إستفسار بخصوص RPM للبومة 2007 رجاء المساعدة ، يوجد صور !

[احمد على 1999]

بالنسبة لرائحة البنزين
طبيعى انها تكون كده اثناء التسخين لان الاحتراق مش كامل و العربية باردة
بس لما تسخن و توصل لدرجة التشغيل الطبيعية (المراوح تبتدى تشتغل) الريحة دى تقل خالص الا لو قربت قوى من الشاكمان
و هل استهلاك البنزين طبيعى؟

بالنسبة لللخبطة الى حصلت لل rpm بعد تنظيفهم للبوابة طبعا الشك حيبقى فى صمام الايدل idle control valve فقبل ما تغيره لازم يتبص عليه تانى ممكن يكونوا نضفوا البوابة بس و منضفهوش هو او احتمال لما فكوه علشان ينضفوه فكوا الفيشة بتاعته و ده فى عربيات كتير او حتى مجرد النضافة او لو كانوا فصلوا البطارية بيحتاج بعدها يتعمل حاجة اسمها خطوات ايدل ليرن idle learn procedure يعنى اعادة تعليم كومبيوتر العربية طريقة التحكم فى الصمام من اول و جديد

[mido_sniper]

المشاركة الأصلية كتبت بواسطة احمد على 1999 بالنسبة لرائحة البنزين طبيعى انها تكون كده اثناء التسخين لان الاحتراق مش كامل و العربية باردة بس لما تسخن و توصل لدرجة التشغيل الطبيعية (المراوح تبتدى تشتغل) الريحة دى تقل خالص الا لو قربت قوى من الشاكمان و هل استهلاك البنزين طبيعى؟ بالنسبة لللخبطة الى حصلت لل rpm بعد تنظيفهم للبوابة طبعا الشك حيبقى فى صمام الايدل idle control valve فقبل ما تغيره لازم يتبص عليه تانى ممكن يكونوا نضفوا البوابة بس و منضفهوش هو او احتمال لما فكوه علشان ينضفوه فكوا الفيشة بتاعته و ده فى عربيات كتير او حتى مجرد النضافة او لو كانوا فصلوا البطارية بيحتاج بعدها يتعمل حاجة اسمها خطوات ايدل ليرن idle learn procedure يعنى اعادة تعليم كومبيوتر العربية طريقة التحكم فى الصمام من اول و جديد

ريحة البنزين بتبقى سيئة عند التسخين و فعلاً بتقل لما بمشي بالعربية

بس مش بتتمنع خالص حتى لو جاي من سفر برضو بتبقى ملحوظة

يعني مش طبيعية زي ماكانت العربية فى الأول ملهاش ريحة خالص

بالنسبة لإستهلاك البنزين الفول تانك يعمل حوالي 350 كم داخل القاهرة

و ممكن يعدي الـ 400 كم لو سفر و طريق مفتوح و الـ RPM مش بخليه

يعدي 2.5 أو 3 بالكتير مش بقرص عليها يعني

أما بالنسبة لحساس الأيدل فهما فعلاً فكوه و نضفوه وفعلاً فكوا قواطيش

البطارية و العربية فصلت كهرباء خالص قبل ما يشتغلوا و ماحدش

عمل اللي حضرتك بتقول عليه ده idle learn

مشكور أخي الكريم وفي إنتظار ملاحظات حضرتك

[احمد على 1999]

طبعا لازم يتعمل ايدل ليرن قبل ما تفكر تغير اى حاجة لان شىء طبيعى طالما البطارية اتفصلت حتحتاج تعمل ايدل ليرن يا اما حتبرجس زى ما حصل معاك و عالعموم هو بسيط و ببلاش و مابيخدش وقت جرب اعمله و لو ماجبش نتيجة نبقى نشك فى صمام الايدل

برضه بالنسبة لاستهلاك البنزين بتهيألى انه عالى و ده تفسير الريحة الى بتشمها ان فى بنزين زيادة و ارجع اقولك متشكش فى حاجة قبل ما تعمل ايدل ليرن لانه ممكن يظبط الاستهلاك و الريحة

بالنسبة لخطوات الايدل ليرن فبتفرق من عربية لعربية و انا معرفش ازاى فى اللانسر بس فى التوكيل عارفين

كمضمون عام ليها
و العربية باردة بيتفتح الكوناتكت ل on بدون ادارة لعدد من الثوانى و أحتمال ل off لنفس عدد الثوانى و ل on تانى لنفس عدد الثوانى ثم الادارة (و زى ما قولتلك مش متاكد هل اللانسر خطواتها كده و لا لأ و حتبقى اختلافات بسيطة عن الى بقوله)
بعدين تسيب العربية تسخن على ال N و فى عربيات تانية يقولك على D لو حنفترض انها سخنت على ال N (سخنت يعنى المراوح اشتغلت و ده بياخد مش اقل من 10 دقائق لو العربية كانت باردة) بعدين تجيب ال D من غير ما تمشى لمدة محددة و بعدين يا ترجع لل N و تشغل التكييف لمدة معينة يا تشغله على ال D من غير ما ترجع لل N و ممكن فى عربيات بتتعاد موضوع التكييف و بعدين بتفصل التكييف لمدة معينة بعدها تبطل و كده بتنتهى العملية

انا تعمدت اكتب المضمون العام مش علشان تعمل الى انا كاتبه لانه اكيد مش دقيق للانسر انا بس بوضحلك هو بيبقى ازاى و انه سهل و مبيخدش وقت و عامل اساسى بل جوهرى لظبط ال RPM و ظبط الاستهلاك و شىء طبيعى تبتدى بيه قبل ما تفكر تغير حاجة مكنش ليها لازمة تتغير

جرب اعمله فى التوكيل او مركز صيانه بيعرفوا بيتعمل ازاى و لو مجبش نتيجة يبقى نفكر فى تجربة صمام استعمال

[mido_sniper]

المشاركة الأصلية كتبت بواسطة احمد على 1999 طبعا لازم يتعمل ايدل ليرن قبل ما تفكر تغير اى حاجة لان شىء طبيعى طالما البطارية اتفصلت حتحتاج تعمل ايدل ليرن يا اما حتبرجس زى ما حصل معاك و عالعموم هو بسيط و ببلاش و مابيخدش وقت جرب اعمله و لو ماجبش نتيجة نبقى نشك فى صمام الايدل برضه بالنسبة لاستهلاك البنزين بتهيألى انه عالى و ده تفسير الريحة الى بتشمها ان فى بنزين زيادة و ارجع اقولك متشكش فى حاجة قبل ما تعمل ايدل ليرن لانه ممكن يظبط الاستهلاك و الريحة بالنسبة لخطوات الايدل ليرن فبتفرق من عربية لعربية و انا معرفش ازاى فى اللانسر بس فى التوكيل عارفين كمضمون عام ليها و العربية باردة بيتفتح الكوناتكت ل on بدون ادارة لعدد من الثوانى و أحتمال ل off لنفس عدد الثوانى و ل on تانى لنفس عدد الثوانى ثم الادارة (و زى ما قولتلك مش متاكد هل اللانسر خطواتها كده و لا لأ و حتبقى اختلافات بسيطة عن الى بقوله) بعدين تسيب العربية تسخن على ال N و فى عربيات تانية يقولك على D لو حنفترض انها سخنت على ال N (سخنت يعنى المراوح اشتغلت و ده بياخد مش اقل من 10 دقائق لو العربية كانت باردة) بعدين تجيب ال D من غير ما تمشى لمدة محددة و بعدين يا ترجع لل N و تشغل التكييف لمدة معينة يا تشغله على ال D من غير ما ترجع لل N و ممكن فى عربيات بتتعاد موضوع التكييف و بعدين بتفصل التكييف لمدة معينة بعدها تبطل و كده بتنتهى العملية انا تعمدت اكتب المضمون العام مش علشان تعمل الى انا كاتبه لانه اكيد مش دقيق للانسر انا بس بوضحلك هو بيبقى ازاى و انه سهل و مبيخدش وقت و عامل اساسى بل جوهرى لظبط ال RPM و ظبط الاستهلاك و شىء طبيعى تبتدى بيه قبل ما تفكر تغير حاجة مكنش ليها لازمة تتغير جرب اعمله فى التوكيل او مركز صيانه بيعرفوا بيتعمل ازاى و لو مجبش نتيجة يبقى نفكر فى تجربة صمام استعمال

مشكور يا أستاذنا الغالي على المعلومات القيمة ديه

إن شاء الله هجرب أعمل الأيدل ليرن اللي حضرتك قولت عليه

ولو ماعرفتش هاروح التوكيل تاني أقولهم هما يعملوه لو عرفوا

و ياريت تطلع ديه المشكلة (ربنا يستر)

بارك الله فيك

[احمد على 1999]

المشاركة الأصلية كتبت بواسطة mido_sniper إن شاء الله هجرب أعمل الأيدل ليرن اللي حضرتك قولت عليه

ما بلاش الى انا قولت عليه منا قولت لحضرتك انا معرفش اللانسر ازاى بالظبط يا ريت تتاكد من مركز خدمة يكونوا عارفين بيتعمل ازاى علشان الموضوع يتعمل صح و يجيب نتيجة ان شاء الله
و يا رب المشكلة تتحل