ايهما افضل فيرنا 2011 ام لانوس 2011 من حيث ...!

[AHMED.AFIFY]

السلام عليكم
ايهما افضل فيرنا 2011 ام لانوس 2011 من حيث :
استهلاك البنزين
سهولة و سعر الصيانه
سعر قطع الغيار
الرفاهيه
سؤالى عن العربيه مانيوال فول اوبشن
ارجو الرد باكثر تفاصيل ممكنه
شكراً

[memodina1]

الفيرنا بدون ادنى شك
اولا الشال كلاسيك وجميل
الماتور وحش وحش على الطريق الثبات محدش يقولى وحش لحد 140 جيد جدا ومتهيقلى محدش هيزود عن كدة مش لازم تقفل العداد يعنى
الكشل من جوة احلى يكتير من اللانوس انما اللانوس اوسع سوية صغيريين من الفيرنا من ورا بس ادام لاة عشان ادام الفيرنا اريح للسائق بكتتتير اوى
العفشة ممتازة وشدشدة جدا وقوية
الماتور انجكشن جديد انما اللانوس ماتور من 1995 وهو هو نفس الماتور بتاع 2011 لحد الوقتى
التكييف ممتاز جدا ولا يؤثر على السحب لانها 1600 لو هتجيب اقل من 1600 هات حاجة تانى غير الفيرنا
دا الاهم الوقتى لكن بلا جدال الفيرنا ومتجبهاش فيرنا استار هاتها عادى ووفر تمن العتب اللى هو 2000 جنية اة بالنسبة للبنزين الانتين جوكسين مش وحشين انما التسارع على الطريق الفيرنا 90%
اللانوس 70%
واسال مجرب الاتنين

[AHMED.AFIFY]

شكراً لك
فى آراء اخرى

[RENAULT 18]

بصراحة راى أن حرام اللانوس يدفع فيها المبلغ دا .... حرام أدفع 70000 فى عربية نفس الشكل من 12 سنة ..

الفيرنا شكل أحلى و جديد و متور شديد ......... بالتوفيق إن شاء الله

[hesham mansour]

أنا مجربتش الفيرنا
بس أنا معايا اللانوس 2010 و مريحاني صراحه الحمد لله
هيا كويسه معاك عالطريق لحد 120-130 بعد كده بلاش
استهلاك البنزين كويس
التكييف بيتقل العربية شويه في فترة التليين لكن بعد كده مش بيبقي الفرق كبير
و بالنسبة للشكل أذواق طبعا و ان كنت بحس ان شكل الفيرنا فيه فخامه شويه
و بالنسبه للسعر الاتنين كتير عليهم المبلغ
و ربنا يوفقك للي فيه الخير ان شاء الله