استفسارات الاعضاء فى التامين 2010

[samou07xp]

اخى العزيز انا عربيتى لوجان عملت حادثه اتكسرت المرايا الشمال و اتخبط الرفرف الشمال
و ميأمين فى الليانز تفتكر هما يغطولوا المرايا و الرفرف
وهل رايك اغير الرفرف ولا هايكون شكلوا مختلف عن الاصل علما ان تغييره هايكون تبع الوكيل

[ayman aziz]

الأخوة الأعزاء ارجو نصيحتكم ، فقد تعرضت سيارة زوجتى وهي سيارة هيونداي أتوس موديل 2008 وعدادها كان عامل 16000 كيلو فقط وفقد تعرضت لحادث شديد من شاب مستهتر كان يسير بسرعة جنونيه في شارع ضيق جدا وغالبا كان بيهرج مع صحابه فصدم سياره زوجتي وهي مركونه ومتوقفة تماما وادي هذا الحادث الي تلفيات قدرت مبدئيا من التوكيل كإصلاح فقط بحوالي 13000 جنيه بدون إضافة قطع الغيار المطلوبة فتوجهت بها الي مركز صيانه أخر فقدرت المقايسة بقطع الغيار المطلوبة ب23000 جنيه وهذا طبعا سعر خرافي بالنسبة لسعر السيارة نفسها فوجدت ان بيعها علي حالتها كسيارة حادثة يكون أفضل فبعت السيارة كلها ب22 ألف جنيه، المهم لكي لا أطيل عليكم لم يكن للسيارة تأمين لأنني سألت بعض العلماء فقالو لى ان التأمين علي السيارة حرام ثانيا اتصلت بالشرطة فور الحادث فجاء الضابط وعمل المحضر وأثبت كل شيء بالمحضر والتلفيات وان السيارة كانت متوقفة وزهبنا الي القسم ولكن الولد وأصحابه مضوا علي المحضر وخرجوا ولسان حالهم بيقول ابقي قابلني ومطرح ما تحط راسك حط رجليك وحاولت الإتصال بالولد أكثر من مرة ولكنه عديم الإنسانيه يرد علي احيانا ببرود ويقول لي سيارتك ما فيهاش حاجة واديهاني اصلحهالك ومرة يقول لي دا قضاء وقدر وأخيرا أصبح لا ير علي التليفون، أسف جدا للإطالة ولكني أطلب مساعدتكم هل ممكن أن أصل الي شيء بالقانون لأن ناس كتير قالولي مش ها تاخد شئ غير البهدله وممكن المضوع يخلص ان كل واحد فيكو يدفع غرامة 50 جنيه أنا عندي استعداد اني أدفع أي مبلغ مقابل انى احبس الولد دة لأنه آفة تنخر في المجتمع كله وتخيلوا انه بعد سنه أو اتنين ها يبقي صيدلى ممكن يعمل في الناس ايه وهو بدون ضمير أرجوا المساعدة برأيكم.

[Injection]

هو الموضوع فعلا معضلة, لأن حضرتك هتتعب جامد علشان تعمل اللى فى دماغك, وممكن المحضر يتقطع فى القسم أو يتزور فيه, وممكن بكرم ربنا يتحبس فعلا.
الموضوع عايز واسطة علشان يتابع لحضرتك المحضر فى القسم, وممكن حضرتك تروح القسم كل شوية تشوف الموضوع وصل لأيه وتحاول تتصاحب على الناس اللى هناك وتحسسهم بمحنتك.

والبلد دى لافيها قانون ولا بتنجان, يعنى لو هو معاه واسطة جامدة ممكن تروح تلاقى المحضر أتقطع أو مكتوب أن عربيتك هى اللى خبطته, فلازم يكون معاك صور للحادث وشهود مستعدين.
ورغم أنى شايف أن الموضوع لن يؤدى الى حاجة, حضرتك سامحه وأستعوض عند ربنا, وحاول تنصحه يمكن النصيحة تجيب نتيجة, ولو أتحبس مش هيعرف يكمل تعليمه وهيطلع من السجن مجرم بجد, والنهاردة هو بيلعب بعد سنتين هيقف فى صيدلية وتطلع عينه, وربنا مابيسبش حق حد.

[sameh201]

هو للأسف الشباب معظمه مستهتير بس هتتعب كتير بس مافيش ادامك غير انك تتابع المحضر الي انت عملته

[sameh201]

مساء الخير بس حضرتك ممكن تعرفنا نوع العربيه بس عموما لو مهندس التأمين شايف ان الرفرف ممكن يتصلح هيصلحه و لو شايف انه يتغير هيوافق على تغيره