صوت نعرة على RPM محدد... أغيثونا أغاثكم الله

[zing0]

السلام عليكم
عوداً حميداً
------------
اليومين اللى فاتوا فكيت الكربراتير و نضفته و غيرت البيكات و ضبطت الهوا و البنزين, بس ظهر عندى مشكله و كالعاده إحتار فيها الأطباء_ قصدى الميكانيكية.
ظهر صوت نعرة
بأشبع الغيار تظهر , و لو زودت (حرقت) تروح, يعنى بتظهر على عدد لفات محددة
- عندى الثانى لحد 40, قبل الـ 40 مباشرة تنعّر, يعنى قبل ما أنقل عالثالث, و لو حرقت عالثانى تروح, و برضه لو نقلت تروح.
و نفس الكلام على 60 (بين الثالث و الرابع), و برضه على الـ 80 (بين الرابع و ؟؟؟ أنا آخرى الرابع معنديش خامس)
و الصوت مع الـ 80 أعلى من الـ 60 و الـ 60 أعلى من الـ 40 و هكذا
قواعد الموتور لسه مغيرها (كلها)
فلتر الهوا جديد (من شهر) و نضفته بالهواء المضغوط
الإخوه الميكانيكية بيفتوا بكلام عبيط و مش لاقيين حل
كشفنا على بلى العجل و بلى كرسى النص و زيت الفتيس و الكارونا - العربية دفع خلفى طبعاً
مش عارف المشكله فى ايه؟

أغيثونا أغاثكم الله

[AbOnOrA]

عوداً حميداً يا باشا ، للاسف الحاجات اللى زي ديه مش بتبان الا لما الموتور يتفتح انا لو منك مبدئياً اغير زيت وفلتر واجرب منظف للموتور motor flush واشوف ايه الاخبار

[ahmed_eng2001]

متابع معاك

[احمد على 1999]

طيب على الاقل حد حدد جاية من الكورونا و لا من قدام ؟
هل تبان و العربية و اقفة و عليت لنفس ال rpm ؟

[zing0]

إمبارح رحت لميكانيكى تانى
رفع العربية و دور و جاب كل الغيارات بس مفيش صوت
نزل تحت العربية قالى الفلانشة مبوشه و فيها مسمار مش موجود
و دى عامله رجرجه (فعلاً دى مشكله قالها فترة) و تخبيط فى الغيارات
ده الكشف المبدئى بس الباشا مكانش فاضى فقالى يوم تانى (زى الدكاتره يعنى)
طبعاً كده هنضطر نفك الكردان و نكشف على البلى و كرسى النص و .... و ربنا يستر