عايز تشتري عربية ومحتار؟؟؟؟ تعالى أقوللك إزاي تختار

[mostafayation]

السلام عليكم يا اهل الخبره الموضوع فعلا مهم ومنسق الى ابعد مدى واتشرف انى اكون معاكم فيه ... عندى شوية مقارنات بين حبة عربيات كده وعاوز رايكم فيها
اولا اسمى مصطفى .. معايا فى حدود 20000 قابلين للنقص ههههههههه
عاوز عربية مواصفتها كالاتى
1- تكون ناعمة وسحب عالى
2- تكون صالون كويس مش ضيق بيشيل فردين ( عائلية) اسرة صغيرة
3- مش مهم تكون كواتلايات قوى اكتر منها قوة العربية
4- قطع الغيار تكون متوفرة طبعا بس انا ساكن فى جسر السويس يعنى هكون قريب من اغلب التجار
5- العربية مشاوير بيتى لان الشغل قريب من البيت
6- اهم حاجة فى قطع الغيار تكون معمرة
نيجى بقى للعربيات هى 1- سيتروين ax مو 1995 / 1996
2- مازدا 323 مو 82 / 83
3- هوندا سيفيك مو 82 / 83
4- ماروتى موديل عالى
عاوز بقى كل حاجة بالتفصيل الممل عن كل حاجة فى العربيات المميزات والعيوب وايهم المناسب اكنر والباقى لاء ليه وشكر ا وهتعبكم معايا شويتين

[borio1704]

المشاركة الأصلية كتبت بواسطة mostafayation السلام عليكم يا اهل الخبره الموضوع فعلا مهم ومنسق الى ابعد مدى واتشرف انى اكون معاكم فيه ... عندى شوية مقارنات بين حبة عربيات كده وعاوز رايكم فيها اولا اسمى مصطفى .. معايا فى حدود 20000 قابلين للنقص ههههههههه عاوز عربية مواصفتها كالاتى 1- تكون ناعمة وسحب عالى 2- تكون صالون كويس مش ضيق بيشيل فردين ( عائلية) اسرة صغيرة 3- مش مهم تكون كواتلايات قوى اكتر منها قوة العربية 4- قطع الغيار تكون متوفرة طبعا بس انا ساكن فى جسر السويس يعنى هكون قريب من اغلب التجار 5- العربية مشاوير بيتى لان الشغل قريب من البيت 6- اهم حاجة فى قطع الغيار تكون معمرة نيجى بقى للعربيات هى 1- سيتروين ax مو 1995 / 1996 2- مازدا 323 مو 82 / 83 3- هوندا سيفيك مو 82 / 83 4- ماروتى موديل عالى عاوز بقى كل حاجة بالتفصيل الممل عن كل حاجة فى العربيات المميزات والعيوب وايهم المناسب اكنر والباقى لاء ليه وشكر ا وهتعبكم معايا شويتين

أنا آسف إني اتأخرت في الرد... بصراحة اتشغلت ونسيت... أنا آسف

بس كويس... الطلبات اللي حضرتك قلتها هي البداية اللي قصدي عليها...

بس حضرتك ما وضحتش إذا كنت محتاج مكان كبير في العربية تشيل فيه حاجاتك ولا لأ... لأن إجابة السؤال ده حتجاوب إذا كانت السيارة المناسبة سيدان ولا هاتشباك

عشان كده حنقسم العربيات اللي حضرتك اقترحتها إلى قسمين
السيدان: مازدا 323 / هوندا سيفيك
الهاتشباك: سيتروين AX / سوزوكي ماروتي 800


بس عندي كذا ملاحظة:

أول حاجة: المازدا والهوندا زي بعض قوي لإنهم من نفس الفئة فب الحجم والموتور وكمان الاتنين ياباني ونفس موديل السنة، فالكلام اللي حيتقال على واحدة حيتقال على الاتنية... مع بعض الاختلافات البسيطة.

تاني حاجة: الماروتي من أصغر العربيات في السوق... بس حتلاقيها مغطية معظم احتياجاتك

تالت حاجة: معتقدش السيتروين منتشرة بشكل يسمح إنك تلاقي قطع غيارها بسهولة، وممكن حضرتك تسأل في الموضوع ده أكتر عشان تتأكد... ده غير إنها عربية فرنساوي، يعني الدماغ اللي عملتها غير الدماغ اللي عملت الثلاثة التانيين، وممكن كمان تتأكد من ده لما تشوف العربية بنفسك


نيجي لطلباتك:

ناعمة وسحب عالي: مازدا ، وهوندا طبعا.... الماروتي ناعمة بس سحبها ضعيف، والسيتروين سحبها مقبول بس مش ناعمة
صالون واسع: مازدا وهوندا .... يشيل فردين أو أسرة صغيرة الماروتي والـسيتروين يمشوا معاك
قوة العربية: مش فاهم بصراحة السؤال كويس
قطع الغيار: بالترتيب : الماروتي ، المازدا ، الهوندا ، السيتروين
المشاوير بيتي : الماروتي ، السيتروين وبعدين المازدا أو الهوندا
قطع الغيار معمرة: الهوندا ، المازدا ، الماروتي ، السيتروين

رأيي
استبعد السيتروين،
وفكر في الماروتي لإنها مناسبة أكتر لو عايز توفر

وربنا يوفقك




...

[mohamed elshahat]

مشكور اخى العزيز

[borio1704]

أشكر كل من تفضل بالمرور الكريم

نورتو الموضوع والله



...

[abdelrahman kamel]

عايز عربية زيرو اوتوماتيك فى رانج ال 80 الف هشتريها قسط هادفع 35 الف مقدم والباقى على 3او 4 سنوات بازن الله, مشاويرى داخل البلد, تكون عائلية أفضل, استهلاكها للبنزين معقول ومش هفكر فى اعادة البيع, الكماليات اهمها التكييف والامان, انا كان معايا شاهين فواخد على البهدلة لكنها للاسف اتسرقت من 6 شهور وفقدت الأمل فيها عشان كده مش عايز أغامر فى العربية اللى ناوى اشتريها............حضرتك تنصحنى بأيه ولك جزيل الشكر