مشاكل الاوكتافيا

[falaneco]

السلام عليكم
انا على فكرة تعبت حضرتك يا بشمهندس بس فية حاجة كده حصلت لما غسلت الموتور وشغلت العربية وعمال بنعفش فى الفيش والسلوك وكدة يعنى لمست سلك البوجية بس من ناحية البوبينة وايدك ما تشوف النار ابدا كأنى لمست سلك بتاع الضغط العالى0ياترى دة طبيعى ولا كدة بيكون تسريب كهرباء 0
على فكرة العربية دى بتصرف كل مرة اقف عند ميكانيكى و فى الغالب علشلن ضبط الرعشة بتاعت الrpmمع اهتزاز الموتور ومن غير نتيجة اكن بصراحة عمرى ما فكرت فى حوار البوبينة وسلوك البوجيهات والعربية ماشى بيها 155 الف كيلو مع صيانة دوريه0اسف على الاطالة

[eng/walaaeldeen]

السلام عليكم
انت تأمر ما فيش اي مشاكل
كده سلوك البوجيهات بتهرب الكهرباء وده يسبب زياده في استهلاك البنزين وعدم انتظام المحرك و تقليل عزم و قوة المحرك وتساعد على تلف البوبينه
غير السلوك بس بنوع مضمون اصلي
وكويس على السلوك 155 الف كيلو ده المفروض بالكثير 60 الف وتغيرها واقل كمان من 60
وماتنساش لو البوجيهات من زمان غيرها بالمره
والله المستعان

[حسام البورسعيدى]

طالما اتكهربت كده يبقى فى سلك من سلوك البوجيهات وحش وبيسرب كهربا ..غير طقم السلوك وطقم بوجيهات بالمره لو بقالهم فتره كبيره .. وباذن الله هتظبط معاك ...

هل بتشم ريحه بنزين غير محروق عند الدواره الصبح والعربية بارده

[falaneco]

شكرا للمتابعة
لا مفيش ريحة بنزين غير محروق الصبح لكن المشكلة ان الrpmاحيانا بيبدا على 1200 والعربية لما تسخن بينزل (حوالى 3دقائق) واحيانا الrpmمش بيعلى الصبح كانى شايل الترموستات0

[حسام البورسعيدى]

طب بص يا باشا .. ظبط انت بس الاول سلوك البوجيهات وغير البوجيهات لو قديمه وجرب ..

لو مشكله RPM لسه بتحصل .. يبقى نفك بلف الايدل من البوابه وننضفه باسبراى ونسيبه ينشف ونجرب بعد كده .. لو لسه جرب تغيره .. لو العيب منه مش هيظهر ع الجهاز لو كشفت عليها .. لانه مش هيظهر الا لو فاصل تماما ...

فالجهاز مش حل اى حاجه وبيبقى اشتغاله كبيره جدا للى مش فاهم كده ..