سؤال العربيات اللى مركونة فى الشوارع ..بتاعت مين ؟

[سيف الدين سعيد]

المشاركة الأصلية كتبت بواسطة BASSEM BESO العربيات دى مرمى منها كتير فى كل شارع فى القاهرة ومحدش بيسأل فيها

ايوه . ماحنا هنا بنتناقش فى الموضوع دا وبنقول : ليه ؟؟؟؟

[maka]

المشاركة الأصلية كتبت بواسطة BASSEM BESO العربيات دى مرمى منها كتير فى كل شارع فى القاهرة ومحدش بيسأل فيها

فعلا

انا لسه شايف بيتلز مرمية فى البحر الاعظم و فيرنا فى السيدة زينب

[سيف الدين سعيد]

المشاركة الأصلية كتبت بواسطة maka فعلا انا لسه شايف بيتلز مرمية فى البحر الاعظم و فيرنا فى السيدة زينب

تعالى اتفرج عندنا هنا فى العجوزه حاتلاقى بلاوى ..........
ياعم لو مشيت فى كل شارع فيكى يا مصر حاتلاقى عربيات مرميه . وطبعا اكيد العربيات دى مش موجوده كده شيطانى . اكيد كان لها اصحاب وبيستعملوها وبعدين ركنوها وسابوها لما جابوا حاجه احدث مثلا او عليها مشاكل . او مسروقه ودى مع انها نسبه قليله الا انها موجوده الغريب فى الموضوع هو اللى بيرمى عربيته القديمه لما بيجيب أحدث !!!!!!!!!!!!! طب بيرميها كده ليه ؟؟؟؟؟؟؟؟؟ مايبيعها لغيره . وهو يستفيد وغيره يستفيد . وفى نفس الوقت يزيحها بدل ماتتحول لصفيحة زباله . او تحوى مجرمين ومتشردين .

[NicEgypt]

اشكر صاحب الموضوع الاكثر من رائع لان دة تساؤل عندى من زماااان
عندى هنا عربيات مركونة بكثرة عند سور المترو وكلها بدون نمر ومصيرها غير معلوم
وفعلا يكاد يكون فى كل شارع فى مصر فية على الاقل سيارة واحدة مركونة
انا سألت من فترة طويلة على تاكسى رينو مركون مدهون ابيض واسود وسألت لية صاحبة مش يستفيد منة
علماَ ان الباقى من السيارة البودي فقط ! وواقفة على حجارة وفكرت ان فيها ماتور
فأخبرونى بأنة باع كل جزء فيها ماعدا البودي " مش فاهم لية مكان ممكن يشيل رقم الشاسية يرمية وتتباع خردة"
المهم قالولى انها كالعادة مشكلة بـــنــك .. واتوقف ترخصها واضطر انة يعمل كدة باع كل حاجة وسابها لهم كدة
فكان ردي بكل عقلانية ازاي يعمل كدة مع بنك فى وسط الاجراءات المشددة قالولى ان السيارة موديل 90 ووقتها
كانت البنوك عايزة تشتغل وبالتالى الاجراءات كانت اخف شوية عكس دلوقتى .. القوانين بقت بالمرصاد
والبنوك بقت ضامنة حقها تالت ومتلت .. بس لية البنك ميخدش السيارة ويبعها ويستفيد بيها بدل الخلاف بين الطرفين
البنك ومشتري السيارة .

[سيف الدين سعيد]

المشاركة الأصلية كتبت بواسطة NicEgypt اشكر صاحب الموضوع الاكثر من رائع لان دة تساؤل عندى من زماااان عندى هنا عربيات مركونة بكثرة عند سور المترو وكلها بدون نمر ومصيرها غير معلوم وفعلا يكاد يكون فى كل شارع فى مصر فية على الاقل سيارة واحدة مركونة انا سألت من فترة طويلة على تاكسى رينو مركون مدهون ابيض واسود وسألت لية صاحبة مش يستفيد منة علماَ ان الباقى من السيارة البودي فقط ! وواقفة على حجارة وفكرت ان فيها ماتور فأخبرونى بأنة باع كل جزء فيها ماعدا البودي " مش فاهم لية مكان ممكن يشيل رقم الشاسية يرمية وتتباع خردة" المهم قالولى انها كالعادة مشكلة بـــنــك .. واتوقف ترخصها واضطر انة يعمل كدة باع كل حاجة وسابها لهم كدة فكان ردي بكل عقلانية ازاي يعمل كدة مع بنك فى وسط الاجراءات المشددة قالولى ان السيارة موديل 90 ووقتها كانت البنوك عايزة تشتغل وبالتالى الاجراءات كانت اخف شوية عكس دلوقتى .. القوانين بقت بالمرصاد والبنوك بقت ضامنة حقها تالت ومتلت .. بس لية البنك ميخدش السيارة ويبعها ويستفيد بيها بدل الخلاف بين الطرفين البنك ومشتري السيارة .

البنوك بستنى ان الفلوس تجيلهم على الساهل . ولو فرض وانهم دخلوا فى بيع السياره ممكن تروح بارخص من قيمتها بكتير واحنا عارفين لعب المازادات بيكون ازاى . مع العلم ان غالبية العربيات اللى بيكون عليها مشاكل وبتقف بتكون اصلا جديده او شبه جديده يعنى لقطه فى البيع . يعنى موت وخراب ديار لأن برضو الدين اللى حايكون مع البنك مش كله حايتسد ببيع العربيه . حاجه زفت بعيد عنكم .