هغير اطارات و جنوط عربيتي و مش عارف اجيب ايه .. ساعدوني يا ولاد الحلال

[mando_07]

المشاركة الأصلية كتبت بواسطة b A d R لقيت منه الفرنساوي سعره 575 جنية لكن مش معايا رقم المحل .. هو في السواح قريب من روماني كدا بقولك ايه انا في حد عارض عليا كاوتش كومهو كوري السرعة بتاعه V و انتاج 2011 و بيشكرلي فيه اوي اوي اوي و عارضه عليا بــ450 جنية

بس يا باشا متسترخص في الجنوط عشان متقرفكش وكل شوية تلاقي فردة جنط أتشرخت ولا اتكسرت زي محصل مع ناس أصحابي كتير أنا لما رحت جبت جنوط كان ادامي حاجات رخيصة بس قلت للراجل اللي في أرابكوم أنا عايز جنط اركبه و أنساه ميجيش يتشرخ من مطب جامد ولا نقرة الواحد مبيمشيش على حرير يعني سعتها الرجل رشحلي واحد حلو أوي الصراحة و متين جبته ب-3850 تايواني مقاس 16 وإنشاء الله هبيعه اليومين دول و حركب 17 وإن شاء الله حجيب حاجة نضيفة برضه عشان ميقرفنيش و بالنسبة للكاوتش أنا مركب الكومهو السرعات و زي الفل البريدجستون صوته أوطى اه بس أغلى الضعف

[b A d R]

طيب عايز تبيع طقم الجانط بكام و حالته عامله ايه

[walidelmorsi]

نصيحة وعن تجربة بلاش تجيبة لان عربياتنا تقيلة وبعد اول 10 الاف كيلو الكاوتش حيعمل عالى وواطى وريجة .

[mando_07]

المشاركة الأصلية كتبت بواسطة b A d R طيب عايز تبيع طقم الجانط بكام و حالته عامله ايه

حالته زي مجبته الحمدلله وبفكر أبيعه على 2000 وإن شاء الله هزود 2000 وأجيب واحد 17

[mando_07]

المشاركة الأصلية كتبت بواسطة walidelmorsi نصيحة وعن تجربة بلاش تجيبة لان عربياتنا تقيلة وبعد اول 10 الاف كيلو الكاوتش حيعمل عالى وواطى وريجة .

مع احترامي لحضرتك مضاد مقاس الكوتش صح وزي ماهو مكتوب على القيم بتاع العربية عمره مهيعمل حاجة عشان هيبقى مقاس المصنع احنا مش مخترعين فيه لكن أنا فعلاً لم ركبت مقاس غلط في عربية والدي المرسيدس جنوط 16 برضه الكاوتش فعلاً قعد 20 ألف وفردتين عملوا بقاليل غيرت الطاقم كله وجبت المقاس الصح بقاله 50 ألف أهو كويس