الدينمو مزعلنى

[ريجاتاموتورز]

بعد وافر التحية . بعد عفريت الكهرباء فى العربية طلعلى عفريت الدينمو شوية يشتغل واحيانا العربية مترضاش تدور والبطارية نايمة لان الدينمو مكنش بيشحنها اروح بيها لكهربائى يبص فيها وبعدين نزق ويقولى امشى هو اشتغل حصلت معايا كذا مرة محدش عنده تفسير للى بيحصل هل الدينمو باظ ولا عاوز فحمات ولا كتاوت شحن ولا اشترى غيروا ولا اجيب بطارية

[mr_astra]

هاتلوة كتاوت داخلى بـ 20 جنية
وصنفر الكروكتور وشيك على الشربون وبامر الله ما فيش مشاكل منة تانى

[ريجاتاموتورز]

المشاركة الأصلية كتبت بواسطة mr_astra هاتلوة كتاوت داخلى بـ 20 جنية وصنفر الكروكتور وشيك على الشربون وبامر الله ما فيش مشاكل منة تانى

شكرا على سرعة ردك ودا اللى انا متعشموا دايما فيك / بس فسرلى ازاى اسنفر الكروكتور

[mr_astra]

انا كان قصدى اقول انك تعملة صيانة شاملة
الدينامو يتفك ويتنضف كويس اوى
وبدل الكتاوت الخارجى اللى عندك لا فى كتاوت صينى بيتباع للفيات تقريبا بـ 20 او 25 جنية والله راكب بقالة اكتر من سنة بدون مشاكل
والموبينة راكب فى نهايتها كركتور نحاس يتفلج كويس اوى بابرة او صفيحة منشار وعلى المخرطة يتاخد وش صنفرة
والشربون لو خلصان تغيرة
وطبعا لو فى بلى تعبان يتغير واكيد تشيك ان ما فيش بوش فى شميز البلية
بس ادى اللى اقصدة كدة يبقى عملت صيانة شاملة للدينامو

[mr_astra]

معلش انا اسف افتكرت حاجة تفي الموضوع
الكتاوت الداخلى بيجى بالشربون بتاعة
وجب التنوية