كرهت السواقة فيات 127 او اي سياراة قديمة مش بسب الاعطال بل بسب الناس

[ahmed el gendy]

دي عيال زباله ومش متربيين ومين ادراك انها عربيه اهاليهم كمان تلاقيهم مأجرين العربيات دي وبيتمنظروا بيها وتلاقيهم مش لاقيين ياكلوا ما هو شباب اليومين دول بتوع منظرع وبس
عموما انت سيبك من كلام الاشكال اللي ما اتربتش دي اهم حاجه اقتناعك بعربيتك ولو حد عمل كده تاني طبق له صاج العربيه بالطول باي حاجه معدنيه او ياسيدي ريح عليه بس بعربيتك هيغير له اكصدام وممكن فانوس كمان غير الصاج اللي هيطبق هيخش له ف 500 جنيه ع الاقل وانت عربيتك اخرها فانوس يتشرخ بس هتجيب له وش ب 20 وتبقي حاسس انك اخدت حقك خصوصا لما ينزل لك يتحايل عليك تدفع تمنهم

[.EhAb]

يا باشا و لا يهمك دى اشكال عايزة التربية .
ان شاء الله الايام تعدى و تجيب عربيات احسن و لما تفتكر اللى حصل معاك هاتضحك و تحكيه كانه نكتة حلوة

[استاذ احمد]

ادينا رجعت تاني لسواقة 127 وكبرت دماغي عشان بس احنا في مصر بس نفسي افهم هو واحد لما يكون معاة عربية جديدة محدش بيكلم خالص ولا يتريق علية لازم تقريبا يكون عندة عربية قديمة

[akerima]

معلش يا كبير هي الدنيا كده في بني ادمين سيس كان اخر احلامهم يركبوا عربية كارو وربنا اكرمهم وجابوا عربيات جديدة وبدل ما يحمدوا ربنا علي اللي في ايديهم بيمشوا يراظوا في مخاليق ربنا

ربنا يرزقنا جميعا

[engfathy]

دي اكيد ناقص عندها عقدة نقص والا مكنش حد منهم اتكلم بالطريقة دي..انا لو متربي كويس وابن ناس عمري ما هاغيظ في حد علشان حاجة ثانوية زي دي
انما دي ناس مش حاسة باي حاجة في الدنيا خالص
كبر دماغك منهم و ولا كأنهم بتكلموا افرح بعربيتك وبلمة عيلتك وربنا يباركلك فيهم الاتنين