ما هي عيوب ومميزات ماتركس

[ramy01011]

المشاركة الأصلية كتبت بواسطة Badr Salah طبعاً تستحق الأحترام الشديد ايوه تستحق الاحترام الجامد yes تستحق احترام اخر حاجة

شكرا
شكرا
شكرا نورت المحكمة

[ahmedsherif1990]

المشاركة الأصلية كتبت بواسطة sam ram اهلا بيك استاذ احمد في عائله الماتريكساويه ومقدرش اعلق على موضوعك غير اني متفق تماما معاك في كل اللي حضرتك قلته لدرجه اني حسيت انك دخلت جوه دماغي جبت منها التقرير مع اني كنت عملت عنها تقرير قبل كده بس للاسف طلع معقد و مكلكع شويه بس بصراحه تقرير حضرتك سلس جدا و جاب المفيد التقرير اللى حضرتك عملته وافى تماما و بعدين انا ليا الشرف انى ابقى فى نفس مستوى تفكيرك و اتمنى يكون نال اعجاب حضرتك يمكن الفرق ان عربيتي اوتو و بالتالي استهلاك البنزين عندي اعلا شويه والتسارع ابطاء بخصوص الشنطه ففي برضو حل تاني ممكن تكبرها بيه انك تقدم الكنبه لقدام شويه خصوصا ان العربيه واسعه جدا من جوه وتقديم الكنبه مش حيضايق اللي قاعدين ورا لو معاك شيل كتيره اما موضوع الاحساس بثبات الطريق فدي مش لاقيلها حل خالص العربيه ثباتها كويس .. لكن مش قادر احس بمداه وحدوده واهلا بيك مره تانيه اخوك .. سامح رمزي ماتريكس 2007 اوتو اهلا و سهلا اخ سامح الثبات اللى انا اقصده ممتاز بالنسبة لعربية عائلية بس ماينفعش اخد بيه غرز و سواقة رياضية

المشاركة الأصلية كتبت بواسطة amrmohamed1975 تسلم ايدك يا استاذ احمد تقرير رائع و شرح وافي اخوك عمرو محمد ماتريكس 2010 مانيوال الله يخليك استاذ عمرو و شكرا جزيلا

المشاركة الأصلية كتبت بواسطة اسد تقرير وافى وجيد بس لى تحفظ على موضوع الفتيس العربية دى اللى خلانى اجيبها هو الفتيس الاتوماتيك فشكله فريد من نوعه الوحيد اللى شكله زى مقبض او ذراع القيادة للطائرة حاجة فخمة جدا ده علاوة على ان الاتوماتيك بلاشك مريح جدا فى السواقة وخاصة فى الزحمة انا فعلا زى مابتقول كأنك فى البيت ومسترخى كمان لدرجة انه فى الزحمة انا باسترخى جدا وانا سايق لغاية مااوصل يادوبك رجلى على الفرامل اشيلها واحطها وخلاص والعربية بتمشى لوحدها واذا استدعى ادوس شوية بنزين مايضرش بدل النقل والدبرياج والفيلم الرخم ده وانا مش شايف اى مشكلة فى سحب العربية بالاتو بالعكس سحبها جامد وافضل من انواع تانية كتير وده عن تجربة ومقارنة وفعلا باحس بقوة الموتور من سحبه ومن صوته حاجة كدة زى مواتير الجيب بس طبعا على اقل يعنى ممكن تقول فيها نفس الروح وعلوها خلانى لو نزلت منها لازم اركب 4*4 هذا اقل واجب بس فعلا انا باعتبر الماتريكس ثورة فى عالم السيارات غيرت مفاهيم كثيرة ومعتقدات قديمة لمستخدمى السيارات حاجة كدة زى اللى عمله حميد الشاعرى فى عالم الغناء بص يا باشا الفتيس و شكله لا يلغى ابدا من امكانياته لانه -على الرغم من التصنيع الجيد - فنيا غير متقن ومحتاج تطوير و انا شخصيا لو معايا مرسيدس الفئة اس هاجيبها مانيوال

المشاركة الأصلية كتبت بواسطة Badr Salah من الطبيعي ان يكون تسارع الفتيس الاوتوماتك العادي اقل من تسارع الفتيس المانيوال ومعروف ان الفتيس الأوتوماتك التقليدي بيقلل قوة الموتور شوية عن الفتيس المانيوال وده في اي موديل مش الماتركس بس. المشكلة دي اشتغلوا عليها من فترة وبدأت شركات السيارات تتبني تكنولوجيا جيدة ويعملوا تطوير في الفتيس الاوتوماتك وبدأو يستخدموا تقنية الفتيس ستبترونك(steptronic) زي اللي نازل في الكارنز وتقريباً تغلبوا علي العيب بتاع التسارع في الفتيس الأوتوماتك مع تقنية الفتيس تبترونك (Tiptronic) اللي بينزل في البورش خمس سرعات وقضوا عليه تماماً مع تقنية تبترونك اس (Tiptronic S) اللي خلت تسارع الفتيس الأوتوماتك افضل من المانيوال وبينزل في البورش 911 تربو ست وسبع سرعات وعلى فكرة دفع رباعي. يبقة احنا متفقين ان تسارع الأوتوماتك اقل من المانيوال في الماتركس وده فعلاً عيب بس تعاله نبص على المميزة الكبيرة اللي بيتمتع بيها سائق الأوتوماتك سواء ماتركس ولا غيرها لا تعليق ..انت قلت كل حاجة بس انا بافضل المانيوال مش عارف ليه الراحة الكبيرة في الزحمة المرورية (وطبعاً غنية عن التعريف في مصر) واكيد وانا رايح الشغل ( مش رايح سباق) مش محتاج تسارع كبير بين الأشارات والزحمة كل يوم او محتاج تسارع من صفر ل 100 في 8 ثواني وانا واخد العيال بفسحهم يوم اجازة. يبقه عدم الأقتناع بالماتركس الأوتوماتك صحيح وفي محله لو انا عايز عربية اخش بيها سبق وهنا لازم انصح اللي بيسألني ان يبعد عنها ويجيب بورش. بس اللي عايز عربية مريحة في قيادتها( مع التحفظ شوية علي نشفية العفشة) وتشيل عائلة واولاد وتسافر وتتفسح ومصارفها معقولة جداً وتروح بيها الشغل وترجع في الزحمة يبقة مفيش احلى من الماتركس الأوتوماتك. عندك حق ويكفيها شرافاً ان الماتركس بشكل عام وفتسها الاوتوماتك لم يظهر منهم اي عيوب صناعة او عيوب استهلاك منذ ظهورها في اوروبا في عام 2001 وحتى الأن. ده بقى اسمه النجاح لشركة بدأت من الصفر وخلى الناس تثق في العربية اسف على الآطالة اخوك بدر صلاح ماتركس اوتو 2009

المشاركة الأصلية كتبت بواسطة ramy01011 عايز بقي اسئل كل اصحاب الماتريكس الماتركساوية يعني عايز اسئلهم السؤال اللي العضو ahmedsherif1990 سئله في موضوعه هل فعلا الماتريكس سيارة تستحق الاحتراام؟؟

طبعا و بكل جدارة

[MmFFoR]

تقرير ممتاز و موضوعي عن عربيه ليها وضعها و قيمتها بالسوق

[كاكا]

معلش مع احترامى للجميع ... السيارة بها بعض المشاكل

* الدبدبة فى المطباط عفشة ناشفة .

* اسطوانة الدبرياج ضعيفة فى المطالع و خاصة اذا كنت محمل و ممكن تشم ريحة شياطها .

* صعب انك تشد بالسيارة مع احد او تخرج من مواقف صعبة بسرعة يتطلبها الطريق الا اذا سقطت غيرات و فحتت الموتور يعنى السيارة ثقيلة على الموتور .

* سواقتها تجعلك تشعر بأنك تقود ميكروباص و مش هيكتشف الحكاية دى الا اللى جرب فعلا يسوق ميكروباص .

* صعوبة رؤية ابعادها و خاصة اثناء الركنة .

* صوت الموتور يعتبر عالى داخل الكبينة على السرعات العالية .

* خامات البلاستيك المستخدمة فى الكابينة متوسطة المستوى .

* توكيل السيارة نصاب و من اسوأ التوكيلات سمعة فى مصر .

* قطع الغيار الهامة و الاصلية مثل الكبالن اسعارها خيالية و مبالغ فيها جدا .

* و اخيرا ابشع عيب و هو وجود فلتر البنزين داخل تانك البنزين اسفل الكنبة الخلفية
و طبعا وجود الفلتر داخل التانك له هدف عند هيونداى و هو ان حضرتك تصبح مرتبط بالتوكيل دائما .

و بعد ان كنا بنغير فلتر البنزين بنفسنا فى 5 دقائق فى اى عربية اخرى لازم نروح التوكيل علشان الفلتر
يا اما تروح عند الميكانيكى و يعملك حوار فتحا و نصبا علشان حتت فلتر و انت
بتدعى ربنا انه يعرف يغيره و يرجع التانك مقفول كويس زى ما كان من غير خسائر
او حريق لا قدر الله او انك تشم ريحة بنزين بعد كدة و انت مشغل التكييف .

و للعلم انا قرأت شكاوى لناس كتير فى المنتديات عن انهم بيشموا رائحة غريبة
بعد تشغيل التكييف فترة طويلة و فى ناس اكتشفت انها رائحة بنزين اتية من التنك
اسفل الكنبة الخلفية نتيجة عدم اغلاقه بأحكام بعد تغير الفلتر و فى ناس شمة الريحة و مش عارفة دى ريحة اية اصلا او جاية منين .

[اسد]

[QUOTE=ramy01011;314582]عايز بقي اسئل كل اصحاب الماتريكس الماتركساوية يعني عايز اسئلهم السؤال اللي العضو ahmedsherif1990 سئله في موضوعه
هل فعلا الماتريكس سيارة تستحق الاحتراام؟؟[/QUOT



تستحق الاحترام جدا جدا لغاية موديل 2007 وهو آخر الموديلات الكورى
بدليل انها محافظة على سعر اعادة البيع منذ اكثر من 4 سنوات
فى حدود 74000 او 75000 جنيه للاتوماتيك طبعا حسب حالتها
بل يوجد المميز مايباع منها حتى سعر 79000 لموديل 2007 الاتوماتيك
فى الوقت اللى عربيات كتير سعرها نزل بما فيها التويوتا كرولا ملكة سوق المستعمل