هو اى حاجة لازم اعملها فى التوكيل

[خالدخليفة]

ربنا يكرمك ياحبيى وتحت امرك وموضوع ال10 الاف كيلو ده مش هباء وانما هيكون كل حاجة بانت فى العربية

[Joe Nubira]

شكرا استاذ بدر و مانو على الرد وانا فعلا شكلى هستنى شوية لان انا لسة عامل صيانة الالف ومعرفش ممكن يحصل حاجة لاقدر الله بس هو فى عرض غريب اتعرض عليا من مهندس فى التوكيل قالى ن ممكن حاجات معينة بتتركب جوا التوكيل زى الانذار يجيبهالى نفس النوع ويركبهالى قدام التوكيل برا وبنص الثمن والعربية متخرجش برا الضمان يعنى الانذار فى التوكيل ب 600 جنيه هو قالى ب 300 جنيه مش عارف بقى اسمع للكلام ده ولا لأ

[خالدخليفة]

ياعم مهو عربيتك فيها انذار وهو مش هيركب حاجة من الزيادات اللى انت عايزها هو هيركب اللى جاى مع العربية وهما بيعملوكده فعلا
يعنى بالنسبة لى مفتاح الاشارات قالوولى بتاع التوكيل 200 جنيه
لكن هما جابو مفتاح وركبوه فى الشارع بره واخدو منى 75 وبدون فاتورة طبعا
والحاجت دى غالبا بيبقى زبون حنتوف يروح لهم ويكشفو عليها ويكتبو له عريضة طويلة على الحاجات اللى عايزها وفيها حاجات غالبا بتكون سليمه
وهذا الزبون نظرا لانه حنتوف (يعنى لايثق فى اى حد الا توكيل العربية نفسه) غالبا مابيسيب القطع المخلوعة ليهم وهما هنا بياخدوها ولو فيها تالف بيصلحوه ويرجعو يبيعوه وده اللى هيحصل معاك غالبا قطعة غيار مخلوعة سليمة من عربية بافتراض حسن النية
اما سوء النيه تبقى مسروقة من المخزن ومتسدد ة فى الدفاتر انها تالفة

[Eng . Mano]

المشاركة الأصلية كتبت بواسطة خالدخليفة ياعم مهو عربيتك فيها انذار وهو مش هيركب حاجة من الزيادات اللى انت عايزها هو هيركب اللى جاى مع العربية وهما بيعملوكده فعلا يعنى بالنسبة لى مفتاح الاشارات قالوولى بتاع التوكيل 200 جنيه لكن هما جابو مفتاح وركبوه فى الشارع بره واخدو منى 75 وبدون فاتورة طبعا والحاجت دى غالبا بيبقى زبون حنتوف يروح لهم ويكشفو عليها ويكتبو له عريضة طويلة على الحاجات اللى عايزها وفيها حاجات غالبا بتكون سليمه وهذا الزبون نظرا لانه حنتوف (يعنى لايثق فى اى حد الا توكيل العربية نفسه) غالبا مابيسيب القطع المخلوعة ليهم وهما هنا بياخدوها ولو فيها تالف بيصلحوه ويرجعو يبيعوه وده اللى هيحصل معاك غالبا قطعة غيار مخلوعة سليمة من عربية بافتراض حسن النية اما سوء النيه تبقى مسروقة من المخزن ومتسدد ة فى الدفاتر انها تالفة

كلام منطقى و سليم جدا ، احسن حاجة استنى على العربية شوية كده زى ما الاستاذ انجكشن قال ، لغاية ما العربية تتظبط معاك و تتأكد من سلامتها ، و ساعتها ركب اللى انت عايزه كله بره و سيبك من الضمان ، انا على فكرة عملت كده لما جبت الاكسنت بتاعتى مو 2006 ماكانش فيها لا انذار ولا سنتر ، استنيت لما العربية عملت 15000 كيلو و اطمنت عليها و روحت ركبت برة مفتاح ريموت بأنذار و سنتر و فيه كمان فتح الشنطة من الريموت ، و كل ده ب400 جنيه من شارع دمشق من اولاد نوار ، و ريحت دماغى ، و كل تعاملى مع التوكيل دلوقتى فى الصيانات الدورية .
اعمل كده و صدقنى مش هتندم و ربنا يحافظلك عليها يارب ؛

[Joe Nubira]

شكرا يا استاذ خالد ومانو على الاهتمام والرد وفعلا الكلام منطقى وسليم جدا وانا خلاص قررت اسمع كلامكم وهستنى 10 او 15 الف كم