تقرير شامل من الألف للياء عن السيارة بولونيز ) أتحدي أن تجد مثله في مكان اخر

[كيميائى محمد]

شكرا جدا يا اخى العزيز على موضوعك الجميل الوافى، و لى سؤال عن موقف حصل معايا بخصوص العربيه البولونيز، كنت ماشى و فوجئت أن العربيه سخنت جدا لحد ما طلعت دخان من الكبودو لما نزلت و فتحت الكبود اكتشفت ان البطاريه اتحركت كتير من مكانها و شدت الكابلات معاها لحد ما كابل الكهرباء العمومى اتجرح فى سوكه حامل البطاريه و لمس مع جسم العربيه (عمل ماس يعنى) و ساح طبعا و كابل الارضى كمان ساح،الغريبه أن وير الدبرياج كمان ساح أنا طبعا وديت العربيه للكهربائى عمل الضفيره كلها لكن كنت عايز بس افهم ايه اللى خللى وير الدبرياج يسيح؟ أرجو الافاده من فضلك

[malakmaher]

انا معايا بولونيز 86 وكنت ماشى بيها وحكيت فى مطب جامد المهم فى حاجة اتكسرت تحت حديدة كدة مربوطة ب 2 مسمار تحس انها ماسكة العربية من التحيتين تحت الفتيس مش عارف دى اية المهم رحت للميكانيكى عملهوملى بس لاحظت ان عمل خرم كدة فى جامب من ناحية اليمين فى الشاسية علشان يعرف يربط المسماير مش عارف دة هيعيب العربية ولا لا ؟

[أحمد سالم الحسيني]

السلام عليكم مشكور جدا اخي الكريم ومشكورين كل اخواننا الكرام فعلا بجهودكم نتعلم الكثير والجاهل فينا يصبح خبير بفضل مجهوداتكم فجزاكم الله خبرا وكنت اود ان تظهر صور التعديلات لكنها لا تظهر هل العيب من عندي ام من صفحة المنتدي وشكرا لكم جميعا

[محمود فرحات]

العربيه دي كانت معايا اول عربيه اجيبها كنت بمشي بيها على 130 وكانت صاروخ على الطريق كنت بروح الشغل في اليوم حوالي 180 كيلو كنت بروح مش قادر اقف على رجلي عربيه نشفه ودركسيون تقيل واعطالها كتير في الكهرباء
محستش ان راكب عربيه الا لما جبت الفيليشيا

[الفيلسوف]

المشاركة الأصلية كتبت بواسطة a_samy123 انا بنصح كل الى بيفكر يشترى بولونيز يشترى نفسة و يبعد عنها انا كان معايا بولونيز بعتها و صرفت فلوسها على العلاج من الأمراض الى جابتها العربية النحس دى أولا الشكل الخارجى ميختلفش كتير عن صندوق الزبالة العمومى الى فى الشارع ثانيا أى ميكانيكى بيشوفها بيقرف يصلحها (عن تجربة) ثالثا متفكرش تبعها علشان مش هتلاقى الى يغلط غلطتك و يشتريها منك رابعا عربية مستفزة فى أى كمين لازم تتفتش و تتسحب الرخص خامسا لازم تعطل على الدائرى أو الصحراوى سادسا ممكن تغير قطعة غيار 4 مرات فى شهر سابعا هذة نصيحة لكل من ينوى أتخاذ قرار خاطئ بشراء هذه السيارة النجسة و شكرا للأهتمام

هههههههههههههههههههههه
تقويم ممتاز يا حج