سيارتى اسكودا فليشيا بتسخن جدا

[sami2008_samir]

لدى سياره سكودا فليشيا موديل 1996 اعانى من مشكله كبيره جدا ومش لاقى لها اى حل وهى ان السياره بتسخن قوى خصوصا فى فصل الصيف هل احد من حضراتكم عنده حل للمشكله دى
ياريت حد يد
يقول لى على حل عملى يقضى على المشكله دى
وشكرا لكم ايها الافاضل

[ali farouk]

دا عيب شائع فى الاسكودا فليشيا وفيفوريت ممكن تهوى التاكيهات شوية وتبقى تقرط عليهم بعدين عند دخول الشتاء وده بعد ما تتأكد ان مية القربة مبتنقص

[engahmedsayed]

الموضوع مش عيب فى العربيه و له حاجه
انتا عند حضرتك التبريد ده ليه دوره و بتسمى بدورة التبريد
و ليها كذا حاجه ممكن تعطل الدوره بالكامل حتى الفيوز ابو ربع جنيه ممكن يعطل الدوره كلها
المهم انا هطلب من حضرتك كام حاجه كده و ان شاء الله تكون العربيه كويسه
1_ مراجعه سريعه على الرادتير يعنى ميكونش فى خرم او اى حاجه هتعرف ازاى اكيد هيبقى فى مياه تحت العربيه
2_ تنظيف الرادتير بضغط ماء عالى فى اى بنزينه لو مش مخروم
3_ اتاكد انو الترومستات شغاله كويس لانو المروحه بتشتغل على اساس الترموستات ازاى تعرف لازم المؤشر بتاع الحراره لما يجى 90 درجه لازم المروحه تكون شغاله لو مش شغاله غير الترومستات
4- اتاكد مفيش تسريب المياه من اى خرطوم داخل الى الموتور او خارج منه
5- اتاكد انو المروحه بتعمل بكفاءه عاليه يعنى و هى شغاله حط ايدك وراها و شوف فى هوا جامد و له ضعيف لو ضعيفه غيره فورا
6_ مدام هتغسل الرادتير متنساش تجيب مياه خضرا هتكون كفائتها احسن فى التبريد
كل ده بخلاف لو العربيه فيها مشكله فى وش السليندر
و على فكره الصيانه دى بتتعمل كل موسم او فصل
وده رقم موبيلى لو احتاجة اى استشاره
0126880055
م / احمد النجار

[ali farouk]

م. احمد النجار مع كامل احترامى لكلامك وتحليلك لمشكلة الحرارة العالية لكن لما عدد مش قليل من مالكى الفيفورت والفليشيا يشتكوا من نفس الشكوى اذا هو عيب حتى لو كان نتيجة عدم الصيانة الدورية لدورة التبريد والا لماذا صاحبى السيارات الاخرى من نفس الئة كالبرايد والسويفت لا يشتكون من الحرارة العالية انا عن نفسى اتحلت المشكلة نسبيا بعد تغيير القربة{لانها اتخرمت بل قل ساحت من كتر السخونة} وكذلك طلمبة المياة والراديتير والمروحة وحطيت ميه خضرا {يعنى زى ما حضرتك قلت بالضبط} وعلى الرغم من ذلك فى الصيف بتكون درجة الحرارة اعلى من مثيلتها فى نفس الفئة!!!!!!......اذا فهى مشكلة بل عيب فى هذا النوع من السيارات

[ali farouk]

وعلى فكرة انا معايا فيفورت وان شاء الله هبيعها واجيب الفليشيا وش اوكتافيا لانى بأجد فى الاسكودا ما لا أجده فى اى سيارة اخرى