لو حتجيب سكودا اوكتافيا 2013 حتجيبها مانيوال ولا اوتتوماتيك (ارجو المساعدة)

[طارق عبد السلام]

العربية هتنزل في شهر 8 القادم..فئتين منوال..3 فئات أوتوماتيك

الفئة الأولي منوال :- سعرها 200 ألف جنيه مصري

محرك 1400 سي سي 122 حصان تيربو ( بيز لاين ) تشمل :-

- فرش قماش.
- abs/ebd/esp/mpa
- تكييف تاتش
- كاسيت سوينج شاشة عريضة زي الفانتازيا.
- بدون فوانيس شبورة.
- مرايات ضم كهربة.


الفئة الثانية منوال :- سعرها 215 ألف جنيه مصري

تختلف تختلف عن الأولي بتوفر :-

- فوانيس شبورة.
- جنط مقاس 16".
- حساسات ركن خلفية.
- مراية الصالون ذاتية التعتيم.
- مالتي فنكشن.
- فتحات تكييف خلفية.

------------------------------

الفئة الأولي أوتوماتيك بموتور 1400 سي سي 122 حصان DSG
" بيزلاين " وتشمل نفس كماليات الفئة الثانية منوال ما عدا الجنوط مع اضافة :-


- خاصية Follow me .
- مرايات ذاتية التعتيم.( صالون وجانبين )
- مالتي فنكشن.
- مثبت سرعة.

سعرها 230000 جنيه مصري


الفئة الثانية أوتوماتيك بموتور 1400 سي سي 122 حصان dsg
" sport " نفس مواصفات الفئة الأولي أوتوماتيك بإضافة :-

- فتحة سقف كهربة.
- زجاج فاميه.
- جنوط 16".
- حساسات أمامية وخلفية.
- كاسيت bolero شاشة تاتش.
- مخرج USB / AUX / IPOD
- فرش قماش/جلد مع بعض.
- smart key

سعرها 241 ألف جنيه مصري

------------------------------------------------

الفئة الثالثة أوتوماتيك ( مصيبة ) 1400 سي سي 140 حصان DSG :-

- كاسيت columbus شاشة تاتش مع نظام ملاحة ونظام صوتي مكون من عدد 9 سماعات وصب ووفر.

- كمبيوتر كامل للسيارة مدمج مع الكاسيت.

- lane assist
- front assist
- park assist
- multi collision brake
- crew protect assist

- adaptive cruise

- adaptive xenon

- بخاخات فوانيس.

- فرش جلد بالكامل.

- جنوط 17".

- سخانات الكراسي الأمامية فقط.

- تحكم كهربي في الكرسيين الأماميين مع lumber support

- أبانوس للأبواب والطابلوه والكونسول.

- smart key

- driving mode selection

- panorama sunroof

وسعرها 291000 جنيه مصري

[مَـحمُـود عَـبد السَـلآم]

شاكر لكم جهودكم معايا الله يحفظكم

بس انا عندي استفسار بسيط ... في موقع كونتاكت يوجد موديل 2012 مانيوال ودا بـ 158 الف
ويوجد فئة اوتو ودي بـ 175 الف

تفتكر اجيب المانيوال واوفر 20 الف جنيه احسن ولا اتوكل على الله واجيب الاوتو ؟
اصل بصراحة انا بحترم المانيوال اوي ودا اللي بيحثثني بركوب العربية على عكس الاوتوماتيك

بس لما كلمت ناس يعني صحابي معنى اصح من الإسكندرية قالولي عيب اجيب عربية اوكتافيا واجيبها مانيوال
انا مش فاهم ايه العيب في كدا

طيب حضرتك سؤال آخير, هو نظام الفتيس الجديد دا مع موديلات 2012 بردو ولا 2013 بس

[eng/walaaeldeen]

السلام عليكم
الميزتان الوحيدتان في الأوتو انها اريح في السواقه والثانيه انها افضل في اعادة البيع
لأن اغلب الى بيشتري العربيه ديه بتكون فئه بتدور على الأوتو
والله اعلى واعلم
والله المستعان

[مَـحمُـود عَـبد السَـلآم]

المشاركة الأصلية كتبت بواسطة eng/walaaeldeen السلام عليكم الميزتان الوحيدتان في الأوتو انها اريح في السواقه والثانيه انها افضل في اعادة البيع لأن اغلب الى بيشتري العربيه ديه بتكون فئه بتدور على الأوتو والله اعلى واعلم والله المستعان

طيب هو استهلاك البنزين للاوتوماتيك اكبر من المانيوال بكتير اوي ؟

[eng/walaaeldeen]

المشاركة الأصلية كتبت بواسطة مَـحمُـود عَـبد السَـلآم طيب هو استهلاك البنزين للاوتوماتيك اكبر من المانيوال بكتير اوي ؟

السلام عليكم
هو استهلاكها اكثر لكن مش بكثير يعني مثلا في ال100 كيلو تفرق واحد لتر تقريبا
والله المستعان