تعليم قياده السيارات للأنثات والسيدات فقط

[Rania Elhoseny]

يسعد مساكو يا حلويين
وبجد منورين
ان شاالله تكونو بخير
الموضوع ابتدى من 10 سنين تقريبا لما كانت اعز صديقاتى نفسها تتعلم السواقه ورحت معاها مدرسه تعليم قياده وعرفنا نظام القرص وحجزت ودفعت الاشتراك ووصلتها بنفسى اول حصه وكانت الفرحه مش سيعاها واتفقنا نتقابل بعد حصتها فى الكافيه اللى اتعودنا نتقابل ونقعد فيه ورحت استنتها ولما جت فى الميعاد لاحظت وهيه داخله عليا تعبيير حزين مفهمتوش ولما قعدت وسألتها قالتلى ان المدرس بتاعها طلع راجل عمره حوالى تلتينات ومكنتش دى المشكله انما الاهم ان وهو بيعلمها ازاى تنقل الفتيس وكدا كان بيحط ايده على ايدها واوقات كانت ايده بتيجى عليها او تلمسها وطبعا ده خدش حيائها حتى لو مكنش يقصد وفكرت بقى معقول لو مكنتش بسوق بقالى 9 سنين تقريبا كان هيحصلى كدا لمجرد انى عاوزه اتعلم السواقه وخصوصا ان انا وهيه متحجبين وفوقتنى على صوتها بتقولى انتى سرحانه فى ايه انا مش هروح المدرسه دى تانى لكنى صممت واخدتها ورحنا المدرسه وسألت لو فى امكانيه ان مدربه اللى تعلمها لكن للاسف كان كل المدربين رجاله وقالى السكرتير لو المدرب مش عجبها ممكن نغيره بس مش دى المشكله فحاولنا نسترد المبلغ اللى دفعته لكن ماخدناش ولا حق ولا باطل ؛

المهم لفينا ودورنا كتير على مدرسه تعليم يكون فيها مدربه وبالرغم اننا لقينا مدارس كتير الا اننا ملقناش في ولا واحده فيهم مدربه واحده وصحبتى كانت فقدت الامل خلاص وقالتلى مش مهم اتعلم السواقه خلاص وايه يعنى احلم ومحققش حلمى وطبعا ده كان من ورا قلبها لانى حسيت اد ايه كان نفسها تتعلم السواقه وشفت مظاهر الحزن اللى اترسمت على وشها كان ممكن اعلمها السواقه واقولها اعملى كدا وكدا زى ما بعمل لكن ده مش حل لانه مش صح ولا انا عندى ملكه تعليم السواقه...
وبعدها بيومين رحت المرور اجدد رخصتى ولقيت بالصدفه اعلان عن اكاديميه تابعه للمرور بتعلم الناس اللى بيسوقو كويس ازاى يعلمو غيرهم من الناس ويبقو مدربين ورحت استفسرت وعجبنى البرنامج اللى قالو عليه فامضيعتش وقت واشتركت ولقيت نفسى بنت واحده وسط 19 راجل وبعد شهر خلصت القرص واخدت شهادتى وجريت على صحبتى واخدتها وعلمتها السواقه وماشاالله عليها دلوقتى محترفه سواقه


انا جيت انهارده لانى بنت زيكو ومش ممكن اسمح لاى حد مهما كان انو يخدش حيائى ولو على حساب حلم انا حلمته ايا كان الحلم هو ايه
السنوسى كار لتعليم قياده السيارات
مدربه متخصصه ومحترفه لتعليم قياده السيارات للأنثات والسيدات فقط
نأخذك من المنزل ونعيدك الى المنزل
تحديد المواعيد حسب وقت الفراغ
التعليم وسط الزحام والميادين العامه
نؤهلك لاستخراج الرخصه
برامج متعدده لجميع المستويات
تدريبات نظريه وعمليه
نبدأ معكى من الصفر لدرجه الاحتراف


التدريب والتعليم بطريقه اكاديميه والتى تتضمن اساس علمى وقاعده غير قابله للخطأ
كونى ايجابيه واختارى مدرسه قياده تحترم قواعد القياده وأداب الطريق المروريه والعامه
كما يوجد لدينا حصص خاصه لمن ترغب بالتعلم على سيارتها الخاصه مانوال او اتوماتيك
دلوقتى ومن انهارده تقدرى تتعلمى السواقه وانتى مطمنه ومش قلقانه حتى الاب او الاخ او الزوج هيكون مطمن عليكى لانو عارف ان اللى بتعلمك واحده ست زيك
وطبعا كلنا عارفين ان الست محتاجه بجد تكون بتسوق لاى سبب وهيه رايحه شغلها او تجيب الاولاد من الحضانه او المدرسه او الجامعه او حتى تعمل شوبنج او تزور مامتها او حد من قريبها او لا قدر الله الزوج او الاولاد تعبو والزوج مش موجود فهى تقدر تاخدهم وتروح اقرب مستشفى يعنى الاسباب كتير والواقع اللى عايشينه ان الزوج مش طول الوقت معانا او فاضيلنا
يارب يكون الموضوع عجبكو
اى استفسار او اللى عاوزه تشترك وتتعلم تبعتلى وياله مستنيه الردود
يارب الاداره توافق على الموضوع وتثبته
متنسوش تدعولى

[Bendary]

الاستاذة نورا
بعد التحية
حضرتك ماشاء الله ( لا حسد ) 25 سنه
يعنى هذا الاعلان منقول ومش بتاعك
ثانيا اشترك حضرتك فى المنتدى يدوبك من 3 ايام ، وبس الله ماشاء الله عملتى مشاركات ومواضيع كتير ومعظمها اعلانات بيع سيارات .

لو حضرتك بتشتغلى فى معرض سيارات ( بيع وتعليم وتاجير )
مفيش اى مشكله خالص ويشرفنا وجودك بيننا - بس نعرف
واكيد باذن الله هنستفيد من بعض .

اهلا بيكى وربنا يوفقك .

[Rania Elhoseny]

المشاركة الأصلية كتبت بواسطة Bendary الاستاذة نورا بعد التحية حضرتك ماشاء الله ( لا حسد ) 25 سنه يعنى هذا الاعلان منقول ومش بتاعك ثانيا اشترك حضرتك فى المنتدى يدوبك من 3 ايام ، وبس الله ماشاء الله عملتى مشاركات ومواضيع كتير ومعظمها اعلانات بيع سيارات . لو حضرتك بتشتغلى فى معرض سيارات ( بيع وتعليم وتاجير ) مفيش اى مشكله خالص ويشرفنا وجودك بيننا - بس نعرف واكيد باذن الله هنستفيد من بعض . اهلا بيكى وربنا يوفقك .

اولا رانيا مش نورا
ثانيا الموضوع دا بتاع بنت خالتى وهى عاملاه كدة وجادة جدا واى حد هيحتاج يتعلم يبعتلى على الخاص وانا اديله كل البيانات ويتصل يعرف كل التفاصيل
شكرا على الرد

[محمد حماده]

فعلا انا قريت الاعلان ده فى منتدى نسائى مشهور
وماشاء الله شغلك عليه اقبال
احسنتى التفكير والاختيار يا كات ليدى
ربنا يوفقك ويسدد خطاكى

[ابوشروق]

: THUMBS~220:
انا شفت مدربه فى شارع الترعه عمله اعلانات
سيدة تتحدى الرجال
لتعليم قيادة السيارات