هل فعلا محتاج تغيير 4 ابواب

[michohat]

السلام عليكم ورحمه الله وبركاته
ان شاء الله ناوي اشد العربية و امبارح رحت للسمكري علشان اعرف منه العربية محتاجه ايه و فيها ايه
قال لي عاوزة 4 ابواب
لان البارومه فى عظم وقوائم الباب وهيا واضحه فى المكان اللي تحت شفه او فرشه الزجاج










هل المكان ده ينفع فيه تصليح ولا مش منه فايده؟
ولو كده سعر الابواب كام استيراد
وهل هيتعبني اني الاقي ابواب بنفس لون العربية علشان مش ارش دواخل الابواب

[michohat]

نسيت اقول ان فيه صدا و بارومه فى حلق زجاج الباب اللي فيه متركب الجلد اللي بيقفل مع جسم العربية

[shoman011]

اولا صباح الفل يأستاذ michohat
انا هقولك حاجة اولا معظم السمكرية بيحبوا يريحوا نفسهم يعنى بدل ما يتعب نفسة فى حكاية البارومة دى بيقول غيرهم احسن منها الشغل يطلع تمام ونفس الوقت يريح نفسه من الشغل الى فى الباب
بس انت ياريت تشوف الباب هل فيه بارومة من جوه ولا لا يعنى فك الفرش بتاع الباب وبص على شكل الباب من جوه وانت قيم بقى يعنى ينفع ينطف ويترش ولا لا
وشوف البارومة اكلت الصاج ولا لا علشان لو الصاج اتاكل كده يبقى لازم تغير اما لو مش متاكل يبقى ينفع ينطف ويترش
وانصحك تشوف سمكرى تانى غير الى انت روحتله وياريت تكون تعرفه او حد صاحبك يعرفه ويروح معاك
على فكرة انا والله بقولك الكلام ده علشان انا معايا 132 وفيها بارومة وروحت لسمكرى علشان اشد العربية زيك وقالى انه لازم يتغير 4 ابواب وكمان 4 رفارف وكمان شنطة فقولتله ما اغير العربية احسن قالى والله كده صح بيع العربية واخلص منها احسن
المهم سبته واخدت واحد صاحبى يعرف سمكرى قريب مننا بس هو غالى شوية بس بصراحة جابلى المفيد وقالى ان كل الشغل الى فى العربية هيتعمل عادى لانه كله نظافة بس ومش هنغير اى حاجة وكله هيخلص فى 3 ايام وانا وافقت بس مستنى لما الامور تمشى معايا وهعملها قريب
علشان كده بقولك شوف سمكرى تانى بس يكون حد يعرفة
وبالنسبة لسعر الابواب بصراحة انا مش عارف بس انا سألت على ابواب 132 لاقيها بـــ3000 جنيه بس اكيد الــ131 ارخص
انت ممكن تسأل عليهم الشيخ طارق هو راجل زى الفل وهيقولك الصح
وربنا معاك بس يبقى قولنا عملت ايه

[mr_astra]

وقالى ان كل الشغل الى فى العربية هيتعمل عادى لانه كله نظافة بس ومش هنغير اى حاجة وكله هيخلص فى 3 ايام وانا وافقت بس مستنى لما الامور تمشى معايا وهعملها قريب علشان كده بقولك شوف سمكرى تانى بس يكون حد يعرفة

خلى بالك بس لحسن يكون بيجيب رجلك ويستغل ان العربية مفتوحة ويطلب حاجات اكتر

[shoman011]

المشاركة الأصلية كتبت بواسطة mr_astra خلى بالك بس لحسن يكون بيجيب رجلك ويستغل ان العربية مفتوحة ويطلب حاجات اكتر

الف شكر
بس انا عايز اقولك حاجة انا من النوع الى بحب اتفق على الفلوس قبل كل حاجة وهو قالى انه هياخد 850 جنيه بعد الفصال وقالى انى هلاقى العربية تمام بعد كده وانا قولتله مش هدفع جنية زيادة بعد ما استلم العربية وده كلام ميزعلش وهو وافق بالكلام ده