هل تنصحوا بشراء برودوا كانشيل؟؟؟

[ymsadgy]

السلام عليكم ورحمة الله وبركاته. انا عضو جديد في المنتدى واريد مساعدتكم .اريد ان اشتري سيارة برودوا كانشيل لزوجتي هي موديل 1998 طبعا الكانشيل مش المدام.فهل تنصحوني بذلك مع العلم اني لما سالت عليها كانت مشكلتها في قطع الغيار لكن بفضل الله ثم بفضل موضوعاتكم السخية عرفت محلات كتير لقطع الغيار غير اللي ف اخر الدنيا.ارجو الرد السريع ولكم مني جزيل الشكر.

[luckyman]

هى من ناحية كسيارة مينى فهى ممتازة وسحبها جيد ورشيقة لكن دة طبعا يتوقف على حاله السيارة التى امامك ياريت لو فى حد عندة خبرة بالموضوع يفيدك عنها اكثر وبالتوفيق ان شاء الله وتقبل خالص التحية وشكرا

[مهند سالم]

عربية حلوة، وهي عندي أفضل من الماروتي، لكن الماروتي أفضل في رخص قطع الغيار وتوافرها، وإن شاء الله الناس هتفيدك أكثر، وربنا يوفقك

[ymsadgy]

شكرا جزيلا لكما على هذا الرد السريع. العربية حالتها كويسة بس اكيد هيتغيرلها حاجات زي السيور والفلاتر يعني حاجات زي كدة. تفتكروا بالحالة دي يكون 22000 بالنسبة لها سعر مناسب مع العلم انها اوتوماتيك؟ وشكرا

[شريف رشيد]

العربية ممتازة والسعر مناسب جدا(بس تأكد من الدواخل و الموتور) أنا جبت للمدام واحدة أوتوماتيك موديل 2000. بالنسبة لقطع الغيار هى قليلة بس موجودة فى الأماكن اللى قلنا عنها. بس العربية والله تستاهل و لما بتغير فيها حاجة بيبان عليها و بتعيش. أنا من يومين لقيت المدام واخده والدها ووالدتها مع اولادى فيها و تسارع العربية فوق الممتاز. فعلا الافضل فى فئتها.
أدخل على النت و شوف الإنجليز قايلين أيه عنها إسمها عندهم Perodua Nippa وبتعتبر ثانى أفضل عربية عنهم بعد المينى أوستن.