عربيه A516 موديل 2011 تقسيط (حلو كده ولا اصرف نظر)

[dr.wael7yran]

المشاركة الأصلية كتبت بواسطة الزرزار الصغير شكرا استاذ وائل على رد حضرتك واهتمامك ... ونصيحة حضرتك فوق راسي بس المشكله ان انا هحتاج عربيه واسعه واظن ان ده موجود في الاسبرانزا بس ماكدبش عليك انا اي نعم حبيتها من كلام الناس عليها بس طبعا في حبة قلق كده وربنا يسهل اما موضوع بنك ناصر فانا ان شاء الله هنزل بكره وهكتب تقرير مفصل جدا عن التقسيط من البنك ده وكل الظروف المتاحه للتقسيط من عنده

يا باشمهندس العفو انا معملتش حاجة
و انا موش عايز اقلقك انا بكرر ان كل صحابي اللي جابوا العربية دي شكروا فيها اوي...انا بس اللي معقد

عموما انا عندي ليك اقتراح لفسحة جميلة
معرض المصرية في المعادي و هتلاقي كل العربيات اللى في الفئة السعرية دي موجودة هناك واقفين جنب بعض روح و اركب و اتفرج و قارن في تفاصيل التفاصيل يمكن المشوار هناك يريحك... بس متشتريش من هناك ...روح اتفرج وبس
و اوعى العربيات اللي هناك من كترها تلف دماغك
و ربنا يوفقك

[ezzat2002mo]

المشاركة الأصلية كتبت بواسطة الزرزار الصغير السلام عليكم ورحمة الله وبركاته اخوتي الكرام من ملاك السياره الجميله A516 انا عاوز ابني رأيي في العربيه دي بناءا على اراءكم وردودكم وارجوكم جاوبوني بأمانه لأني لسه جدييييييييد لنج في حوار العربيات ده اولا :أنا عندي 25 سنة والمهنة مهندس مدني (معيد بكلية هندسه) واستخدامي للعربية معتدل يعني انا لسه على قدي في السواقه او بصحيح العباره لسه بتعلم السواقه ثانيا :استخدامي للعربيه تقريبا هيكون سفر يومي بمعدل 100 كيلو يوميا 50 كيلو من الشغل للبيت و50 كيلو من البيت للشغل والسفر الطويل يعني ممكن كل شهرين تلاته مره في معظم الأحيان العربيه هتبقى مليانة سواء بحد من العائلة أو مع أصحابي وخصوصا في السفريات ودي أكتر حاجة شدتني للاسبرانزا (وسع صالونها). المهم كلمت شركه اسمها (لوجيستك موتورز) علشان اشتري العربيه وده طبعا تقسيط فعرضهم كان كالآتي : المقدم 24000 جنيه وقسط شهري 1085 جنيه على 60 شهر للعربيه الكامله (F/O) والمطلوب مني صورة البطاقه فقط بس في حظر بيع على الرخصه وكمان تأمين اجباري على العربيه وفيه اللي هي هاف اوبشن (LS) دي المقدم 18000 جنيه والقسط 1050 جنيه على 60 شهر وبرضو حظر وتأمين اجباري فأرجوكم انتوا ايه رأيكوا في العرض ده ؟؟ وخاصة الــ(LS) لان دي امكانياتي ارجوا الرد بسرعه لأن لو العرض كويس ممكن اروح استلم يوم السبت الجاي ان شاء الله ملحوظه : مش انا اللي هستلمها واحد صاحبي وهيعلمني عليها طبعا لاني زي ماقلت غلبااااااااان في السواقه

بص ياباشا السلام عليكم اولا

الف مبروك على فكرة الشراء ثانيا

وربنا يوفقك لما فيه الخير

بس ممكن تسمحلى ان اهديك نصيحه بس ياريت ما تزعلكش منى

موضوع شراء سيارة بقسط وده هيكون اكيد من بنك ده موضوع فيه ربا

وذلك لان البنك لا يتملك السلعه التى يقوم ببيعها ولكنه بيقوم بسداد اجمالى

القيمه لصاحب المعرض ومن ثم يقوم بتقسيط قيمه السيارة لك بعدها

وده على رايي الفقهاء انه تحايل لان البنك لا يتملك السلعه حتى ولو قال لك

ان البنك يشترى السيارة ثم يبيعها لك اقول لك انه تحايل ايضا لان الشرط

الاساسى فى اقامه البنوك هو عدم الدخول فى انشطه تجاريه تحتمل الربح

او الخسارة وده طبعا اللى درسناة فى اول كتاب محاسبه فى الجامعه .

واعلم انه درهم ربا فى الاسلام اشد من 36 زنيه (مرة زنا)

وكما قال الله تعالى "فأذنوا بحرب من الله ورسوله "

واعلم انه من يستعفف يعفه الله ومن يستغن يغنه الله

فانا رايي انك امام عده خيارات :

1- تشترى بالمبلغ اللى معاك عربيه مستعمله وربنا يبارك بدون ربا .

2- تعمل جمعيه بالباقى وتجيب كاش .

3- تشوف حد بيقسط مباشر دون اجراءات بنكيه وده ممكن بيزيد شويه

بس اولا بدون شبهه ثانيا مفيش تامين اجبارى اللى فيه شبهه برضه

وما تقوليش ان القسط مع المعرض المباشر هاياخد فلوس زساده زى البنك

يبقى هوة هوة لا لا الله احل البيع وحرم الربا البيع بالتقسيط حلال مدام تم

الاتفاق على السعر وعلى مده التقسيط ولا يحدث لها اختلاف فى حاله نقصت المده

او طالت , وبرضه سيادتك تسال فى الموضوع ده وربنا يوفقك.

انا اسف لو كنت باتدخل بس احنا مسلمين وفرض عليا انى انصحك لانى

احب الخير لكل البشر .

السلام عليكم ,,,

[dr.wael7yran]

المشاركة الأصلية كتبت بواسطة ezzat2002mo بص ياباشا السلام عليكم اولا الف مبروك على فكرة الشراء ثانيا وربنا يوفقك لما فيه الخير بس ممكن تسمحلى ان اهديك نصيحه بس ياريت ما تزعلكش منى موضوع شراء سيارة بقسط وده هيكون اكيد من بنك ده موضوع فيه ربا وذلك لان البنك لا يتملك السلعه التى يقوم ببيعها ولكنه بيقوم بسداد اجمالى القيمه لصاحب المعرض ومن ثم يقوم بتقسيط قيمه السيارة لك بعدها وده على رايي الفقهاء انه تحايل لان البنك لا يتملك السلعه حتى ولو قال لك ان البنك يشترى السيارة ثم يبيعها لك اقول لك انه تحايل ايضا لان الشرط الاساسى فى اقامه البنوك هو عدم الدخول فى انشطه تجاريه تحتمل الربح او الخسارة وده طبعا اللى درسناة فى اول كتاب محاسبه فى الجامعه . واعلم انه درهم ربا فى الاسلام اشد من 36 زنيه (مرة زنا) وكما قال الله تعالى "فأذنوا بحرب من الله ورسوله " واعلم انه من يستعفف يعفه الله ومن يستغن يغنه الله فانا رايي انك امام عده خيارات : 1- تشترى بالمبلغ اللى معاك عربيه مستعمله وربنا يبارك بدون ربا . 2- تعمل جمعيه بالباقى وتجيب كاش . 3- تشوف حد بيقسط مباشر دون اجراءات بنكيه وده ممكن بيزيد شويه بس اولا بدون شبهه ثانيا مفيش تامين اجبارى اللى فيه شبهه برضه وما تقوليش ان القسط مع المعرض المباشر هاياخد فلوس زساده زى البنك يبقى هوة هوة لا لا الله احل البيع وحرم الربا البيع بالتقسيط حلال مدام تم الاتفاق على السعر وعلى مده التقسيط ولا يحدث لها اختلاف فى حاله نقصت المده او طالت , وبرضه سيادتك تسال فى الموضوع ده وربنا يوفقك. انا اسف لو كنت باتدخل بس احنا مسلمين وفرض عليا انى انصحك لانى احب الخير لكل البشر . السلام عليكم ,,,

انا شخصيا معنديش مانع انه اتحرى الدقة في موضوع التقسيط ده
و ربنا هيبارك طالما عقدت العزم و صححت النية
بس يا ريت لو حد يعرف تقسيط مباشر و يكون ثقة يبقى افادتنا ...

[الزرزار الصغير]

الاستاذ والأخ الكريم (ezzat2002mo) ربنا يكرمك على نصيحتك وربنا يجعلها في ميزانك
وطبعا ماينفعش اجادل طالما قالها علماء ........ فما علينا الا الاتباع لقول الله وقول رسوله
طيب انا لما كلمت (ماجستيك موتورز) ماقلوليش ان التقسيط تبع بنك ولا حاجه تقريبا هيبئه تقسيط مباشر وعلى العموم هتصل واتاكد
,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,, ,,,,,,,,,,,,,,
اما استاذ وائل فللمره التانيه انت فعلا اخ كريم وصديق عزيز وربنا يكرمك على ردك واعطائك النصيحه لي
وكل سنه وانتوا طيبين بمناسبة العيد وربنا يعود علينا الايام بالخير والبركه والسعاده
: balloons71::b alloons71::ba lloons71:

[ezzat2002mo]

المشاركة الأصلية كتبت بواسطة الزرزار الصغير الاستاذ والأخ الكريم (ezzat2002mo) ربنا يكرمك على نصيحتك وربنا يجعلها في ميزانك وطبعا ماينفعش اجادل طالما قالها علماء ........ فما علينا الا الاتباع لقول الله وقول رسوله طيب انا لما كلمت (ماجستيك موتورز) ماقلوليش ان التقسيط تبع بنك ولا حاجه تقريبا هيبئه تقسيط مباشر وعلى العموم هتصل واتاكد

ربنا يبارك فيك ويبارك لك ويرزقك رضاة فى الدنيا والاخرة