أعمل ايه في العقده دي؟

[kimo10]

حب السيارة وامشى بيها فى اماكن غير مزدحمة مرة بعد مرة حيكون كل شىء عادى

[crime]

بص ياباشا محدش بياخد اكتر من نصيبوا ومدام انت شايف انك بتسوق كويس وف الزحمه يبقى خلاص اتكل ع الله ومتقلقش وبعدين الممارسه ف السواقه بالذات بتفرق

تقبل تحياتى

[mr vigo]

المشاركة الأصلية كتبت بواسطة tham1010 لا دكتور ولا حاجة. هذا الامر طبيعى. حضرتك عاوز تمرين وتدريب كثير. كل يوم أنزل بالعربية وأمشى لوحدك فى الشواع غير المزدحمة وأحسن حاجة لو مشيت فى مسار ثابت عارفة.بعنى نفس الطريق أمشية كذا مرة وكل مرة غير الميعاد وخلى السواقة بالليل اخر حاجة تتدرب عليها. تذكر أن افضل حاجة عند السواق هى القيادة بسرعة بسيطة طالما بتتعلم. ولا تلتفت للى بيقعد يزمر ويقرفك. بعض السواقين كدة حتى ولو اللى قدمهم سواق محترف. اعرف ان مش فى حد هيخبطك لو انت ماشى بالراحة والناس بتضرب لك كلاكس. سك الزجاج وطنش

تسلم ايديك ياغالي
يعني افهم من كده ان احاول اسوق في اوقات مختلفه؟؟
انا المشكله اني ساكن في شارع الهرم وانت عارف الهرم
يا اما واقف يا اما ماشيين طلقات جمبي
وكلامك صحيح انا لما جيت اسوق كنت ماشي ومش متأخر عن اللي قدامي
ومع ذلك اللي ورايا وترني بجد كأنه بيقولي نط على اللي قدامك وامشي!!!
والله فكرت الزق على الازاز الوراني كلمة
ياتعدي ياتهدي

المشاركة الأصلية كتبت بواسطة shooter22522 عادى جدا اللى بيحصل ده ده مش توتر خالص انت بس محتاج رجلك تاخد على العربيه مش اكتر بالنسبه للمره 2 عادى جدا هتتعود ان هيبقى فى حد جمبك ويمكن الزحمه بتلخبطك شويه انا اول ما سوقت قلبى كان بيدق جامد( زكريات) لغايه ماتعودت الحمد لله ومتحطش فى دماغك ان هيا بطلت منك قبل كده (اهم حاجه) وميهمكش من اى عربيه جمك حتى لو زمرت وربنا يكفيك شرها ويديلك خيرها

الله يطمنك ياشوتر
والله ريحت قلبي ربنا يقدرني وأبقه زيك يارب
وفعلا ححاول اطبق كلامك وربنا يقدرني
دعواتك ليا يا غالي لأني بجد محتاجها

المشاركة الأصلية كتبت بواسطة firstknight_eg اقفل الازاز واضرب الطناش وسوق متخفش، التوتر ده طبيعي، جمد قلبك

ححاول يا فارس والله
انا لو يرحموني من الضغط العصبي والكبس عليا حبقه مطمن شويه
انما تقولش لقو لقيه يشتغلوها ويخنقو عليها !!!

المشاركة الأصلية كتبت بواسطة tonsy1979 ده احساس طبيعى لما يكون الواحد لسة شارى العربية وخايف عليها .. جمد قلبك ودوس وسلمها لله لو ربنا كاتبله تتخبط هتتخبط وهى واقفة فى مكانها .. وربنا هو الستار

والله كلامك ده تونسي من أجمل الكلمات اللي هدتني شويه
ونعم بالله وفعلا قل لن يصيبنا الا ماكتب الله لنا
انا المشكله واخد عين بنت @$%^&*
بقيت خايف اركبها ومتعقد منها شويه رغم انها اصلا مش جديده دي هي اللي في التوقيع بتاعي
نفسي اكسر التفقير والعين اللي واخداها العربيه دي
ده أول يوم جيبتها قعدت اقول انا اشتريت عربيه ليه اصلا وفضلت مخنوق وجاتلي حالة سدة نفس واكتئاب ما بعدها والله
ربنا يسترها علينا وعليك ياتونسي

[mr vigo]

المشاركة الأصلية كتبت بواسطة kimo10 حب السيارة وامشى بيها فى اماكن غير مزدحمة مرة بعد مرة حيكون كل شىء عادى

بإذن الله يا كيمو
ححاول والله أطبق نصيحتك دي
وربنا يقدرني والرهاب اللي عندي يروح

المشاركة الأصلية كتبت بواسطة crime بص ياباشا محدش بياخد اكتر من نصيبوا ومدام انت شايف انك بتسوق كويس وف الزحمه يبقى خلاص اتكل ع الله ومتقلقش وبعدين الممارسه ف السواقه بالذات بتفرق تقبل تحياتى

كلامك منطقي 100% كريم
انا الحمدلله بسوق الى حد ما كويس
ناقصني بس شوية تطبيق وشوية دروس خصوصا على طلوع الكباري والمنازل والطرق السريعه والحاجات دي
لان سواقتي لحد دلوقتي جوه البلد بس

[سلامة البدري]

المشاركة الأصلية كتبت بواسطة mr vigo السلام عليكم ورحمة الله وبركاته أحبتي في الله انا عندي مشكله وحشه جدا الخوف تخيلو أنا لسه جايب عربيه من اسبوع وخايف أسوقها وأمشي بيها سوقتها 3 مرات مره لوحدي وكنت طاير ومش خايف المره التانيه سوقتها ومعايا مراتي وبنتي وكنت ماشي وسط الزحمه تمام جدا لكن كانت بتبطل مني كزا مره بسبب التوتر وعدم الموازنه بين الدبرياج والبنزين ومع ذلك كنت بجيب الاول والتاني كمان لكن مجيبتش التالت عشان الزحمه ورغم كده ماخبطتش ولا حكيت في حد !! المره التالته 4 مرات تبطل مني وهي في مكانها دلوقتي لما بجي اركبها بحس بقلق رهيب وان بترعش وركبي بتتخبط وقلبي بيدق جامد مع اني بطلع عادي جدا والله انا مش جبان ولا خواف أنا ممكن اضرب واحد أضخم مني 3 مرات لكن مش عارف اللي بيجرالي كل اما اجي اركبها بحس ولا كأني مش حعرف أمشي وسط العربيات شوفولي حل الله يكرمكم ده أنا بفكر اروح لدكتور نفساني من المشكله دي

اقدر اقول باختصار انك اتكلمت عني وشرحت حالتي الي انا بمر بيها دلوقت العربيه ليها 3 اسبايع معايا مريت بنفس الي انت حكيته بنفس ترتيب الاحداث كانك بتحكي حكايتي بالظبط بس انا لسه في مرحلة التعليم وتقريبا شبه اني فهمت الاساسيات وخرجت بيها اربع مرات مع واحد صاحبي
انا فعلا في حاله الرهاب دي وعمال ادور علي حد من صاحبي فاضي يطلع معايا يكمل تعليمي مع ان صحابي قلولت انت اتعلمت خلاص جمد قلبك واطلع بيها

وطبعا استفدت من ردود باقي الزملاء ليك