الرقص مع الكلاب ... مع الاعتذار لكيفين كوستنر

[AbOnOrA]

الرقص مع الكلاب ... مع الاعتذار لكيفين كوستنر

http://www.youtube.com/watch?v=UOf4VTlpzhc

http://www.youtube.com/watch?v=abKT6w3RP8g

http://www.youtube.com/watch?v=EXiRLVGR_eE

[Torn@doo]

ههههههههههههههههههههههههه معلش انا ضحكت لانى شفت الفيديو الاول اخر حاجة ومش عارف بيرقصوا ع اية هو المنتخب العسكرى خد كاس العالم ولا اية
يارب يعدى الكام يوم دول ع خير
شكرا يابو نورا ع الفيديو هات

[sayed2077]

انا عن نفسى شايف ان من حقهم يرقصوا شوية معلش فى الاخر دول جنود يعنى جارى وجارك اخويا واخوك ومن صباحيه ربنا عمالين يترمى عليهم طوب وقرف واوامر عليهم من قيادتهم يعنى لو جبل كان اتهد وفى الاخر مش عاوزهم يفرحوا شوية وفعلا يعنى ايه المتظاهريين عاوزيين يقتحموا مبنى وزارة الدفاع اعتقد مفيش تبرير كافى لكده غير كده الجيش الى الان جاااد جدا فى تسليم السلطه مع العلم الانتخابت بعد ثلاث اسابيع فقط من الان يعنى مضحكش علينا و غير كدا انا بشوف جيش بشار لعنه الله بيدفن السوريين احياء تخيل يا اخى يدفنهم احياء و بيدخل على البيت يموت كل اهله فى اماكنهم ومع انى من مناصرى الثورة الا انى ارى ان فعلا فيه شىء غلط وطبعا انا احترم جميع الاراء حتى لو كانت ضد راءى الشخصى

[M.TONSY]

الصراحة من حقهم يرقصوا
هما الدهماء اللى كانوا هناك بيحدفوا طوب وبيحاولوا يكسروا الحواجز ليه هو الدولة خلاص مبقلهاش هيبة ولا احترام اللى عايز يدخل يكسر ويحرق اى منشأة تحت مسمى الثورة والحرية يتفضل
هو مش المفروض الاعتصام كان سلمى ويبقى له قواعد انا تعبت من عدم النظام وعدم تطبيق القوانين ومسلسل الفوضى المستمر
وحتى لو ضربوا غاز عليهم او ضربوهم بالعصى فهم بيأدوا خدمتهم فى حماية منشآتهم وهذا حقهم للحفاظ على كرامتهم وكرامة الجيش
من يدعوا الى اعتصام العباسية فهو يدعوا الى اهانة صورة الجيش المصرى وليس المجلس العسكرى
واخيرا تحياتى للجيش المصرى لانكم فضضتم الاعتصام المخزى وبشرف بدون اطلاق رصاصة واحدة على شعبكم
ورجاءا من الان وصاعدا تطبيق القوانين وكفاية طبطبة علشان افتكروه ضعف
واحب اقول فى النهاية للمجلس سلموا السلطة بشرف لان الشعب خلاص مبقاش يفرق معاه حاجة ودماء المصريين فى رقابكم الى يوم القيامة

[حاتم عبدالرؤوف]

لازم يرقصو ويرقصو لان اللى عملوه كان لازم يتعمل من اول مليونيه لان اللى بيحصل ده كان اسمو تهريج عقبال ماينهو على اللى بيعمل كده لان لايمكن يكون ده ولا دول بيحبو البلد دى لان بدل مانقول للمجلس شكرا نعمل فيهم كده لكن لو كان الجيش وقف مع النظام السابق ودفن اللى فى التحرير مكانهم كانو قالو ياريت اللى جرى ما كان لكن تقول ايه بقه شغل عجب فى زمن لانرى فيه غير العجب ولكن كل التحيه للمجلس واخواننا فى الجيش وربنا يعينهم على هؤلاء السيس وقال ايه كان ابو اسماعيل عايز يبقى رئيس ادى الرئيس اللى كان عايز ينجح وشويه الزبانيه اللى حواليه دى كانت البلد هتولع تانى ربنا يجازيهم من فعل اعمالهم لان لو كان بيحب البلد كانت الايام هتؤكد على انو مظلوم والفرصه قائمه للدورات القادمه لكن هو على يقين انو لايمكن حد ينتخبو مادام الشعب عرف الاعيبو ومدى عدم المصداقيه والان اهى ظهرت كمان له اتباع بالتصرفات اللى كل الشعب شافها وادينا حكمنا عليه اهه ربنا يجازيهم من اصل فعلهم يارب اللهم امين