عمرة موتور ولا موتور جديد استيراد

[mr_astra]

للاسف اصعب قرار ممكن تاخدة هو دة
من كلامك فعلا الموتور عاوز عمرة كاملة
انما الحل الصح موتور استيراد ولا تعمل عمرة لموتورك للاسف انا مش هاقدر افيدك فية لحسن تدعى على لان ولا كدة نافع ولا كدة نافع ونجاح الموضوع بيكون بمحض الصدفة وتوفيق ربنا

[mr_astra]

معلش سمحنى بس عارف انا بؤلك كدة لية
لان حصلت كتير الموتور ينفخ واحنا بنلينة .......... ماتستغربش
وكمان ممكن تجيب موتور استيراد يعد 3 ايام وينفخ تروح للتاجر يؤلك اساهم معاك بنص ثمن طقم الشنبر وفى النهاية انت اللى هاتخسر فك وتركيب

[Ahmed Elsahhar]

سؤال يعنى اية المتور بينفخ ممكن توضيح
http://masrmotors.com/vb/images/smilies/3_8_14.gif

[mr_astra]

يعنى يجيب دخنة من الفايظ او حتى من الشكمان والزيت ينقص والبوجيهات تتلوث زيت يعنى عاوز عمرة

[thunder2006]

انا فى نفس الوضع بتاعك .. بس انا اخدت قرار
اجيب موتور استيراد بعد الاتفاق على غيارين زيت ضمان ولو فيه حاجه الى بايعهولى هايظبطه او يدينى واحد مكانه.
وهاتخد موتورى اعمله عمره بنفسى اتعلم فيه العمره براحتى ولو نجحت ابقى كسبت موتور ولو فشلت مش هاخسر كتير هو كده كده هايتباع خرده.
بس المهم الواحد ياخد شرف المحاوله يمكن ربنا يوفقه ويكسب موتور كمان