تجربتي مع التعديل

[hyundai2005]

[hyundai2005]

بس في سؤال محيرني وياريت تجاوبوني عليه بعد تغيير البوجيهات من 1 شمعه الي 3 شمعه هل لابد من تعديل كهربه السياره او تعديل فالكومبيوتر او الكارت لتعديل ضخ البنزين والهواء وغيرها وغيرها
ولا تغيير البوجيهات مالوش اي تعديل اوتغيير

[ahmedromance]

المشاركة الأصلية كتبت بواسطة hyundai2005 مساء الفل شباب مصر موتورز المحترمين والحلوين امبارح كنت علي موعد مع اول تجربه تعديل في عربيتي وحبيت اشاركم فيها التعديل مش تعديل شكلي او كبير انا مروش العربيه علي قدي كده من بره يا دوب حاجات بسيطه لاكن مميزه وحلوه بس التعديل اللي اقصده تعديل رفع الاداء انا كنت بعمل صيانه العشره ألاف كيلو غيرت زيت وفلتر بنزين وفلتر زيت وربطت علي العفشه وكله تمام وجيت عند تغيير البوجيهات وقلت لمهندس الصيانه عايز اركب سبليت فاير يعني طقم بوجيهات رياضيه جيبت البوجيهات ال3 شمعه بس المهندس حذرني قاللي لازم تجري كتير بالعربيه علشان متتكتمش وفعلا بعد تجربه العربيه حسيت بفرق كبير العربيه سلكت وبقي سحبها حلو المهم ركزوا معايا فاللي جاي سالت المهندس ممكن اركب فلتر رياضي قاللي عادي ممكن مالوش دعوه بالضمان ولا غيره عايز تركبه قولت لا هبقي اركبه انا تحت البيت وفعلا رجعت فرحان اني حركب فلتر رياضي ويبقي فعربيتي تعديل ملموس بجد وجبت الفلتر الامريكي اللي علي شكل مخروط ب 50 جنيه من واحد معرفه علي فكره بيتباع في عزبه سعد فالاسكندريه هو نفسه ب 80 جنيه وقولتله لو مركبش مرتاح حرجعه تاني قاللي ولا يهمك ركبت الفلتر وعاللي حصل ........ اولا السحب متغيرش كتير اما الصوت فكان عالي قوي ووحش اكنك خالع شكمان العربيه كله وصوت صفره غريب و فرقعه اكنك خالع الفرن بالشجره بالشكمان روحت خالعه ومرجعه علي طوووووووووول قاللي هو الغرض منه صوت اكتر من اداء واللي اكتشفته ان فلتر العربيه الاصلي احسن مليون مره وصوته رياضي اكتر من الفلتر الرياضي والمحصله النهائيه : البوجيهات متعدده الشمعات بتفرق كتير مع العربيه واستهلاك البنزين الفلتر الرياضي مالووووش لازمه خصوصا لو العربيه جديده واسف جدا علي الاطاله بس قولت يمكن تجرتي تبقي مفيده للبعض من حبايبي فمصر موتورز

اولا : الف مبروك علي تركيب البوجيهات
ثانيا: البوجيهات الـ 2 شمعة او 3 شمعة او 1000 شمعة مبتزودش الهورس باور للعربية ولكنها افضل من الشمعة لانها تؤكد عملية الاحتراق يعني لو مركب شمعة واحدة وباظت العربية هتلت معاك يعني هتشتغل بتلات بوجيهات فقط اما الاكثر من شمعة لو شمعة فصلت الاخري هتشتغل عادي واللي انت حاسس بيه من فرق في الاداء ده طبيعي لانك مغير بوجيهات معطوبة باخري سليمة ارجو انك تكون فهمت قصدي

[hyundai2005]

المشاركة الأصلية كتبت بواسطة ahmedromance اولا : الف مبروك علي تركيب البوجيهات

المشاركة الأصلية كتبت بواسطة ahmedromance ثانيا: البوجيهات الـ 2 شمعة او 3 شمعة او 1000 شمعة مبتزودش الهورس باور للعربية ولكنها افضل من الشمعة لانها تؤكد عملية الاحتراق يعني لو مركب شمعة واحدة وباظت العربية هتلت معاك يعني هتشتغل بتلات بوجيهات فقط اما الاكثر من شمعة لو شمعة فصلت الاخري هتشتغل عادي واللي انت حاسس بيه من فرق في الاداء ده طبيعي لانك مغير بوجيهات معطوبة باخري سليمة ارجو انك تكون فهمت قصدي

الف شكر ياجميل علي الرد والمشاركه بس ماجوبتش عليا ححتاج اغير اعدل فكهربه وهواء العربيه

[hyundai2005]

النهارده اديت العربيه وش بولش بعد غسله تمام وروحت رازعها طبقه شمع محترمه ودي الصور بس للاسف الجو كان مغيم شويه مستني رأيكم