ذكرياتى مع السيارات فى هولندا

[samehsaeed]

أستاذ جنيدي مش عارف أبدأ منين بجد، يكفي أقولك والله والله والله ما سبت الموضوع إلا لما قريته بالكامل
من فرط أسلوب حضرتك الممتاز واللي أكتر من رائع حقيقة، وبجد بين السطور آلاف السطور اللي ممكن
تتفهم والواحد يستفيد منها، تجربة رائعة بحق وعن نفسي بتمنى أخوض التجربة ديه بس مش عارف ليه
متخوف منها مع إن ليا عم في إيطاليا وعم تاني كان هناك بس توفي لكن ولاده لسه هناك كمان والدي
سافر إيطاليا في التسعينات ورجع، لكن أنا مش عارف ليه مش قادر آخد القرار إني أدور بجدية عن فرصة
عمل في دول أوروبا مع إني عارف إن فيها حاجات كويسة كتير، طبعا مفيش مكان كل حاجة فيه كويسة
بس مين يعرف جايز أغير رأيي في يوم من الأيام ويجي اليوم اللي احكي فيه زيك عن ذكريات جميلة الواحد
عاشها في حياته، بجد الشكر كل الشكر والتقدير لأسلوبك الشيق اللي أمتعتنا بيه ولخبراتك اللي اكسبتهالنا
عن طيب خاطر وبكل حب.

[m.genedy]

المشاركة الأصلية كتبت بواسطة hazem_khidr حمد الله علي السلامه يا جنيدي باشا ليك وحشه و الله

الله يسلمك يا أ/ حازم
واسف جدا انى ماعرفتش اقابلك اثناء تواجدى فى مصر
وسبحان الله
انا وصلت مصر يوم 8-يوليو ودة كان يوم اجتماعكم فى القاهرة !!
وبكل اسف غادرت القاهرة قبل افطار رمضان الجماعى بيوم واحد !!
ان شاء الله الاجازة القادمة اجيلك لغاية المحلة
وعلى فكرة يا حازم احتمال كبير يكون موضوعى القادم عن
اجازتى الاخيرة لمصر ...
تقبل احترامى

المشاركة الأصلية كتبت بواسطة bmkbmk منور والله يا استاذ جنبدى فينك من زمان يا راجل وحشتنا ووحشتنا مواضيعك طيب هى هولندا يعنى مافيهاش حاجة وحشة خالص ؟؟؟ ههههههههههههه ربنا يكرمك يا باشا و يديم عليك الصحة و السعادة يا رب

الله يخلليك شكرا على مرورك وتعليقك المميز..
اما عن سؤالك ؟
اكيد هولندا فيها حاجات لا تناسبنا كثيرة ..
ولكن الاساس ان قوانينها تعمل كلها فى صالح الانسان بحق وحقيقى.

المشاركة الأصلية كتبت بواسطة bassemali موضوع هااااااايل .... وسرد اكثر من رائع للأحداث أنا قريته كله وبصراحه إستمتعت بيه جدا والف شكر لمجهودك.

الشكر لسيادتك
على مرورك وعلى ذوقك العالى.

المشاركة الأصلية كتبت بواسطة look344 انا كنت فاكر انى هقرآ موضع عادى مع ذكرى عادية ولكن السرد الواقعى والأحداث المرتبة وطريقة العرض الشيقة جعلت للموضوع طعم تانى خالص خصوصا المصداقية تحياتى لك وربنا يوفقك ان شاء الله

شكرا الف شكر والله
على المجاملة الرقيقة المهذبة.

المشاركة الأصلية كتبت بواسطة samehsaeed أستاذ جنيدي مش عارف أبدأ منين بجد، يكفي أقولك والله والله والله ما سبت الموضوع إلا لما قريته بالكامل من فرط أسلوب حضرتك الممتاز واللي أكتر من رائع حقيقة، وبجد بين السطور آلاف السطور اللي ممكن تتفهم والواحد يستفيد منها، تجربة رائعة بحق وعن نفسي بتمنى أخوض التجربة ديه بس مش عارف ليه متخوف منها مع إن ليا عم في إيطاليا وعم تاني كان هناك بس توفي لكن ولاده لسه هناك كمان والدي سافر إيطاليا في التسعينات ورجع، لكن أنا مش عارف ليه مش قادر آخد القرار إني أدور بجدية عن فرصة عمل في دول أوروبا مع إني عارف إن فيها حاجات كويسة كتير، طبعا مفيش مكان كل حاجة فيه كويسة بس مين يعرف جايز أغير رأيي في يوم من الأيام ويجي اليوم اللي احكي فيه زيك عن ذكريات جميلة الواحد عاشها في حياته، بجد الشكر كل الشكر والتقدير لأسلوبك الشيق اللي أمتعتنا بيه ولخبراتك اللي اكسبتهالنا عن طيب خاطر وبكل حب.

والله سيادتك كمان خلليتنى مش عارف ابداء منين!!
ابدأ بشكر لك على متابعتك واهتمامك بقرأة الموضوع؟ام ابدأ بتحفيزك على فكرة السفر اذا
كنت فعلا تريد هذا وامامك هدف تريد تحقيقة؟
ايطاليا بها نسبة مصريين كبيرة جدا
وفرص العمل بها متوفرة وايضا الحصول على اقامتها ليس بالامر الصعب.. واذا كان لك اقارب هناك يكون الامر فى منتهى السهولة..
دعواتى لك بالتوفيق ولو هناك اى استفسار انا تحت امرك.

[zoomaa&mizaa]

الف شكر يا أستاذ جنيدى على مجهودك الكبير فى سرد هذة الذكريات الجميلة .
طبعا يا جماعة كلنا هنحس بمرارة شديدة جدا أذا ما حاولنا أن نقارن بين الوضع هنا وهناك .
ولذلك نجد سؤال مهم جدا يطرح نفسة ( أنت بتحب مصر ) .

[samehsaeed]

والله سيادتك كمان خلليتنى مش عارف ابداء منين!! ابدأ بشكر لك على متابعتك واهتمامك بقرأة الموضوع؟ام ابدأ بتحفيزك على فكرة السفر اذا كنت فعلا تريد هذا وامامك هدف تريد تحقيقة؟ ايطاليا بها نسبة مصريين كبيرة جدا وفرص العمل بها متوفرة وايضا الحصول على اقامتها ليس بالامر الصعب.. واذا كان لك اقارب هناك يكون الامر فى منتهى السهولة.. دعواتى لك بالتوفيق ولو هناك اى استفسار انا تحت امرك.

لا شكر على واجب يا أستاذ جنيدي وبجد اللي قولته ده صدق مش مجاملة ولا حاجة والله
وأنا شايف تبدأ بتحفيز يمكن ربنا يجعل في كلامك القبول وفي نصايحك طريق السلامة بإذن الله
أما بالنسبة إذا كان ليا هدف نفسي أحققه فأه ليا بصراحة، ليا أكتر من هدف كمان مش هدف
واحد وأنا عارف إن إيطاليا فيها مصريين كتير بس أنا بشتغل مبرمج ومش عارف ممكن ألاقي
شغل هناك ولا لأ كمان ابن عمي قالي السفر لهناك بقى صعب جدا جدا ومفيش شغل أصلا
كمان أنا ما بحلمش أسافر إيطاليا أنا بتمنى أروح انجلترا أو كندا أو استراليا، بس إذا زنقت قوي
ومفيش غير إيطاليا ماشي بس هي تيجي وأديك سامع عن الشباب اللي كل يوم والتاني بيحاولوا
يروحوا بأي طريقة والنتيجة بيغرقوا أو يفشلوا ويرجعوا بخيبة الأمل، على العموم لو حضرتك عندك
نصيحة بصدد الموضوع ده أو معلومة ياريت تفيدني بيها وأكون شاكر جدا، اه نسيت أقولك إني صحيح
شاب نوعا ما لسه صغير 27 سنة بس أنا متجوز دلوقتي وعندي بنوتة صغيرة وكمان شغلي هنا كويس
الحمد لله وشغال في شركة كويسة ومرتبي مجزي الحمد لله ويمكن ديه حاجات مخلياني كسلان شوية في
الموضوع ده بس أنا بحلم بحياة أفضل ليا ولأولادي بإذن الله من ناحية التعليم والصحة والمعاملات....
إلخ، وأنا بصراحة من زمان بحلم ألف وأروح هنا وهناك وأشوف مدن جديدة وحاجات جديدة،
وطبعا بما إني راجل مبرمج بسمع بره الناس شغالة أزاي والدنيا وصلت فين واحنا هنا لسه فين
ونفسي أواكب التطور التكنولوجي ده بقى وأتعلم حاجات جديدة صح وعن اقتناع مش زي ما هو حاصل
عندنا هنا في أماكن كتير اللهم إلا ما رحم ربي. المهم طولت عليك معلش على العموم سعيد جدا
بالتعرف عليك وأتمنى أقابلك لما تنزل مصر إن شاء الله وأعزمك عندي على الغدا بس أوعى تيجي بقلب
جامد وتجيب بقيت أصحابك اللي في هولندا معاك ، أخيرا تقبل خالص تحياتي ليك يا أستاذ جنيدي

[مهند سالم]

ممتاز طبعا، ومش هأقدر أتكلم عن الموضوع الجميل ده أكثر من إلا إخواني قالوه، السرد جميل، وملتزم بالحكايات عن السيارات وده فعلا ما يجعله موضوعا مميزا. أشكر ليك إمتاعنا، واجتهادك في حياتك، شكرا جزيلا