محتار جدا و محتاج النصيحة من الخبراء

[sherifabden]

المشاركة الأصلية كتبت بواسطة ابو الشوق كاديلك يا يحي الشكل الجديد من السيراتو هينزل كمان سنة بالكتير والكيا اشكالها الجديدة بتحرق الشكل القديم بص علي السيراتو ال2006 وبص علي الشكل اللي بعدها تحس ان الشكل القديم من العصر الحجري من التسعينات

فعلا كلامك مضبوط بس انا رايي انه يخليه في المضمون يعني يجيب السيراتو الحالية علشان كل ميزاتها وعيوبها معروفة وفي نفس الوقت اكيد السيراتو الجديدة سعرها هيبقا اغلى من الاول لكن لو جاب السيراتو الجديدة على طول ممكن يدبس فيها وتكون عربية مليانة عيوب ودا نفس اللي حصل مع موضوع الالنترا اول لما نزلت ...

[3bdo]

المشاركة الأصلية كتبت بواسطة sherifabden بخصوص بقا عيوب السيراتو حضرتك قولت انها اتسرق منها كتير ودا عيب في اعلى فئة بس اللي هيا sx علشان البصمة انما باقي الفئات زي الفل وقولت انها عافشة ناشفة دا عيب في الجنط 17 بس انما باقي الجنوط مية مية وجرب تركب جنط 17 في البومة وشوف النشوفية على اصولها بخصوص ارتفاعها عن الارض هيا مش بتنام غير لما تحمل ركاب وبرضه دا مش عيب في العربية دا عيب في الطرق الزبالة اللي في مصر اما بخصوص قطع غيار الفلوانس فهيا غالية جدا وانا مش افضلها اصلا علشان قطع الغيار وحكاية البنزين بخصوص بقا كلامك عن البومة البومة (باينة من اسمها) عربية محترمة وكويسة مقلناش حاجة وكل المميزات اللي قولتها هيا 1/ ثبات جميل : موجود في السيراتو ومرة جبت بيها 180 بغرز وملفات ومية مية معايا 2/ تسارع ممتاز : هل تسارعها زي تسارع دي http://www.youtube.com/watch?v=osE-XB8Qq94 او زي تسارع دي http://www.youtube.com/watch?v=2Pj0M...eature=related 3/ قليلة الاوبشن : ميزة رائعة في البومة 4/ تكنولوجيا فقيرة : ميزة رائعة جدا 5/ قلة الاعطال بخصوص حكاية قلة الاعطال اي عربية في العالم لو حافظت عليها واهتميت بالصيانة عمرها ما تعمل معاك حركة ابدا حتى لو صيني انما بقا لو مهملها ومبهدلها ومش مهتم بالصيانة والله مش هتعمر معاك حتى لو الماني 6/ قطع غيارها متوفرة : طب ما برضه الالنترا والسيراتو قطع غيارهم متوفرة جدا زي البومة بالضبط في حاجة تاني يا استاذ عبده ؟؟؟؟

بص يا شريف السيراتو كلها بتتسرق ببصمة او منغير بصمة وبعدين البصمة بطلت تنزل من 2011 والسيراتو لحد دلوقت (موديلات 2012 ) بتتسرق والدليل اهوه
http://www.facebook.com/photo.php?fb...type=1&theater
هاا ممكن تقولى فين الجنط ال 17 والبصمة اللى فى الصورة وواضح ان العربية اقل فئة عشان الاوكر مش نيكل و مش نفس لون العربية والدليل التانى والتالت اهوه
http://www.facebook.com/photo.php?fb...6548455&type=1
فين الجنط ال 17فى الصورة
http://www.facebook.com/photo.php?fb...6548455&type=1
بص كده هتلاقى عربية سيراتو على الشمال فين الجنط ال 17 اللى فيها
واضح ان الجراج ده كله سيراتو ههههههههههههه
لكن تقدر تقول ان البصمة اساسا كانت اختراع فاشل من شركة كيا عشان كده بطلت تنزلها من 2011 بسبب شكوى العملاء دايما ان الباب بيعلق ومش عايز يفتح وانها بتسهل اكتر من سرقة العربية وعلى فكرة اعلى فئة اسمها هاى لاين مش sx وبعدين انت بتقولى حط فى البومة جنط 17 هقولك طبعا العفشة هتبقى ناشفة ليه لان العقشة بتاعة العربية مش مجهزة انها تبقى 17 بس هبقى انا اللى عملت كده فى نفسى مش هتبقى العربية جاية من المصنع كده وامبارح اكلم التوكيل يقولولى الجنط ال17 بيركب على نفس عفشة جنط 15 وده يدل ان كيا كل همها انها تعمل عربيات شكلها حلو بجنوط كبيرة و مش هاممها ايه الى حيحصل للعربية بالجنوط دى من الاخر يعنى ايه شركة كبيرة زى شركة كيا تروح تلبس لعربية جنط مش بتاعها البومة هبقى انا اللى خليت عفشتها ناشفة (عميل) اما السيراتو جاية كدا من المصنع (مصنع كبير)يبقى دا عيب على الشركة ويدل ان كل همهم الشكل قبل الراحة
وعلى الفكرة البومة بتبقى العيلة كلها راكباها والحمد لله مبتحكش فى المطبات عشان علوها عن الموديلات اللى قبل كده
وبعدين ده برضه عيب فى العربية بنسبة 20% يعنى اشمعنا البومة والبيرسونا مبيحكوش وبعدين الشركة اللى بتصنع بتحط فى دماغها ان العربية دى فى يوم من الايام هتمشى فى طريق غير ممهد فلازم تثبت كفائة عالية بالنسبة لمثيلاتها فى نفس الفئة رغم انها مش مخصصة للطرق غير الممهدة والدليل على كده عربية زى الفلوانس نظام التعليق بتاعها للطرق غير الممهدة بس طبعا عفشتها غالية
ثبات البومة انا مجربتوش على السرعات العالية بس ملاكها اللى هنا فى المنتدى قالولى انها ثابتة جدا على السرعات العالية والسفر و فى عضو هنا فى المنتدى قال انه جاب بيها 180 وكانت ثابتة جدا بس خاف يجيب بيها اكتر من كده لكن انا ببقى جايب 65 فى الشوراع بتاعتنا و والعربية بتبقى ماشية زى السهم مشاء الله و ببقى عايز اجيب اكتر من كده بس مفيش فرصة عشان شوارع المحروسة
بالنسبة للتسارع السيراتو 1600جابت 0-100 فى 13 ثانية
البومة 1300 سى سى ايوه 1300 سى سى اوتوماتيك ايوه اوتوماتيك جابت 0-100 فى 13 ثانية والفيديو اهوه

http://www.youtube.com/watch?v=3biM3TcvdLE

الانسر بومة 1600 خدتها فى 11 ثانية الفيديو اهوه

http://www.youtube.com/watch?v=sBU4M3Rl1AI

وعشان انا مبقولش اى كلام فى فيديو تانى اهوه

http://www.youtube.com/watch?v=_vNWc9DiswM

خدت 11 ثانية برضو
الالنترا الى فى الفيديو دى ستيبترونيك اللى هو االمانوال و طبعا معروف ان الستيبترونيك بيحسن سحب العربية
يعنى هاتلى عربية النترا تكون شغالة على ال D و واريهانى بس هيا خدت 9 ثوانى فى الفيديو ولو كان الواد اللى سايق عاملها على الاوتوماتيك العادى السحب مكانش هيبقى كده و طبعا لو انت مهتم بالصيانة دى حاجة كويسة بس جودة الصناعة والخامات بين الكورى واليابانى بتفرق الكورى اخره 6 سنين وبتحتاج حاجات كتير اوى تتغير و عن تجربة بس اليابانى شغال من التمانينات لحد دلوقتى زى المازدا 323 شوفها منتشرة ازاى وشغالة ازاى وشوف النعومة وهو ده اليابانى و روح شوف فى الخليج اليابانى منتشر ازاى واظن فىالخليج الناس مش هبل ومعاهم يجربوا عربية واتنين و تلاتة يعنى ممكن يروحوا يشتروا ازيرا ولا سوناتا اللى ماليانين زراير وهيدلعوا و هيغرقوا فى الاوبشنز بس لو بصيت هتلاقى الكاميرى و الاكورد اغلى من السوناتا واقل فى الاوبشنز بكتير بس زى ما بيقولوا الكاميرى ماتعصى اوامرى وبعدين اعتقد ان الالنترا قطع غيارها مش منتشرة زى البومة لانها لسة 2012 البومة قطع غيارها في منها الاسبانى والصينى والتايلاندى وبلاد تانية كتير ده غير الاصلى
ملحوظة : العدادات اللى فى الفيديو دى عدادات البومة القديمة بس عدادات البومة الجديدة شكلها اجمد واحلى بكتير
من الاخر
عايز اوبشنز و كماليات هات السيراتو او الالنترا
عايز اعتمادية فوق الوصف و ميكانيكا قوية هات البومة
بس الاوبشنز انت تقدر تشتريها بعدين لكن الاعتامدية متقدرش تشتريها والشكل والاوبشنز مش هيفيدوك بحاجة لما العربية تعطل منك

[sherifabden]

بص ياعم الحج اولا الرابط الاول مش شغال ثانيا بخصوص الرابط الثاني ممكن تكون فعلا سيراتو مسروقة لكن مش كتير زي فئة البصمة ثالثا انا متصل بالتوكيل وقالوا ان السيراتو 2012 بطلت تنزل بالجنط 17 والبصمة وبقت تنزل بالجنط 16 من غير بصمة ولو مش متاكد اتصل بالتوكيل يعني مشكلة الجنط 17 اتحلت خلاص وعلى فكرة السيراتو عالية عن الارض برضه وانا شفت الفلوانس وكانت اعلى من البومة كمان وثانيا عيب ان العربية واطية وبتحك في المطبات موجود في كل العربيات البي ام والجاجوار والمرسيدس والكرايسلر واعتقد ان دي عربيات افضل من اي عربية ياباني او كوري بكتييير اما بخصوص الثبات فالالنترا مش ثابتة فعلا انما السيراتو ثااابتة جدا على السرعات العالية ودا عن تجربة شخصية ليا بخصوص موضوع التسارع اي عربية مانيوال بتسحب اكتر من الاوتوماتيك ودي معروفة وثانيا تبقا تصور البومة بتاعتك وهيا على المانيوال ووريني التسارع بتاعها هههه انا بهزر وعموما ظروف الطريق بتفرق في الموضوع دا ماعلينا بخصوص موضوع الجودة والكلام دا كله كان عيب في الكوري القديم انما حاليا الكوري طور نفسه بطريقة كبيرة جدا وثانيا استنا على السيراتو الحالية كام سنة وشوف العربية وثانيا الكلام اللي ينطبق على الاكسيل والشوما والبرايد مينطبقش على السيراتو والافانتي (الالنترا) والكروز يعني احكم على الجودة والكلام دا كله من العربية الحالية مش القديم بخصوص موضوع الخليج الكوري منتشر برضه زي اوبتيما والسوناتا والازيرا والاكسنت والالنترا وبرضه في عربيات ياباني منتشرة لكن مش زي الكوري ودا كلام عمي اللي قعد 12 سنة في السعودية وثانيا اسال اي تاجر قطع غيار عن قطع غيار الالنترا هتلاقيه بيقولك منتشرة وموجدة عندي بس انتا اسال بس وثانيا معروف ان كل الكوري قطع غياره بتنتشر قبل ما العربية تنزل اصلا لان تجار قطع الغيار بيبقوا متاكدين ان اي عربية كوري هتنتشر دا انتا ممكن تلاقي قطع غيار السيراتو الشكل الجديد موجودة دلوقتي وعموما تبقا تقول للصحفيين اللي رشحوا الالنترا لجايزة سيارة العام في امريكا ان الكوري جودته سيئة وانه ... الخ الخ الخ .

[sherifabden]

وثانيا تبقا تقارن بين عدد السيارات الكورية بالمقارنة بالسيارات اليابانية يعني هتلاقي الكوري المنتشر في مصر (فيرنا لانوس افيو اوبترا اكسنت الانترا سيراتو كارينز نويبرا) انما الياباني مفيش غير اللانسر والصني والكورولا اما السيفيك والشارك والديهاتسو والسوبارو مش منتشرين واتعتقد ان المشتري بيكون عارف كويس العربية اللي بيشتريها .

[3bdo]

لو الرابط مش شغال تقدر تشوف الرابط ده
http://www.masrmotors.com/vb/showthread.php?t=90042
هتلاقى عربية سيراتو مفيهاش جنوط ولا 15 ولا 16 و 17 ومحطوطلها طاسات و هى نفس الصورة اللى حاطط اللينك بتاعها بس اللينك اللى فوق صورة على الفيس بوك واللينك اللى تحت صورة على مصر موتورز لنفس العربية المسروقة وواضح انها اقل فئة ومتكوب فوقيها my stolen car