|
#1
13-12-2010, 10:32 PM
|
|||
|
|||
الريتموا ومشاكلها وحلها وتظبيطها
اخواني الاعزاء دا كل اللي قدرت اجمعه عن الريتموا من مواضيع كتيرة وياريت يعجبكم و تشاركوني ارائكم
طبعا ان كلنا عارفيين ان اول ما الواحد بيفكر يجيب عربيه بسعر معقول بيروح بتفكيرة علي الفيات واولها سيارة الشعب 128 او بيفكر في 127 لاكن الكل بيشيل من دماغه الريتموا ودا طبعا لانها الكل بيقول عليها وحشه طيب ليه علشان الشاسيه نفس المشكله بتحصل في ال 128 + 127 لاكن طبعا بنسبه ااقل شويه ودا علشان عزم الموتور بتاع الريتموا اقوي بكتير عنهم غير انها اوسع منهم وقطع غيارها موجوده وحتي لو في حاجه مش موجوده تقدر توفقها من 128 او الريجاتا يعني مش هتغلب وبالنسبهللمشكله اللي بتواجه النا واللي الاغلبيه بيقولو انها اهم حاجة -----الشاسيةةةةةةةة وحط تحت كلمة الشاسية دية 6 خطوط الريتمو الشاسية بتاعها بيفتح بسرعة جدا ودايما العربية دية بتبقى مشرخة من تحت مكان البطارية او بص من فوق العجل اللى ناحية السواق وساعات بتشرخ برضة من الناحية التانية وبتشرخ برضة من عند الركبة اللى قدام ناحية اللى جنب السواق (* عن تجربة *) دور ع الاماكن دية ولو فيها شروخ عالجها وجيبلها شداد كويس يمسك البطاحتين من فوق علشان متفتحش تانى بعد ماتلحمها . # تانى حاجة الثبااااااااااااااااات ودية حط تحتها 5 خطوط لان الريتمو مش ثابتة خالص بطبيعتها كانت بعد ال 130 بتعوم خالص لان العربية خفيفة جدا كنت قارى فى موقع ريتمو وورلد ان الريتمو كانت نازلة بموتور 2000 سى سى وكان وزنها 970 كيلو يعنى تخيل بال 1300 كام فنصيحة ليك غير مساعدين وياريت بنوع مشهور ويكون كويس وهبط العربية شوية وجنط جنوط عريضة . # تالت حاجة العزم الريتمو بطبيعتها علشان خفيفة جراية بس الثبات تعبان اقسم بالله كنت بشد بيها مع اونو 2007 وكنت بطلع منه ولانوس 1400 وغيره وغيره فلو عايز تزود الاداء بتاعها غير البوجيهات بنوع مضمون ويكون مثلا NGK او تجيبلها طقم بوجيهات سبلتفاير بالسلك بتاعهم هتلاحظ فرق الاداء وتوفير البنزين برضة . # رابع حاجة الفرامل الريتمو الفرامل بتاعتها ضعيفة وغالبا بيكون فيها مشاكل فى السيرفو اكشف عليه وعلى دورة الفرامل وخليها بريفكت دايما ( فية ناس بيغيروا السيرفو بانواع تكون احسن ) . # خامسا حافظ عليها ياسيدى علشان الريتمو اما بتهينها هتعمل منك حركات نداله كتير وربنا يباركلك فيها والف مبروك ولو احتجت صور تظبيط فى الشكل للريتمو ممكن تدخل على موقع http://www.ritmo-world.de/home_en.html ومتخفش من الرتمو في موضوع الشاسيه ليه حل نهائي اول لما تشتري العربيه ان شاء الله غير سير الكاتينه لازم وطقم فلاتر وروح بيها الحرفين وركبلها شداد للشاسيه هايكلفك حوالي 75 ل 100 جنيه بالمصنعيه بالتركيب الكلام دا واخده من اخ عزيز وخبرة معانا في المنتدي الجامد دا وبصراحه ياجماعه احسبوها بالعقل المشاكل موجوده في الريتموا وال 127 و 128 نفس المشاكل طيب ليه اخد حاجه صغيرة وناشفه اكتر واللي هيقولي ان الريتموا شكلها في جمود ومش بينفع تتظبط هقوله اتفرج علي الصور دي التعديل الأخير تم بواسطة sawy22 ; 13-12-2010 الساعة 10:40 PM 
|
|
#4
14-12-2010, 02:22 AM
|
||||
|
||||
|
رد: الريتموا ومشاكلها وحلها وتظبيطها
سلامو عليكم
أنا معايا أختها اللي بعدها تيبو بالنسبة لموضوع الشداد ده بينفع في كل العربيات ولا لا و بعدين كنت قريت عنه في المواقع الأجنبية بيقولوا أنه من مواد خاصة علي درجة عالية جدا من القوة و المرونة و شكله بيبقي مصمم لكل موديل بحيث يركب عليه بالمللي ياتري ده يبنطبق علي الشداد اللي أتكلمتوا عليه ولا ده حاجة بلدي مشي حالك يعني ياريت لو حد عارف يقولنا المعلومات دي و بالنسبة للريتمو دي أول عربية في العالم يتم تصنيعها أليا بالكامل بدون تدخل أشخاص وكنت قريت قبل كده أن أغلب مشاكلها مش من تصميماتها ولا تصنيعها أنما لأنها أتصنعت في فترة كانت فيها فيات بتصنع بصاج روسي و كان فيه مشاكل وده سبب أن الريتمو و الريجاتا حساسيين جدا لرطوبة و تلاقي موديلاتهم الايطالي حالتهم أوحش من الموديلات التركي والكلام ده رغم أن الفرق ممكن يكون خمس سنين بس مش أكتر
|
|
#5
15-12-2010, 01:57 AM
|
|||
|
|||
|
رد: الريتموا ومشاكلها وحلها وتظبيطها
بصراحه تسلم ايديكو
انا قبل كده كنت محتار في العربيه اللي اشتريها وبعد فتره قلت ممكن تكون الريتمو بس بسأل لو ريتموموديل 85 حالتها جيده جدا ممكن تعمل كام؟؟؟؟ على فكره انا مازلت بدور ياريت لو في حد عنده حاجه مناسبه سواء ريتمو أو 131أو 132 أو ريجاتا يقول؟ ف انتظار الردود التعديل الأخير تم بواسطة prof english ; 15-12-2010 الساعة 02:51 AM
|
 |
|
|
