ارجو الافاده لو سمحت انا قدامي اسكودا فورفيت

[islam sabry]

ارجو الافاده لو سمحت انا قدامي اسكودا فورفيت فا ممكن تفيدوني
سعرها لو العربيه كويسه
قطع الغيار هل متوفره ولا لا
هل معقده ولا سهله بالنسبه للميكانيكيه والصنايعيه
وكمان عايز اعرف اذا كانت حماله قاسيه ولا لا

[islam sabry]

العربيه الهاتش باك مش الSW

[AbOnOrA]

منصحكش بيها خالص لانها عربيه خشنة فى سواقتها ومشاكلها هتبقى كتير فى ظل عدم انتشار قطع غيارها او فنيين متخصصين فيها

[eng_gouda2000]

المشاركة الأصلية كتبت بواسطة AbOnOrA منصحكش بيها خالص لانها عربيه خشنة فى سواقتها ومشاكلها هتبقى كتير فى ظل عدم انتشار قطع غيارها او فنيين متخصصين فيها

اختلف مع سعادتك شكلا وموضوعا


الفيفوريت هيا الفليشيا نفس الميكانيكا ونفس العفشة ونفس الموتور مع اختلافات بسيطة جداً جدا

الميكانيكا سهلة ومش معقدة دة لو هتتعامل مع أى ميكانيكي بيفهم

حمالة اسية واعتمادية


ودة ملخص عن المواصفات والعيوب والمميزات

• تقرير عن سكودا فيليشيا

• هي سيارة محيرة فقد تجد من يقول فيها شعرا و قد تجد من يحذرك منها بشدة و يلعن اليوم الذى قرر فيه شراء هذه السيارة.
  و ربما يرجع هذا التناقض فى الاراء الى كميه المزايا العديدة التى تتميز بها هذه السيارة و كذلك كميه العيوب الخطيرة الموجودة بالسيارة.
• 
  مميزات السيارة سكودا فيليشيا
  
• 
  
  1- السيارة اوروبية و بالتحديد تشيكية الصنع و هذا فى حد ذاته ميزة بالنسبة للكثيرين فلايوجد سيارة اوروبية فى هذه الفئة السعرية.
  2- صاج قوى جدا و هذا هو المطلوب فى مصر.
  3- استهلاك الوقود جيد جدا بالنسبة لوزنها الثقيل نسبيا.
  4- ثبات عالى جداز هو شىء نادر فى فئتها السعرية.
  5- اسعار قطع غيار معقوله جدا و متوفرة و يوجد منها الصينى و الالمانى و المصرى.
  6- ككل السيارات الاوروبية قطع الغيار معمرة جدا بالنسبة للكورى مثلا.
  7- عفشة قويه جدا و مناسبة جدا للطرق المصرية الوعرة.
  8- المساحة الداخلية كبيرة جدا و لن تجدها فى اى سيارة هاتشباك فى فئتها.
  9- سير الكاتينة مصنوع من الحديد و بالتالى معمر جدا رغم انه يتسبب فى خشونة بسيطة فى صوت المحرك.
  مما سبق نجد انها سيارة اعتمادية جدا موفرة فى استهلاك الوقود و قطع غيار معمرة و ثبات و اتزان نادرا ما يوجد بهذا السعر بالضافة لعفشة قوية و صاج قوى اى
  انها السيارة المناسبه للطرق المصرية و للمستهلك المصرى, و لكن لماذا يكره البعض هذه السيارة؟؟؟
  
  
  عيوب السيارة سكودا فيليشيا
  
• 
  

1- السيارة اوروبية الصنع و التصميم ايضا اى انها غير مصممة للعمل فى الاجواء الحارة, و لذلك ترتفع حرارتها بشكل ملحوظ خاصة فى
فصل الصيف مما يسبب خطورة على المحرك و خاصة (وش السلندر) و تعتبر هذه المشكلة الوحيدة فى هذه السيارة التى قد تجعل الكثيرين
يحذروك من شرائها رغم ان علاجها بسيط جدا يتمثل فى تركيب مروحة 6 ريشة و تغيير الريدياتير ال2 ماسورة باخر 3 ماسورة و البعض
يقوم بتغيير الترموستات ايضا باّخر اقل حتى تعمل المروحة عن درجة حرارة 70 بدلا من 90.
2- عكس السيارات الكورى و اليابانى و مثل معظم السيارات الاوروبى تعتبر السكودا فيليشيا بطيئه نسبيا فى التسارع
اى ان المحرك كسول نوعا ما و لكن مع استعمال بنزين 92 يتحسن التسارع كثيرا.
3- ارتفاع السيارة عن الارض قليل نوعا ما و لذلك يجب الحذر عند تخطى المطبات العاليه جدا.
4- السيارة خشنة بالنسبة للكورى و اليابانى كما انها غير مجهزة بباور ستيرينج.






وأعتذر عن قله مشاركاتي بالمنتدي

وذلك لاسباب خاصة قد يعلمها القائمين على المنتدي