مبتدئه سواقه

[tmtmali]

المشاركة الأصلية كتبت بواسطة abokoko طبعا الحماية والسلامة من الله عز وجل ربنا يحفظك ويحفظنا جميعا اقول لحضرتك على معلومة بسيطه ومفيده زى ما انتى خايفه من العربيات اللى ماشية فى الشارع جنبك كل سواقين العربيات دول خايفين منك بمعنى انتى مخليه بالك منهم وهما كمان مخليين بالهم منك اتشجعى وجمدى قلبك وقولى يا رب - وسوقى عربيتك

بصى بقى انا كنت زيك و اكتر منك انا اول اسبوع سقت فيه عربية لوحدى كنت برجع البيت شبهه نهاره منالخوف اللى بكون فيه وسط العربيات بس وحده وحده هتلاقى الخوف بيقل و انا منكرش انا الخوف لسه موجود بس مش خوف من السواقة و لا من العربيات لا ده خوف انى اخبط عربية او اجرح عربيتى و كده يعنى بس نصيحه بقى عودى نفسك تسوقى لوحدك هتلاقى نفسك اجرء من لو فى حد معاكى .هتحسى انك لوحدك و لازم تصرفى - و تصرفى بعقلانيه كمان عشان متعرضيش حياتك للخطر و هتلاقى الحياه لطيفة بس طبعا اول ما تركبى عربيتك تتوكلى على الله و تقولى دعاء الركوب ( سبحان الذى سخر لنا هذا و ما كنا له مقرنين و إنا الى ربنا لمنقلبون ) و ربنا يكفيكى شر طريقك يا رب

[Tota El Masry]

ربنا يكرمك و يوفقك يا قمر
سمي الله
و قولي دعاء الركوب
و أعلملي كل إللي أتقالك عليه و شوفي الموضوع ده و يا رب ينفعك

http://www.masrmotors.com/vb/showthr...492#post720492