لمبة البطارية بتفضل منورة متطفيش الا لما ادوس دوسة بنزين جامده

[mr_astra]

العبرة والفيصل فى قياس الدينامو مش الفولت - الاصل والاساس هو الامبير

تماااااااااااااااام .....الكلام زى الفل والله ينور عليك
بس عارف لو ان الدينامو فية مشكلة مخدات او بوبينة
كنت هتلاقى السؤال مختلف عن اللى مطروح
لو المخدات بايظة او فيها شورت تلاقى صاحب العربية يؤلك لما بنور النور العالى بيزيد ويقل مع دوسة البنزين
او ان العربية بتعلى لما بيحمل على الدينامو
او لما مروحة العربية بتشتغل بتاكل الموتور اكنها تكييف

[samiro]

انا فكرت فى حاجه وعاوز رايكم برضة انا بفكر اعلى الموتور شوية الاول على السلانسية لانة عندى السلانسية يدوب بيجيب rpm 500 ولما انا ادوس برجلى لحد ال 900 او 1000 المبة بتطفى فاهروح اعلية لحد 900-950 كده واشوف ولا ايه رايكم

[msr1192]

المشاركة الأصلية كتبت بواسطة samiro انا فكرت فى حاجه وعاوز رايكم برضة انا بفكر اعلى الموتور شوية الاول على السلانسية لانة عندى السلانسية يدوب بيجيب rpm 500 ولما انا ادوس برجلى لحد ال 900 او 1000 المبة بتطفى فاهروح اعلية لحد 900-950 كده واشوف ولا ايه رايكم

:fun_ 36_1_28[1]:

يا راجل حرام عليك اقل سلانسية في الدنيا 650 او 700 اقل من كده العربية هتلاقيها بترتل اقل سلانسية 800 وسيبك من اللى يقولك هوفرلك في البنزين عشان لما تقف كتير متاكلش منك بنزين والله ما هتلاقي فرق 2 جنية حتى لو بتحط 92
شد سير الدينامو جامد قيس الشحن على السلانسية (800) يديك 12.5 : 13 توكل على الله
وعلى فكرة لو قيستة اكتر من مرة وعند الكهربائي يقولك كويس وبعدين تلاقي في مشاكل في الشحن ده مش معناه انه معندوش ضمير لا انما في حاجة جوه الدينامو اسمها شربون ده لما بيبوظ مش بيقطع خالص ويبان ويريحنا لا ده بيقعد يشحن شوية ويفصل شويتين وبعدين يرجع يشحن تاني وبعدين بفصل ويفضل كده فالكهربائي مش ذنبة انه ماشفش النقطة دي من الاول

[samiro]

المشاركة الأصلية كتبت بواسطة msr1192 :fun_ 36_1_28[1]: يا راجل حرام عليك اقل سلانسية في الدنيا 650 او 700 اقل من كده العربية هتلاقيها بترتل اقل سلانسية 800 وسيبك من اللى يقولك هوفرلك في البنزين عشان لما تقف كتير متاكلش منك بنزين والله ما هتلاقي فرق 2 جنية حتى لو بتحط 92 شد سير الدينامو جامد قيس الشحن على السلانسية (800) يديك 12.5 : 13 توكل على الله وعلى فكرة لو قيستة اكتر من مرة وعند الكهربائي يقولك كويس وبعدين تلاقي في مشاكل في الشحن ده مش معناه انه معندوش ضمير لا انما في حاجة جوه الدينامو اسمها شربون ده لما بيبوظ مش بيقطع خالص ويبان ويريحنا لا ده بيقعد يشحن شوية ويفصل شويتين وبعدين يرجع يشحن تاني وبعدين بفصل ويفضل كده فالكهربائي مش ذنبة انه ماشفش النقطة دي من الاول

الله يكرمك يا باشا على ردك يعنى مبدئيا كده هعلى الموتور وبعدين لو اللمبة طفت لما ادور اروح للكهربائى اخلية يفك الدينامو ويبص على الشربون ولا امشى بية كده رايك ايه

[محمد حسن عبد الرحمن]

أحب أضيف حاجة قد تكون مهمة من كام يوم كانت عند الميكانيكى وكنت بغير ماستر دبرياج فوق وبعد ما كله بقى تمام دورت العربية فوجدت أن لمبة البطارية منورة زودت بنزين بردة منورة تأكدت من ان السير راكب وتمام وموقعش أقم الميكانيكى لعب ببعض الأسلاك الكهربائية اللى بجوار كتاوت الكلاكس ويبدو انو كتاوت آخرى موجودة عندى بالسيارة اللمبة طفت فورا فضع أيضا فى الحسبان أن لما حضرتك بتزود بنزين جامد فيؤدى ذلك إلى إهتزاز المحرك بقوة فيهز هذا السلك فيودى إلى إنطفاء لمبة الدينامو وأرجو أن أكون أفدت حضرتك ولو بالقليل وتبقى خلى الكهربائى يشيك على جميع الأسلاك الكهربائية وكمان يعزلها كويس بالشكيرتون وأن شاء الله حاجة بسيطة يا باشا وتبقى طمنا عملت أيه.

أخوك محمد