أفضل سيارات عملية و مزايا و سعرها أقل من 95000

[m_o_sakr]

المشاركة الأصلية كتبت بواسطة pro mada انا برشحلك عربيه من الاتنين دول دول بالمواصفات اللي انت عايزها بروتون جين تو 1.6 فول اوبشنز اوتوماتيك ب 90000 جنيه ديهاتسو سيريون 1.5 فول اوبشنز اوتوماتيك ب 94000 جنيه انا بعدتلك عن الكوري المعفن و الصيني الزفت و العربيات اللي اشكالها معوق او او او لو عايز السيدان خليك في البروتون جين تو لو عايز هاتشباك خليك في الديهاتسو سيريون القايمه بتاعت حضرتك مليانه عربيات كوري و بلاها الاف ار في عشان صيني و بلاش من الياريس و اللانسر عشان المحرك بتاعهم صغير و بلاش من الصني عشان هي مانيوال و خليك افضل في الاوتوماتيك و صدقني العربيتين اللي انا رشحتهم هم افضل اختيار و لا تنسي صلاه الاستخاره

أيه بس الى معفن فى الكورى!!!!ptmnlo123per111

[hazem_khidr]

تويوتا ياريس 2009 1300CC تكييف و باور و كاسيت أوتوماتيك
تويونا ياريس 2009 1300CC فول أوبشن مانيوال
هيونداي إلانترا 2010 1600CC فول أوبشن مانيوال 92900

دول اختياراتي بالترتيب
لو حد قال علي الياريس وشحه و خفيفه يبقي يركب النيو اكسنت و يقول رأيه ايه في خامتها و ثباتها
بالمقارنه بالياريس.
و بعدين اختار الانلنترا و ما ينفعش يبقي عندي قايمه فيها النترا و اقارنها بالفيرنا او النيو اكسنت
مافيش مجال اطلاقا للمقارنه

[AbOnOrA]

اتفق معاك يا مادا فى الافضلية للجين تو السيريون بس ارجوك كفايه زفت فى كلامك تقريباً مفيش مشاركة ليك الا فيها كلمة زفت ومعفن ومعفن وزفت مينفعش تكتب مشاركة من غير زفت خالص !!!


جين 2 اوتوماتيك فول اوبشن بالتجهيزات الرياضيه 94.500
توكيل جيد واعادة بيع متوسطة فى مقابل اكبر سعه محرك وحجم اجمالى وتصميم واداء رياضى

الهيونداى جيتز افضل قيمه لاعادة البيع واقل تكاليف فى قطع الغيار والصيانة لكن اقل كماليات خاصة وسائل الامان

سيريون 1.5 لتر اوتوماتيك فول اوبشن سبورت باكدج 93.000
توكيل ممتاز اداء ممتاز جوده عاليه

ودول ممتازين بس مانيوال واسعارهم عاليه واعادة البيع والصيانة اقل واكثر كلفه
جراند بونتو 1.4 مانيوال جميع الكماليات
سيات ابيزا 1.4 مانيوال جميع الكماليات

[tech_lover]

شكرا ليكم يا جماعة على ردودكم

المشاركة الأصلية كتبت بواسطة pro mada انا برشحلك عربيه من الاتنين دول دول بالمواصفات اللي انت عايزها بروتون جين تو 1.6 فول اوبشنز اوتوماتيك ب 90000 جنيه

الجين 2 كانت من أكثر العربيات اللي كانت محبذة من الأغلبية. بس إيه أخبار توكيلها؟ هل قطع غيارها متوفرة؟ في التوكيل بس و لا برة كمان؟

ديهاتسو سيريون 1.5 فول اوبشنز اوتوماتيك ب 94000 جنيه

هو في سيريون 1500؟؟ معلوماتي إنها 1000 و 1300 بس
على أي حال هي كانت من العربيات المستبعدة عشان الشكل الغريب (خسارة بس هي أذواق) و السعر الغالي

انا بعدتلك عن الكوري المعفن

مش فاهم إنت ليه متحامل على الكوري كده؟

و الصيني الزفت و العربيات اللي اشكالها معوق او او او

طب ليه كده احنا وصلنا لعريبة واحدة صيني بس على القايمة بعد استفسارات كتير (ال M11 مش على القايمة لأن لسة محدش عارف عنها حاجة)

القايمه بتاعت حضرتك مليانه عربيات كوري

طب م هو ده طبيعي لان CC1300 على الأقل مع اتوماتيك و فول أوبشن مش هيكون ألماني أكيد

و بلاها الاف ار في عشان صيني

بس عشان صيني و نقطة؟ في سبب يعني؟ أنا لغاية دلوقتي ما شفتش حد من ملاكها بيشتكي و الناس بتشكر في التوكيل البافارية أوي. في ناس عاملة بيها 20 ألف كيلو و مبسوطين بيها.

[tech_lover]

المشاركة الأصلية كتبت بواسطة m_o_sakr او النيسان صنى (ممكن الـ A/T بـ94الف)

ممكن أعرف هي الأتوماتيك اللي ب 94000 دي فيها إيه من الكماليات؟ أصل أنا أعرف إن الأوتوماتيك فول أوبشن بحوالي 106000

بس انت ليه مفكرتش فى البرسونا F/O A/T بـ90900

أنا شكلها عاجبني الحقيقة بس قريت إن في ناس واجهت فيها مشاكل و مش ثابتة نفسها في السوق زي الجين 2

او اوبترا اوبترا A/T بـ 94500

أوبترا مبنية علي النوبيرا و الحقيقة محدش من المجموعة عايز يجيب نوبيرا معدلة 2009