نقلت ملكيه و جددت امبارح

[نبيل عبدالرحمن]

ألف مبروك يا أستاذ فيكتور ، بس أنا كنت متوقع ونحن فى عهد جديد إنك تحكي لنا عن سهولة إتمام هذه العملية وأنه حدث تغيير واضح فى معاملة إدارات المرور مع الجمهور ، ولكن واضح إن العقليات القديمة ما زالت موجودة ومافيش أى تغيير ، معلش ياباشا المهم إنك خلصت

[cheetosmini]

الف مبروك
بس المشكلة مش المفروض الثورة نضفت الروتين واللوائح الى ملهاش لزمة يعنى لازم تتخانق مع الموظف عشان يشتغل ومينفعش تخلص كل الاجراءات من شباك واحد ولزمتة اية التامين الى الواحد مبيستخدموش اساسا الخ الخ الخ

[victornabil2002]

يا جماعه انا ليا راى ان الطبع يغلب التطبع و مستحيل ان الموظف اللى بقالوا 20 سنه شغال فى طابونه و بيعامل الناس زى ميكونوا بيشحتوا منه انه ينفع يتغير مستحيل انك تقنع واحد انه يلبس الجزمه الاول و بعدين الشراب و دا معناه ان الحال المايل هيفضل موجود طول ما مفيش دم جديد لا زم تغيير جزرى فى كل الافكار القديمه الروتينيه و لازم يكون فى ثواب و عقاب و دا مش هيحصل الا لما المنظومه كلها تتغير بس على فكره انا بهدلت الوظفه و قلتلها لو مش هتشتغلى روحى اقعدى فى البيت عشان انتى مرتبك بتاخديه من فلوسنا

[mahranahm]

طبعا ربنا يديك خيرها ويكفيك شرها
والف الف الف مبروك
سؤال نقل الملكية بالمبلغ الحددتة حضرتك كان على انى اساس
اصل انا المفروض اغير ملكية عندى جولف 2 1300 سى سى
وعايز اعرف فى حالة انى خغير ملكية حدفع كام فى الشهر العقارى
لو حضرتك عارف ممكن تفيدنى

ثانيا انا العربية مرور العجمى لازم اعمل حاجة هناك ولا عادى بعد لما اغير ملكية اروح المرور الانا تبعة عادى

وشكرا سواء رديت عليا او لاه انا عارف انك لو عارف مش حتتأخر فى الرد

[victornabil2002]

اكيد هتكون اقل منى بكتير عشان انا عربيتى 1600 و كمان الموديل بيفرق بس كام بالتحديد مش عارف بس قولى هيا موديل كام و انا هحاول اعرفلك
لازم تجيب من مرور العجمى شهادة المخالفات عشان تعرف تجدد وترخص فى مرورك و كمان لازم تجيب شهادة بيانات لو الرخصه منتهيه