اقرا القول الفاصل في شراء النيو اكسنت اسبورت

[lol64]

ربنا يوفقهم اصل غبور ابن حلال
انت اشتريت النيو اكسنت الكلاسيك يابو يمنى ولا لسه؟

[ESL NSR]

المشاركة الأصلية كتبت بواسطة ابو يمني طبعا سمعتم ان غبور نزل سيارة اسمها نيو اكسنت سبورت في معرض فورميلا الحالي والسيارة تختلف عن النيو اكسنت القديمة من حيث الشكل فقط فتم تزويدها ب 1- كشافات امامية جديدة 2- كشافات خلفيى جديدة (تشبة الفرنا الي حد كبير) 3- تغيير الشبكة الامامية بواحدة حادة المنظر تعطي طابع رياضي 4- تغيير الاكصدامات الامامية بأكصدمات حادة التصميم تعطي ايضا طابع رياضي مما جعل شكل المقدمة يتغيير تمام 5- عتب بالاجناب 6- كشافات شبورة مستديرة بدلا من المستطيلة 7- مرايات كهرباء بها اشارة 8 - حلية شكمان عريضة بها قطعة نيكل 9 -عاكس ضوئي خلفي شبيهة بالموجود في الماتريكس وطبعا زيادة في السعر 80400 اي بزيادة 4500 عن النيو اكسنت العادية وانا راي الشخصي ان السيارة الجديدة شكلها اجمل للشباب فهي تعطي مظهرا شبابي جذاب يوحي بالسيارة الرياضية فالاختيار سيكون صعب ولكب سيتحدد وفق معاير اخري فامكانيات السيارتين متطابقة تمام من حيث الاداء فسيكون الاختيار لو انت شاب لسة صغير يعني مش محتاج سيارة وقورة تذهب بها للعمل وتعطي لك مظهر كلاسيك يبقي اختيارك الامثل هو نيو اكسنت سبورت لمظهرها الرياضي لكن لو كنت زي حالتي طول اليوم شغل و بتحب مظهر السيارة الكلاسيك شوية بس يكون ادؤها رياضي عشان متتخنقش منها يبقي هتجيب النيو اكسنت العادية عشان مظهرها وقور شوية عن الاسبورت ودة مجرد راي عشان يساعدك علي الاختيار لكن ممكن حد يشوف ان منظر السيارة الاسبورت عادي مش شبابي يعني بس دة راي بعد ما شوفت السيارتين.

أولاً شكراً جزيلاً ع التقرير يا أبو يمنى ... أنا شفتها في المعرض فعلاً وعجبتني التعديلات الجديدة جداً وخصوصاً باللون الأحمر الجديد تحفة ومبهرة جداً (أحسن من المقدمة القديمة للعربية من وجهة نظري كواحد بيحب الشكل الرياضي أكتر من الكلاسيك)

بس كان عندي استفسارين مهمين جداً بالنسبة لي عشان ناوي أجيبها إن شاء الله أرجو تفيدني فيهم :

1)- هل العربية بالتعديل الجديد في الإكصدام الأمامي تبأة واطية شوية وتحك في المطبات ؟
2)- وده السؤال الأهم بالنسبة لعداد الحرارة الي مش موجود ده ... خايف من إن اللمبة الي بتشتغل بداله دي لو عطلت الواحد يعرف منين إن درجة حرارة العربية عليت ولا لا ؟ وهل هي درجة حرارتها بتعلى بسرعة مع الزحمة والوقوف الكتير ولا العربية كويسة في الجزئية دي ؟

[hazem_khidr]

المشاركة الأصلية كتبت بواسطة ابو يمني طب رايك اية في شكلها يا حازم عايزين راي خبير انا عندي احساس انهم لخبطوا العربية شوية

رأيي فيها زي رأيي في الفانتازيا من سكودا بالضبط
مركبين وش 2010 علي عربيه يرجع تصميمها ل 5 سنين فاتوا
فبتحس ان العربيه مش ماشيه مع بعضها
و نفس الكلام بقوله علي النيو اكسنت المدعوه بسبور!!!
هو فعلاعلشان يركب الوش دا علي العربيه
يبقي يشيل كل الجرايد الموجوده في الاجناب و ما يبقاش في الصاج اي سوكه في النص
و لو لازم سوكه تبقي تحت الزجاج و قبل مقابض الابواب علي طول
و خط الزجاج الجانبي يبقي عالي من ورا و ينزل من قدام
و ضهر العربيه يشيل الفوانيس الطوليه و تبقي عريضه
بكده اقدر اقول ان العربيه دي 2010
اما اللي معمول فيها دا كوكتيل

[m_o_sakr]

انا شايف ان شكل الكلاسيك احلى, اللعربيه السبور (بزعم خبراء السيلرات - غبور ptmnlo123per172) شكلها عامل زى العربيات الصينى الرخيصه

[د-خيرى]

ترحيب بالمتواجدين فى المنتدى والزائرين