سعر سيارات جاك بدون الجمارك ومكسب الوكيل

[sherif4004]

شكرا لصاحب الموضوع والمشاركين
بجد شعوب العالم بتركب افضل العربيات بتمنها الحقيقى
والمصريين بسبب القوانين الاحتكاريه بيركبو اقدم السيارات باغلى الاسعار
حسبى الله ونعم الوكيل

[silentman84]

المشاركة الأصلية كتبت بواسطة Meemo The Beast عزيزي سايلانت مان لا زلت مصرا على أن هذا الإسم لا يناسبك لأن صوتك دائما مسموع و سباق الى كل ما يهم المستهلك بالأرقام و الأدلة و نتمنى أن تبدأ الثورة في الإلتفات لحيتان الوسط بعد أن قضت على الحيتان الكبار حتى نشعر بإنجازات الثورة

ايمن باشا انا من كتر السكوت خلاص انفجرت..... ...ومابقاش فى سكوت خلاص ....... اما عن الصوت المسموع فده بفضل الله اولا ......وبفضلكم ثانيا اخوانى الكرام بجد انا حبيت الناس هنا من اول مااشتركت وكنت داخل علشان اشوف العربيه الجاك ونظام تقسيط اسلامى.......لقيت فعلا الناس كلها بتحب بعضها .....فعلا حسيت اننا اسره واحده.......بصراحه اول واحد كان بيحاول يساعدنى وتعب معايا فى البحث عن نظام تقسيط اسلامى هو الاستاذ سيف............وكمان شاكر الاستاذ اودا....والاستاذ تيمو.....والاستاذ ايمن المحامى....... وكمان الدكتور كمال مع انى بعتب عليه لان منذ قيام الحمله وهو بينتقدنى مع انها مصلحه للجميع ومتقبل اختلاف الرأى بصدر رحب سواء اتفقنا او اختلفنا فإننا احباب....وهو مش ظاهر فى المنتدى اتمنى من الله ان يكون بخير ....وقبل مايبتدى موضوع الحمله اتعرفت على الاستاذ احمد ابو بكر واتفقنا اننا ننفذها.....ثم تاتى معرفتى بك استاذ ايمن ميمو بجد اخ عزيز...بجد كل يوم اتعرف على اصدقاء واخوه هنا فى هذا المنتدى الجميل وبشكر الاستاذ ابو نوره صاحب الموقع.....بجد موقع ممتاز .....حريه الرأى والتعبير بكل احترام والابداع والتميز........وقبل كل ده الناس الحلوه ......ربنا يحمى الموقع من هجمات الهاكرز اللى بيحولوا يعطلوا المنتدى.
اما عن الحيتان فقريبا سوف تجف البحار والمحيطات ومايلقوش حتى يعيشوا على الرمله
وبشكرك على تفاعلك وذوقك استاذ ميمو
ولكم منى كل حب واحترام

[silentman84]

المشاركة الأصلية كتبت بواسطة amaboubakr أولا ماتغبيش علينا كتير تاني ثانيا مش عارف اقولك ايه بجد الله ينور وتسلم ايدك

والله واحشنى ياباشا....معلش كنت مشغول شويه....واوعدك انى حكون معاكم ....يااستاذ احمد من غير ماتقول حاجه وربنا مايحرمنى من كرمكم ومحبيتكم......وعليك ياباشا .....هما لسه شافوا حاجه.....تسلم اخى احمد وشكرا على ذوقك...واتمنى من الله ان حضرتك والاسره تكونوا بخير

[مهند النجار]

انا اخترت نعم اريد الغاء الجمارك 1600 سي سي

بس عايز اقول حاجة

اية حوار صديقة للبيئة دة

الجمارك معمولة عشان العربيات اللي متجمعة في مصر تبقي ارخص من المستوردة

عشان العربيات التجميع المحلي تبيع

الغاء الجمارك تدمير للاقتصاد

لكن تخفيضها ممكن او نحسن انتاجنا وتقفيلنا فلو الجمارك قلت دة ما يعورناش في حاجة ولا اية؟؟

انت جبت الارقام دي منين؟؟؟؟ يا تري متاكد ؟؟؟؟

قول اثباتك حتي لا نرمي الناس بالباطل!!!

[silentman84]

المشاركة الأصلية كتبت بواسطة odaoda طبعا المبلغ كبير جدا جدا انا شايف ان المكسب الاسلامى هو احسن حل يعنى الوكيل دافع فيها 66000 يبقى يكسب 10 فلمية يعنى 6600 جنية بالظبط قول 8000 بأجور العمال وايجار المعارض والحجات دى دة طبعا على اساس صدق هذة الارقام وطبعا مبكدبكش يا استاذنا الكبير المهم بقى بقى بما انك جبتلنا الجاك لازم نعرف جمارك كل العربيات بنفس المنطق وخصوصا الهيونداى والشيفورلية ارجوك متتأخرش علينا

استاذ اودا ازيك عامل ايه.....بجد سعيد انك موجود ....وابتديت تظهر......وعقبال الاستاذ سيف والدكتور كمال........ياباشا طبعا مبلغ كبير جدا جدا ....امال هو حيجيب مرتبات الناس اللى شغاله منين وايجار المعارض منين واكراميات منين ومكسب منين.. اكيد من جيوبنا...حسبى الله ونعم الوكيل فيهم دول فتشونا تفتيش سواء الوكلاء ولا الجمارك ومش عارف الفلوس اللى كانت بتتحصل من الجمارك كان بيتعمل بيها ايه .....كانت بتحصلها وزاره المايه ويحطوها فى كرشهم ....بدل مايعملونا حاجه تفدنا مشاريع كبارى او انفاق او طرق نظيفه يتمشى فيها ...مش الطرق المتكسره والمدغدغه...انا حاسس انهم كانوا متفقين مع بعض شويه العصابه دول بحيث يسيبوا الطرق مكسره وحفر ومطبات علشان العفشه تبوظ بسرعه وتروح تعمل صيانه للعفشه فى التوكيل ويقولك فتح ونصب ومصنعيه بقد كده ومساعد ولا كوبلن ولا مقص ولا بيضات بقد كده وممكن يبقى فى حاجات سليمه ويقولك عايزه تتغير علشان تدفع فلوس وخلاص ...منهم لله.....كلهم مطبخنا مع بعض....
اما عن المكسب فحضرتك متحسبش المكسب على سعر العربيه بعد اضافه الجمارك لا احسب المكسب على سعرها من الشركه اللى هو 40000 لانى كده كده فلوس الجمارك اللى بيدفعها احنا ....مش هو او بمعنى تانى هو بيدفعها وبياخدها مننا تانى يعنى هو مكسبه 19600 من ثمن العربيه بسعر المصنع اللى هو 40000 يعنى المكسب 49% من قيمه السياره.......مش عارف هما المغول احتلوا البلد ولا ايه....اما لو حضرتك بتقول على النظام الاسلامى 10% يبقى مكسبه 4000 وعلشان الموظفين والعمال وايجار المعارض قول 6000 ...يبقى كد مكسب بما يرضى الله لكن اللى احنا فيه مهزله .......وان شاء الله قريب حعرف باقى اسعار وجمارك العربيات التانيه