اية الفرق بي قيادة المانول والاتوماتيك ؟

[waleed_d82]

المشاركة الأصلية كتبت بواسطة screamseko وانا اللي قعدت ادردش معاك كل ده مقولتليش خد جناح حتي ماشي ياعم ماشي سهله

لا يا باشا هوا انا اقدر انت مش حتتغدي فراخ بس انا بقي عازمك علي فراخ ومكرونه وكمان حتحلي بجاتوه

[waleed_d82]

المشاركة الأصلية كتبت بواسطة AboNoRa انا كن زيك طول عمرى بسوق مانيوال وكنت خايف من الاتو خاصة ان عربيتى ستيب ترونيك وكنت حاسس انه شىء خزعبلى مربك بس فى الحقيقه الموضوع مخادش اكتر من ساعة للتاقلم المهم انك تبداء فى مكان فاضى تاخد على العربيه وتاخد بالك انك متستخدمش رجلك الشمال خالص فيه طريقة ظريفة للموضوع ده انك تقعد وتتنى رجلك الشمال تحتيك يعنى كانك حاطط رجل على رجل بس الشمال تحت اليمين وممكن ترفع رجلك الشمال خالص على الكرسى الى انت قاعد عليه وتقعد عليها برجلك اليمين (( تكلبشها يعنى )) ده فى الحالات الصعبة للناس اللى مبتعرفش تنسى بسهولة رجلها الشمال واخيراً اختم بمقولة الشاعر العظيم اين دجاجتى

فعلا اسال مجرب وموضوع اني مستخدمش رجلي الشمال تمام بس هوا عموما في الاوتوماتيك مش بستخد رجلي الشمال للفرامل ولا زي المانيول اليمين بنزين وفرامل ؟
متقلقك الغدا علي النار

[screamseko]

تسلم يا كبييير
وبالنسبه يابو نورا الرجل الشمال دي كانت حتوديني في داهيه والله
طول عمري بسوق مانوال
ويوم كان عندي فرح ومكانش عنده غير اوتو
اجرت واحده واتعاملت عادي لاني كنت عارفها نظريا

بس حتة اني انسي ان رجلي الشمال مالهاش استخدام دي فعقلي مكانش متقبلها نهائي
فكنت كل مطب حهدي فيه
الاقي رجلي الشمال افتكرت ان في دبرياج ووالاقيها عالفرامل والدواسه عالارض والعربيه بتزحف
ابص الاقي رجليا الاتنين عالفرامل متخيل الضغطه كانت بتبقي ازاي
عملتها بتاع 3 مرات والحمد لله مكانش ورايا حد لغاية معقلي بدا يستوعب

[AbOnOrA]

المشاركة الأصلية كتبت بواسطة waleed_d82 فعلا اسال مجرب وموضوع اني مستخدمش رجلي الشمال تمام بس هوا عموما في الاوتوماتيك مش بستخد رجلي الشمال للفرامل ولا زي المانيول اليمين بنزين وفرامل ؟ متقلقك الغدا علي النار

الشمال اتعملت علشان الدبرياج طالما مفيش دبرياج يبقى مفيش رجل شمال وده للاتى
- اولاً مش هتحتاج تستخدم الاتنين مع بعض الفرامل والبنزين فطبيعى رجل واحدة كفايه للاتنين

- ثانياً الرجل الشمال بطبيعتها تقيله وغشيمة وبالتالى استخدامها للفرامل هيخليك تقفش فرامل للاخر وده كارثة طبعاً لكن استخدامها فى الدبرياج مناسب جداً لان دايما مطلوب تكبس دبرياج للاخر زى ما حكى اخى screamseko

[jemy_tnt]

المشاركة الأصلية كتبت بواسطة AboNoRa انا كن زيك طول عمرى بسوق مانيوال وكنت خايف من الاتو خاصة ان عربيتى ستيب ترونيك وكنت حاسس انه شىء خزعبلى مربك بس فى الحقيقه الموضوع مخادش اكتر من ساعة للتاقلم المهم انك تبداء فى مكان فاضى تاخد على العربيه وتاخد بالك انك متستخدمش رجلك الشمال خالص فيه طريقة ظريفة للموضوع ده انك تقعد وتتنى رجلك الشمال تحتيك يعنى كانك حاطط رجل على رجل بس الشمال تحت اليمين وممكن ترفع رجلك الشمال خالص على الكرسى الى انت قاعد عليه وتقعد عليها برجلك اليمين (( تكلبشها يعنى )) ده فى الحالات الصعبة للناس اللى مبتعرفش تنسى بسهولة رجلها الشمال واخيراً اختم بمقولة الشاعر العظيم اين دجاجتى

معلش بعد اذن صاحب الموضوع بس انا فعلا عاوز اعرف ليه الاوتوماتك لازم رجل واحده و مينفعش استخدم الشمال عشان انا معايا اوتوماتك و بسوقها برجلى الاتنين يمين بنزين و شمال فرامل و مش بعرف استخدم رجل واحده مش بلحق الفرامل بسرعه و ناس كتير بتقولى كده غلط بس محدش بيقول ليه كلو بيقول رجل واحده و بس من غير ليه
فيا ريت حد يجاوبنى ليه ؟