باركولى استلمت اسبيرانزا m12 وتقرير الاستلام

[midoelmodamer]

المشاركة الأصلية كتبت بواسطة fineart607 بس صدقنى خلى عندك ثقة فى العربيات دى وانت هتحبها خاصة لما تتامل تصميمها وامكانيتها

هى الحمد لله لحد الوقتى تجربتى المبدايه ليها مبشره اوى وبالنسبه لموضوع الازاز فانا لما كنت بستلم العربيه كانت واقفه فى الشمس من الصبح وكانت نااار فممكن علشان كده لاحظت الموضوع بتاع الازاز بس ان شاء الله ميكونش فيه مشكله

[aymanlaw]

الف مليون مبروك ,وربنا يعطيك خيرها ويحميك من شرها وشر الحاسدين الحاقدين على العربيات الصينى وجمال هذه العربيات التى فى جمال تصميمها ركنت الأوربى على جنب ,الف مبروك ,هذه السيارة لو اوربية مش هتقل عن 120 الف ,لكن الحمد لله ان فيه ناس بتنافس زى الصينيين,وكمان حابب اقول حاجة عجبانى جداً فى الأم عموما يعنى ال11 ال12 ان صوت الموتور ناعم كما هو الملاحظ ايضاً فى التيجو,على اية حال ربنا يباركلك فيها ويفرحك بيها على طول الدوام:GROWIN~ 12: :GR OWIN~12:

[طارق السحت]

اولا:الف مبروك ، ثانيا : لازم تروح للتوكيل علشان يظبطوا الحاجات دى وماتسكتش !! وياريت تبقى تقول لنا عن تجربتك معاها بالتفصيل

[katoba]

الف مبروك ياباشا ربنا يديك خيرها ويكفيك شرها انا لسة مستلم m11 من يومين ياريت تعرفنا عملت اية فى الترخيص لان فية حاجة فى المرور اسمها اعتمادية الصناعه دى محتاجين من ابو الفتوح امضاء معين او رسوم معينه علشان يتم الترخيص لسيارات الاسبرانزا ودة الى فهمته منهم .. ياريت تعرفنى عملت اية .. تحياتى ليك

[midoelmodamer]

المشاركة الأصلية كتبت بواسطة aymanlaw الف مليون مبروك ,وربنا يعطيك خيرها ويحميك من شرها وشر الحاسدين الحاقدين على العربيات الصينى وجمال هذه العربيات التى فى جمال تصميمها ركنت الأوربى على جنب ,الف مبروك ,هذه السيارة لو اوربية مش هتقل عن 120 الف ,لكن الحمد لله ان فيه ناس بتنافس زى الصينيين,وكمان حابب اقول حاجة عجبانى جداً فى الأم عموما يعنى ال11 ال12 ان صوت الموتور ناعم كما هو الملاحظ ايضاً فى التيجو,على اية حال ربنا يباركلك فيها ويفرحك بيها على طول الدوام:GROWIN~ 12: :GR OWIN~12:

الله يبارك فيك يا باشا يا رب وفعلاً هى عربيات ما شاء الله عليها اكتر من ممتازه والصين اللى بيتكلموا الناس عليها دى بتعمل منتجات احسن من اليابان ومن اى بلد فى الدنيا وبتعمل بكل الجودات لكن الناس اتعودت ان المستورد اللى فى مصر بيجيب الحاجه الرخيصه اقل جوده خالص علشان يسترخص السعر فبيقارنوها بالكوبايات والاطباق الصينى الرخيصه فدى فكرة الشعب المصرى عن الصينى لكن الصين بتعمل منتجات احسن من اى بلاد تانيه فى كل حاجه بس المستوردين مش بيجيبوها مصر وبالنسبه للعربيات فاللى بييجى لنا هو اللى بيتصدر لبره من الصين نفس الجوده فده ما يعيبهاش ابدا واللى مخلى سعرها رخيص العماله فى الصين رخيصه وما يعيبش اسبيرانزا اى حاجه غير التقفيل وده اللى الصين ملهاش دخل فيه اصلاً زى نيسان صنى بالظبط اهى عربيه يابانى ومليانه عيوب فى التقفيل علشان التقفيل المصرى ومحدش اتكلم فمتحطش الكلام ده فى دماغك خااالص واستمتع بعربيتك وربنا يباركلك فيها وعمر ما ثقتك تنزل فيها ابداً والف شكر يا باشا على الرد الجميل

المشاركة الأصلية كتبت بواسطة طارق السحت اولا:الف مبروك ، ثانيا : لازم تروح للتوكيل علشان يظبطوا الحاجات دى وماتسكتش !! وياريت تبقى تقول لنا عن تجربتك معاها بالتفصيل

الله يبارك فيك يا باشا وان شاء الله هروح فى اقرب وقت واى حاجه تقابلنى فى العربيه معاكوا ان شاء الله واى استفسار عن العربيه انا موجوووود

المشاركة الأصلية كتبت بواسطة katoba الف مبروك ياباشا ربنا يديك خيرها ويكفيك شرها انا لسة مستلم m11 من يومين ياريت تعرفنا عملت اية فى الترخيص لان فية حاجة فى المرور اسمها اعتمادية الصناعه دى محتاجين من ابو الفتوح امضاء معين او رسوم معينه علشان يتم الترخيص لسيارات الاسبرانزا ودة الى فهمته منهم .. ياريت تعرفنى عملت اية .. تحياتى ليك

الله يبارك فيك يا رب ويباركلك فى عربيتك الجديده الف مبروووووووك ليك ويا رب يعطيك خيرها ويكفيك شرها وهى عربيات بسم الله ما شاء الله عليها ما فيهاش اى عيوب غير عيوب تقفيل ووكيل وحلها سهل باذن الله انا بالنسبالى لما استلمت العربيه من المعرض الراجل قالى اروح اخد ورق العربيه تانى يوم وفضلت متابع معاه لحد ما وصل رحت اخدته منه وقدمت بيه فى المرور ورخصت عادى مفيش اعتماديه ولا حاجه من دى قابلتنى وباذن الله ربنا ييسر امورك فى المرور وتاخد نمرة حلوه تركبها على العربيه