فالتعامل معايا فى الهيونداى لكن مع الجيلى اصبح تعاملو زى الزفت
والله انا تعاملت مع توكيلات اخري اول مرة القى تعامل بالاسلوب دة من 12/10/2013 مقدم الشكوىولليوم ولا حياة لمن تنادى

مديرين تسويق غبور وجيلى الى فالمنتدى فينهم ؟؟

[ramy safwt]

بخصوص البنزين لازم تعمل معايره للأير ماس على ظروف التشغيل بتاعتنا هنا فى بوت بيعمل ده جوه العلبة و صحبى عملها بأيده و مودهاش للتوكيل

الضفيرة ممكن ترمها كل سيركت الصينى وحش و القصدير بتاع كل الصينى معفن فمتستغربش لو لقيت اى حاجه فصلت منك و انت ماشى

لو عندك محامى ممكن تقاضيه و تبعت صورة القضية للشركة الام نفسها و تخرب عليه التوكيل كله بس الموضوع ده محتاج عدد و تضامن اكتر من عضو

المشاركة الأصلية كتبت بواسطة Hisham.Elgazzar مع الأسف كلامك صحيح يا أستاز أحمد بس نقول الحمدلله وربنا يستر على اللى جاى الصاج فعلا ضعيف واستهلاك البنزين بيكون كبير لو محمل العربية بتلف بيها كتير إطبع الورق فى أقرب فرصة وحاول على قدر ما تقدر تفضحهم فى الشارع أكيد هيحلولك المشكلة لأن الدعاية بالنسبالهم شيء مهم والعربية بتنتشر وخصوصا بتوع التاكسيات الغلابة وموظفين الحكومة اللى اشتروها بالقسط زى حلاتنا

http://www.relines.ru/catalog/geely-...r-controller-2