أنا محتاره جدا وعاوزه حد ينصحني

[amrjemy]

لو انتى مقتنعة باللانسر يبقى خليكي أحسن فى الكريستالة وتكون حالتها نظيفة وممكن الكيا بيكانتو عربية صغيرة وجميلة وقطع غيارها متوافرة وسعر اعادة البيع معقول ربنا يوفقك

[mazo0o0]

المشاركة الأصلية كتبت بواسطة heba_hasan لانسر 1600 اوتوماتيك موديل 2006 ب 70000 ؟ دا بجد ولا ايه دا 1300 موديل 2004 واحد جايبهالي ب 70000 الف انا مدحوك عليا ولا ايه ؟

اه طبعا مضحوك عليكي ده كتير جدا السعرده علي عربية 2004 ...زي ما الاستاذ قالك السعر 70000 - 72000 تيجيبي لانسر 2006 اوتوماتيك 1600سي سي فابريكة بره و جوه ... او لانسر 2007 1300 سي سي اوتوماتيك برده فابريكة.
ربنا يوفقك و صلي استخارة

70 الف ليه يعني هيه اسكودا موديل 2004 ديه لانسر حضرتك وديه اخرها 60000 جنيه

وال 70 الف يجبولك لانسر 1600 اتوماتيك موديل 2006 وفبريكة كمان

[فياتاوى]

ارشحلك نيسان صنى

من 65 ل 70 ممكن تركبى نيسان صنى موديل 2007 رشة برا مثلاً , او 2006 فبريقة برا وجوا

اللى لاحظته من استهلاكى للنيسان انها شوية بتاكل بنزين وماكينتها 1600

عربية ملهاش حل عن تجربة , تكييف تلاجة كلمة شوية عليها , ثبات رائع ع الطريق , جمال وشياكة داخلية وخارجية

بالتوفيق

[m.e.y]

المشاركة الأصلية كتبت بواسطة heba_hasan شكرا لهتمامك بس أنا مش حابه الفيرنا واللانوس خالص طيب ترشحلي ايه في سعر 65000 لحد 70000 بس تكون حاجه زي اللانسر مش بعيد يعني شكرا

نصيحة منى بجد وعن تجربة سيبك من اللانسر

هاتى بيجو 406 فرنسى

شكل انيق - اوبشن اكتر من اللانسر - صناعة اوربى افضل من اليابانى

قطع غيارها اغلى من اللانسر بس بتعمر اكتر من اللانسر

الكلام ده بجد وعن تجربة شخصية

العربية معايا بأنـصح اى حد يشتريها

بس لو ناويتى تأكدى من ان الفتيس سليم لأن الفتيس بتاعها فيه عيب صناعة من موديل

98 لغايه 2002 فا لو قررتى يبقى هاتي 2003 او 2004

سعرها هيلعب فى الستين وما فوق