احداث رياضية لاعوام 2008 2009 2010 2011

[mokhtar872000]

ربنا يستر انا مش متفائل اطلاقا للماتشات الجايه ولللكره المصريه عموما فى الفتره الجايه

[white_blanco]

المشاركة الأصلية كتبت بواسطة هيامى اللى بيهاجم وجهة النظر هوه اللى متعصب لان الراجل بيحاول يفند اسباب اللهزيمة وهو يشيد بتجربة الحرس وانبى وبتروجيت واشار الى ان هبوط مستوى الزمالك سحب الاهلى والاسماعيلى وراه بعدين الدنيا كلها شافت مستوى هانى سعيد المنتدى عند انتقاله للزمالك وكذلك عمرو ذكى الصايم عن التهديف وحسنى عبد ربه وشوقى الذين نسيوا كرة 2008 اما عصام الحضرى اللى فقد مستواه تماما منذ انتقاله لسيون وهروبه من الاهلى وبعد قضيته ومستواه سيون قالوا له شكرا وراجع مصر تانى وشوقى مركون على الرف بره شحاته لما لعب بالمحليين وركز كسب بطزلتين اما دلوقتى الجيل ده ترهل وفقد النخوة وتفرغ للتصريحات لعيب اسمه وليد سيلمان فين من المنتخب وسمير فرج مبيلعبش ليه واحمد عبد الغنى وعيد عبد الملك اللى بيهاجم الموضوع يقراه تانى ويشوف ان الراجل بيهاجم كل اللعيبه المقصرة مش موضوع انتماء لنادى وعندما تفقد المبادىء كل سنه وانت طيب زمالكاوية مخلصة جدا

ايوه كدا انا برضه قولت انك زملكاويه من اول سطر في الكلام المنمق المحترم الجميييييييييل

ومع وجود بعض الاختلاف في وجهات النظر

يبقي الاتفاق الازلي اننا زملكاويه زي بعض
وده يخليني اغفر اي اختلاف في التفكير والاراء

تحياتي

[white_blanco]

المشاركة الأصلية كتبت بواسطة فادى انا هقتبس من رد سابق ليا على موضوع الهزيمة من زامبيا : و لحد دلوقتى مش فاهم, ازاى يلاعب شوقى و عمرو زكى و زيدان و هم لا يلعبون مطلقا فى أنديتهم الأساسية, حسن شحاتة كان لك همه يطلع اللعيبة على بره و يهربهم من الأهلى و أدى النتيجة, اللعيبة اللى احترفوا فسد مستواهم نتيجة لوجودهم فى فرق ضعيفة لا تمتلك قدرات فنية جيدة, و لا منهج تدريبى محترف مثل الاهلى, و كانت النتيجة انخفاض مستواهم, و مع الأضواء و ال"فساد" الغربى, لم يتحمل هؤلاء اللاعبين الضغوط, و دخلوا فى متاهة الى ان اصبح مستواهم لا يؤهلهم حتى للعب فى انديتهم الضعيفة التى تقبع فى مؤخرة الدورى الانجليزى و الالمانى! يعنى واحد مش مؤهل انو يلعب فى نادى مؤخرة الدورى الانجليزى, ازاى بالله عليكم يلعب فى منتخب بطل افريقيا عاوز يخش كاس عالم؟!!

مش فاهم برضه ايه الكلام دا

بقي حسن شحاته كل همه يطلع اللاعيبه من الاهلي . هما مين دول يا كابتن اللي احترفوا من الاهلي مفيش غير شوقي علي فكره وراح فرقه احسن من الاهلي مليون مره برضه وفيها تدريب واحتراف وكل حاجه علي فكره واسال حد فاهم كوره وهو يقولك

زيدان مش تبع الاهلي ولا عمرو ذكي وعلي فكره كمان الناس دي لما طلعت مستواها زاد لانها احتكت بناس جامده بره وكمان اصلا هما مش من الاهلي برضه والفرق اللي راحوها تمتلك قدرات مش لا تمتلك

ومين قال لحضرتك ان الاهلي بيزود مستوي لاعيب كوره عن ويجان مثلا ولا بروسيا دورتموند

انسي الاهلي شويه وفكر بعدل
هوا دا اللي مضيع الكوره في مصر ان الاهلي وابوتريكه ومش عارف ايه

طبعا عارف ان عدد اهلاويه الموقع اكبر من زملكاويته بكتير وعارف انه هيحصل عليا هجوم بس انا بتكلم الحق وبعلق علي كلام الناس هتقراه وتصدقه وهوا مش صح لان ولا حسن شحاته همه انه يطلع لاعبي الاهلي بره لانه مفيش فيهم حد اصلا يستاهل يطلع بره ptmnlo123per1127

[AbOnOrA]

علي فكره واسال حد فاهم كوره وهو يقولك

طبعا عارف ان عدد اهلاويه الموقع اكبر من زملكاويته بكتير وعارف انه هيحصل عليا هجوم بس انا بتكلم الحق وبعلق علي كلام الناس هتقراه وتصدقه وهوا مش صح

بلانكو حبيبى باذن الله ميكونش فيه هجوم ولا صراع فانلات بيضة وحمراء هنا فى المنتدى لسبب بسيط

ان كل واحد من حقة يقول رائية بحرية وينتقد راى الاخر بحرية برضو

لكن بدون تسفيه او الدخول فى مين يعرف اكتر من التانى ومين بفهم ومين مبيفهمش ديه الحاجات اللى بتجيب زعل والاعضاء تدايق من بعضها

والكورة واى رياضة تانية هواية ولعبة جماعية جميلة نشجعها ونحبها وندافع عن انديتنا كل ده جميل بس بدون ما نخسر حد او حتى نزعلة لان مفيش حاجة تستاهل زعل من الاساس

الكلام ده مش لحضرتك شخصياً ابداً الكلام ده قاعدة عامة اتمنى ان الجميع ياخود بالة منها ويراعيها فى اى اختلاف فى وجهات النظر سواء الموضوع رياضى او دينى او حتى عن السيارات

علماً بان الادارة كانت بصدد اتخاذ قرارات بمنع الموضوعات المثيرة للجدل والاتهامات الشخصية كمواضيع كرة القدم والمواضيع الدينية لاكن تم الرجوع عن الفكرة لاننا مجتمع افتراضى يسعى للافضل ونتمنى اننا ننشر بينا ونطبق فعلاً ثقافة الاختلاف باسلوب راقى راقى ومتحضر

[white_blanco]

المشاركة الأصلية كتبت بواسطة AboNoRa بلانكو حبيبى باذن الله ميكونش فيه هجوم ولا صراع فانلات بيضة وحمراء هنا فى المنتدى لسبب بسيط ان كل واحد من حقة يقول رائية بحرية وينتقد راى الاخر بحرية برضو لكن بدون تسفيه او الدخول فى مين يعرف اكتر من التانى ومين بفهم ومين مبيفهمش ديه الحاجات اللى بتجيب زعل والاعضاء تدايق من بعضها والكورة واى رياضة تانية هواية ولعبة جماعية جميلة نشجعها ونحبها وندافع عن انديتنا كل ده جميل بس بدون ما نخسر حد او حتى نزعلة لان مفيش حاجة تستاهل زعل من الاساس الكلام ده مش لحضرتك شخصياً ابداً الكلام ده قاعدة عامة اتمنى ان الجميع ياخود بالة منها ويراعيها فى اى اختلاف فى وجهات النظر سواء الموضوع رياضى او دينى او حتى عن السيارات

علي فكره انا بحترمك جدا علشان انا متابع كل حاجه لحضرتك هنا وما شاء الله بجد عليك

انا والله مش قصدي حاجه كل الموضوع اني لو كنت كتبت الكلام اللي كاتبه استاذ فادي بالظبط وغيرت بدل الاهلي خليتها الزمالك

كان كله هيقول عليا اكتر من كدا بس
وانا مغلطتش فيه بالعكس والله انا بحترمه بس عاوز اوضح الصوره للناس التانيه

يعني حسن شحاته يا ناس خلاص ساب التدريب وبقي سمسار حلم عمره يهرب لاعبي الاهلي بره مصر

وهوا مين منهم احترف اصلا . وثانيا فرق عمرو ذكي وزيدان مش اخر الدوري ولا حاجه زيدان الرابع و عمرو ذكي كان بيعمل اداء كويس

انا بس حبيت اوضح النقطه دي وانو التدريب بره والكلام دا احسن من هنا سواء اهلي او زمالك علشان برضه الاستاذ العزيز فادي قال كدا ان منظومه التدريب في الاهلي افضل من بروسيا دورتموند وويجان وميدلسبره
وانا مش هشارك تاني هنا مادام كلامي بيزعل الناس مني

نورتني يا استاذ ابو نورا و سلامي للجميع