فى ضيافة المهندسة همت..

[m.genedy]

فكرة روعة وعندى فعلا اسئلة
للاستاذ حازم
وكنت منتظر لما اتشرف بمقابلتة
لكن الاستاذة همت اتاحت لي الفرصة الأن...
ح انتظر دوري

[حازم شاهين]

المشاركة الأصلية كتبت بواسطة samirayad نبدأ بإسم الله 1- إسمك كاملا حازم محمد احمد شاهين 2- سنك 42 سنة و اربع شهور و 12 يوم و نصف 3- طبيعة عملك قياس في هيئة قناة السويس و تعني المسؤل عن حساب حمولة و رسوم السفن اللي بتعبر قناة السويس 4- هواياتك النوم و الاكل... و دول اكتر حاجتين بعملهم في غير اوقات العمل لا حقيقي حاليا هوايتي الوحيدة هي تصفح النت 5- رأيك فى الموقف السياسى الحالى الموقف السياسي حاليا عبارة عن حالة من عدم الثقة و ترصد من الجميع مع محاولة كل طرف انه يحقق اكبر مكسب او مغنم 6- رشحت مين للرئاسه ....وليه ابو الفتوح لاني كنت شايف انه صاحب مشروع وسطي مجمع و هو ما تحتاجه مصر حاليا مرسي علشان تحقيق توازن بين النظام القديم و دولة العسكر وبين القوي المدنية الاخري و الحيول دون انهاء الثورة بشكل كامل ---------------------------------- كفايه الشويه دول على ما أتناول كأس آيس كريم من على مائدة مضيفتنا الفاضله

الرد في الاقتباس
فاصل و نواصل

[حازم شاهين]

المشاركة الأصلية كتبت بواسطة samirayad نبدأ بإسم الله 7- هل أنت مع التعديلات الدستوريه الجديده ... أم لا ....والسبب انا مع وضد نفس الوقت مع علشان طول عمرنا بنعاني من السلطات المطلقة لرئيس الجمهورية اللي كانت مخلياه نصف إله و بالتالي لما تبقي الصلاحيات دي مناصفة مع جهة تانية يبقي فيه ضمان بعدم وجود ديكتاتور جديد كمان طبيعي ان اعلان الحرب يبقي بعداخذ راي الجيش ضد علشان خلت العسكر غير المنتخبين في وضع زي ملالي ايران فوق الدستور و الدولة والقانون انا اول مرة اشوف دستور يكتب لناس بعينهم يعني لو مات هاحد فيهم الدستور يبوظ المادةاللي بتقول المجلس بتشكيله الحالي هو المختص بشؤون الجيش فيه كده في اي دستور يا ناس ررررررررررررررر 8- هل ترى ماتم من محاكمات للمخلوع ...صار بشكل منطقى منطقي طبعا لكن غير عادل منطقي لان اي حد كان فاكر ان هيحصل قصاص فعلي بسهولة كده يبقي حالم 9- ماهى توقعاتك للمرحله السياسيه القادمه تفاهمات بين العسكر والاخوان كالمعتاد في العلن و ضرب من تحت لتحت والخاسر الثورة 10- هل أنت مع المظاهرات فى كل وقت أم لا نعم طالما سلمية [SIZE=6][COLOR=black]--------------------------

باقي الردود في الاقتباس

[eng.hemat]

السلام عليكم ..وانا بقول اية النور دة

مشرفنا الاستاذ الفاضل جنيدى

وهلالالالالا بضيفنا الكريم الاستاذ حازم

اتفضلوا الايس كريم ..فعلا الدنيا حر

بس اسئلة المهندس سمير واجابات ضيفنا الكريم اضافت نسمات من الود الجميل على جلستنا الطيبة ...

[samirayad]

1- هل أنت دائما قرارك من نفسك ....أم أنه أحيانا بيجب أخذ مشورة الآخرين

2- ماهى الألوان المحببه لديك

3- هل تحب مشاهدة الأفلام العربيه والمسلسلات ....والقديمه أم الجديده

4- هل تحب سماع الأغانى ......وماهو مطربك ومطربتك المفضله

5- هل تميل للهدوء والسكينه ....وخصوصا فى محل سكنك

6- هل أنت مع أو ضد .....تنظيم الأسره ....ولماذا

7- ما رأيك فى الإعلام المصرى بشكل عام

8- ماهو رأيك فى الثقافه العامه للشعب المصرى

9- هل أنت مع أو ضد ....الحد الأدنى والحد الأقصى للأجور...ولماذا

10- ماهو رأيك فيا أنا شخصيا ....بشكل عام

11- ماهو رأيك فى قرارات باقى أعضاء مجلس إدارة المنتدى

( أبو نورا ------------- الأستاذ / سيف )

وتفاعلاتهم معنا كأعضاء بشكل عام

----------------------------------

كفايه كده حاليا على ما أخدلى ...كمان واحد آيس كريم