مميزات وعيوب الفليشيا

[تامر1970]

المشاركة الأصلية كتبت بواسطة ياسرأبوعاصي السلام عليكم ورحمة الله وبركاته احب افيدك بالسكودا 1997م 1- سيارة عالية عن الارض . 2- سحب فوق الرائع ..ناعمة ..اينعم مش باور بس الدريكسيون ناعم تحت اديك جدا ... 3- قطع غيار غالية بس الغالي تمنه فيه وبيعيش الموتور كامل استيراد 3500 جنيه من بورسعيد بس حكاية بيجي كامل من كله بالفتيس بكل حاجة وبيعيش ( لو حاب تغير ) 4- سعرها فيها فعلا مبنزلش سعرها من خمس سنين ولغاية دلوقتي ( سعرها من 37- 35 الف جنيه للسيارة النظيفة اللى مش ملعوب فيها ) 5- سيارة المسافات الطويلة اسألي انا ...لما كنت في مصر شغال عليها الله ينور في سينـــــــــــاء وما ادراك ما سيناء وجبالها وطرقها الجبلية ...بس مش هقول يعنى زي الجيب 4*4 ...علشان الموضوعية 6- ثبات على الارض . 7- اما موضوع شاسية ورا والكلام ده انا مسمعتش عنه ... 8- السخونة ممرتش عليا ..مع ان حلها سهل مقارنة باقتناء عربية تحترم فعلا .. 9- هتكون راكب عربية تعيش وتستحمل معاك 10- اي اكسسوار عليها هيبان .. والفوانيس رخيصة والله 11- كهرباء السيارة ولا يعلي عليها من اول تكة تدور (انا مركب جافة ) بس انا بكلمها في الطبيعي .. 12- بتجري وبتجري وبتجري ... انا مرة كنت معدى ال130 والله واخدت مطب بتاع قوات حفظ السلام في رفح ومع ذلك انا قلت هنزل القى الدنيا عندى مكسرة ..ولا حاجة حصلت ... 13- وبناء عليه اشتريت سكودا اوكتافيا 2011 بالخليج ..والحمد لله اللي يركب اسكودا او الماني في العموم ... معتقدش هيحس بعربية تاني ... 14- اشتري وانت مطمئن وسعرها فيها بس على حالتها ومتكنش متباعة لاكتر من واحد ... وركب جنوط هتكون حكاية طبعا ممكن ناس تانية تفيدك باكتر من كدة ..اعلى فكرة حتى الان محتفظ بالعربية في مصر ومش عايز ابيع لانها من الاخر ( حمارة البيت )

اؤيد الكلام ده بشده العربيه لو حالتها كويسه توكل على الله مش حتلاقى زيها وكل المشاكل التى ذكرها الزملاء فى الفيليشيا ليها حل ومافيهاش حاجه مستعصيه غير غلو قطع الغيار الاصليه حبتين بس لو حتقارن حتلاقى الاصلى بعمره الطويل ارخص كتير من اى حاجه والالمانى المانى (على فكره هى تشيكى والان تتبع شركه فولكس )