هتتصرف ازاى ؟؟؟؟؟ لو حد قفل عليك

[3bd0]

المشاركة الأصلية كتبت بواسطة samehlila بسم الله الرحمن الرحيم الاجابه بريح عليه سنه بسنه لغاية ما ازق عربيته بعربيتي و يا اما عربيتة تتزق يا اما الاكصدام بتاعه ينكسر يا اما بتاعي ينكسر و الاخيرة عمرها ما حصلت معايا

أؤيد و بشدة
أنا بس لو منك أدور عليه في المحلات القريبة، وأشوف العربية سخنة ولا لأ
عشان تأنيب الضمير بس
وإن شاء الله انا ناوي أفصل صدامين حديد أو ألومنيوم لعربيتي (قدام وورا) عشان الحالات اللي زي دي

[momen_bondok]

المشاركة الأصلية كتبت بواسطة poussi حصلت معايا مره فى الجراج كانت عربيه واقفه قدامى والراجل محترم وسايبلى المفتاح طبعا العربيه بيجو فبابايا تولى المهمه دى يدور فى العربيه حالفه ما تدور جبنا تليفون الراجل وكلمناه قالنا ماهو البطاريه نايمه فبابايا طلع جاب رجاله الشارع والجيران والاهل والاصدقاء وزقوا العربيه وانا طلعت بسلام الحمد الله وطبعا روحت متاخره عن الشغل ساعه مره تانيه برضه نزلت يدووب على الوقت والاقى فيرنا قدامى بوشها فضلنا سااااعه ندور على صاحبها ونزلنا 2 يعينى صحيناهم من النوم ونزلوا قالوا لا مش عربيتنا وطبعا كانوا هيشتمونا وهم ماشيين واخيرا توصلنا لصحاب العربيه بابا كلمه الراجل قاله انا فى الشغل ومش هينفع اجى يسلام مانا عايزه اروح الشغل انا كمان ومتاخره بابايا راحله الشغل وجابه فى ايده وحرك العربيه كلمته وقلتله انا بخرج كل يوم الساعه 8 فياريت لو هتركن قدام حد اعرف مين اللى مش خارج واقف قدامه او سيب مفتاح العربيه من يومها بقى وهو حفظ المواعيد ومرت بسلام

يعنى الراجل ركن وراح الشغل كمان منطق بردو

المشاركة الأصلية كتبت بواسطة المفكر أنا مرة حصلت معايا بس كانت كوميدي العربية اللي كانت قافلة عليا كانت سيات وسألت برضه طوب الأرض ومحدش عرف بتاعة مين وبعد ما روحي طلعت واحد جدع قالي بقولك ايه يا بيه ايدك معايا نشلها وهو يستاهل وفعلا شلناها من قدام وطبعا هيا خفيفة من قدام وطلعت ورجعناها زي ما كانت بس كنت عايز أسيبله ورقة مكتوب عليها إنت غبي تيييييييييييييييييييييييي يييييت

حتى اصحاب السيات بيعملو كدة الناس دة عايزانا نرتكب جنايا شكلها كدة

المشاركة الأصلية كتبت بواسطة 3bd0 أؤيد و بشدة أنا بس لو منك أدور عليه في المحلات القريبة، وأشوف العربية سخنة ولا لأ عشان تأنيب الضمير بس عين العقل والله ياباشا وإن شاء الله انا ناوي أفصل صدامين حديد أو ألومنيوم لعربيتي (قدام وورا) عشان الحالات اللي زي دي رجالة مصر موتورز بيستعدو لحالات الطوارئ

[esafegypt]

جارى قفل عليا وكان ممورها موش رافع فرامل اليد واعد يترجانى انى ازقها لكن انا قولت له لا يا معلم انزل شيل العربية او ترمى المفتاح وانا هحركها الراجل خاف لحسن انا اخبطها له وخصوصا ان عربيتة فولفوا قديمة حديد ومحدش فى الحتة بيعرف يسوق النوع ده من الاوتوبيس اللى على شكل عربية ملاكى ههههههههههههه وكل مرة بنزلة من الدور السابع وياسلام لو الاسانسير عطلان فى اليوم ده عمل ما بينزل وبيطلع للسابع بيكون جاب جاز لكن لو حد غريب قفل عليا ممكن اعمل له اى شئ يفكروا بموضوع انه ميقفلش على حد تانى والافكار كتيرة طبعا والشيطان شاطر هههههههههه

[momen_bondok]

المشاركة الأصلية كتبت بواسطة esafegypt جارى قفل عليا وكان ممورها موش رافع فرامل اليد واعد يترجانى انى ازقها لكن انا قولت له لا يا معلم انزل شيل العربية او ترمى المفتاح وانا هحركها الراجل خاف لحسن انا اخبطها له وخصوصا ان عربيتة فولفوا قديمة حديد ومحدش فى الحتة بيعرف يسوق النوع ده من الاوتوبيس اللى على شكل عربية ملاكى ههههههههههههه وكل مرة بنزلة من الدور السابع وياسلام لو الاسانسير عطلان فى اليوم ده عمل ما بينزل وبيطلع للسابع بيكون جاب جاز لكن لو حد غريب قفل عليا ممكن اعمل له اى شئ يفكروا بموضوع انه ميقفلش على حد تانى والافكار كتيرة طبعا والشيطان شاطر هههههههههه

[Ahmed Salah ahmed]

لو اضطريت لكده

دي باسيب ورقه كبيره برقم التليفون علي قزاز العربيه

ولو اتعرضت لنفس الموقف بافضل ادور علي صاحب العربيه لكن صعب اني اخبطهاله او انيمله الكاوتش او اي حاجه من دي خالص طبعا

احنا مصريين جدعان:THE_PR~1 8: