يا اهل الخبره عايزة اصلح سيارتى AX - اروح لمين ؟

[نسيم الجنة]

المشاركة الأصلية كتبت بواسطة احمد على 1999 انا بعت رسالة لاستاذ aymangalal بتهيألى اكيد حيبقى عارف لانه خبرة كويسة فى ال AX

شكرا لك يا استاذ احمد جزاك الله خيرا يا رب و ربنا يكرمك

[احمد على 1999]

المشاركة الأصلية كتبت بواسطة نسيم الجنة شكرا لك يا استاذ احمد جزاك الله خيرا يا رب و ربنا يكرمك

جزانا و اياكم
و ربنا يوفق حضرتك للخير

[نسيم الجنة]

المشاركة الأصلية كتبت بواسطة aymangalal وصلتنى الرسالة يا استاذ احمد ومشكور على التنبية جزاك الله كل خير بالنسبة للاخت السائلة فكما قال الاخ crime فى صنايعية فى عين شمس وجسر السويس واعتقد ان ده اقرب مكان لمدينة نصر ومن خلال تجربتى اوضح لحضرتك الاتى: تعاملت مع الحاج فرج(محطة العرب) شارع جسر السويس ده متخصص ستروين فقط ميكانيكا وعفشة وقطع غيار وكتير تعاملت معاه بالاكتر فى العفشة شغله كويس واسعارة ف منها المعقول ومنها الغالى لانى كنت بشترى من الوكاله لانها اقرب لى بالنسبة للكهرباء بتعامل مع واحد ف امبابة من ساعة التجديد ماوديتش العربية لحد غيرة لانه عمل لى كل حاجه فيها وحتفظها كويس السمكرة كانت فى امبابة(وممكن اى سمكرى فى منطقتك يكون شغله نضيف ويعملك الى حضرتك عايزاه وكذلك الدوكو) بصفة عامة ممكن اى صنايعى يشتغل فى العربية ده لكن اللى عنده استعداد او يكون اشتغل فيها قبل كده بمعنى (يايفضلش يدور على مخارج ومداخل العربية سواء كهرباء او ميكانيكا او عفشة) واتعاملت مع عفشجى وميكانيكى برضه فى امبابة والحمد لله كل الشغل بيبقى تمام لو محتاجه اى تفاصيل او افادة اخرى انا تحت امرك ياريت تقوليلنا على اللى محتاجه بالظبط عشان برضه نفيد بعض ونوصل لافضل التوجيهات ... وكل شىء وله 1000 حل

ماشاء الله الله يفتح عليك و يكرمك يا رب
انا عايزة اصلح العفشة ده اهم شىء و افحص العربية كلها و لو فيها شىء تانى يقولى عليه و كمان كنت عامله سمكرة بس مش مظبوطة عايزة تتعاد عليها و بعدها دوكو لجزء من الرفرف و الكبوت
يا ترى الاسطه فرج ده عنوانه ايه بالظبط و ازاى اروح له
كمان متوسط الاسعار ايه علشان يبقى عندى معلومات ادام الصنايعى و مبقاش مش عارفه حاجه يعنى

و الله كتر خيرك يا استاذ ايمن و ربنا يكون فى عونك دايما ان شاء الله

[aymangalal]

المشاركة الأصلية كتبت بواسطة نسيم الجنة ماشاء الله الله يفتح عليك و يكرمك يا رب انا عايزة اصلح العفشة ده اهم شىء و افحص العربية كلها و لو فيها شىء تانى يقولى عليه و كمان كنت عامله سمكرة بس مش مظبوطة عايزة تتعاد عليها و بعدها دوكو لجزء من الرفرف و الكبوت يا ترى الاسطه فرج ده عنوانه ايه بالظبط و ازاى اروح له كمان متوسط الاسعار ايه علشان يبقى عندى معلومات ادام الصنايعى و مبقاش مش عارفه حاجه يعنى و الله كتر خيرك يا استاذ ايمن و ربنا يكون فى عونك دايما ان شاء الله

شوفى يا ست الكل العفشة وفحص العربية اهم من الصاج والسمكرة
الحاج فرج ميزته ان عنده قطع الغيار اللى هاتحتاجى تغيريها لكنه احيانا بيكون غالى
والموضوع ده فى اسعار شوية حاجات اقريه من باب العلم بالشىء
اسعار قطع غيار ax
وده وصف لورشة الحاج فرج :

رقم موبايله : 0105639260
وده رقم محمود ابنه وشغال معاه:0112397478
الحاج فرج عيبه الوحيد انه مابيصلحش .... بيغير على طول لكن لو لقيتى اى شىء سعرة عالى ومستغلياه ماتغيريهوش واسألى عفشجى تانى ممكن تتصلح ولا لأ واعرفى بكام والقرار فى النهاية ليكى
وبعد ما تفحصى تمام وتعملى الصح فى الميكانيكا والعفشة شوفى موضوع السمكرة والدوكو والحاجات الخارجية دى ممكن تعمليها عند اى صنايعى واسألى معارفك وقرايبك عن صنايعيةكويسيسن فى منطقتك
واخيرا اعتذر عن التأخير فى الرد

[نسيم الجنة]

شكرا يا اخى على المساعده الفعالة و الرد الوافى و ربنا يجازيك كل الخير ان شاء الله