إركن العربية تحت البيت والدولة تحافظ عليها

[SHERIF MARLBORO]

المشاركة الأصلية كتبت بواسطة momen_bondok فكرة رائعة يا استاذ شريف لو تمت هتبقى منفعة عامة لجميع مالكى السيارات بس تكون بعيداً عن البنوك والقروض الربيوية نظراً لحُرمتِها ياريت الدولة تتبنى هذا المشروع

البنوك حرام!!ناس قالت لا و ناس قالت أه
+اوجدلى بديل و انا شايف انى القرض هيبقى فوائده كبيرة لجميع الجهات يبقى فين سبب التحريم؟

[momen_bondok]

المشاركة الأصلية كتبت بواسطة مهند النجار انا عجباني محاولاتك الحاجة ام الاختراع فكرتك تقلب الشوارع جراجات يعني مش هيبقي في ركنة ببلاش و الماكن هتبقي فاضية و ما ينفعش تركن فيها وخاصة في الاماكن الزحمة صاحب المكان راح يشتري حاجو وهيغيب ساعتين اية اللي هيعوره لما اجيي انا واركن مكانه انا ارفض فكرتك روح اركن في جراج لو عايز مكانك يبقي محفوظ متشكر يا استاذ مهند على النصيحة احنا عندنا راجل اشتري محل صغير وعمله جراج لعربيتة 200 ج في الشهر من اللي بيحصل لها في الشارع تحياتي موضوع جميل

المشاركة الأصلية كتبت بواسطة mido-spicy بص يا مؤمن هى الدوله كانت بتحاول تساهم فى حل مشكله ركنه العربيات دى ولكن بطريقه تانيه غير موضوع سياس ( جمع سايس ) الداخليه دا وهى ان المحليات او بمعنى ادق الحق كان بيشترط على اى حد يبنى عماره جديده انه مايديهوش ترخيص غير لما يكون فيه جراج فى العماره ولو الجراج دا مش موجود او تم تأجيره على انه مخزن ولا شىء من هذا القبيل كان بيتم عمل قضيه لمالك العقار ولكن طبعا لوجود الكوسه والباميه وجميع انواع الخضار والشوربه اللى فى الدنيا كانت المواضيع دى كلها بتخلص مع المهندسين اللى فى الحى ودى كانت بتخفف اولا عىء البحث عن مكان فى الشارع للركنه وكمان بتجيب على الجراج حارس لتولى الحراسه وعمليه تنظيم دخول وخروج العربيات اما موضوع ال 50 ج دا فهو كتير على الحراسه بس فدا كتير انا واحد من الناس كنت بدى البواب كل شهر30 ج وكنت بخليه يغسلى العربيه كل يوم من بره ومره اسبوعيا من جوه ومن بره انما دا هياخد 50 ج ومش هيغسلها :craz yW14: اما عن دور الشرطه بقى بصرف النظر عن كل دا فهى حمايه ممتلكاتنا وارواحنا دون مقابل لان دا دورهم وقصدى بدون مقابل بمعنى بدون مقابل زياده لان المقابل بتاعهم رواتبهم اللى انا وانت بندفعها من الضرايب والرسوم والمخالفات اللى احنا بندفعها عند التعامل مع المرور او وزاره الداخليه عموما وما اكثر موارد وزاره الداخليه جزاك الله خيرا على المشاركة

الرد فى الاقتباس

[momen_bondok]

على فكرة يا جماعة هذا الموضوع ما هو إلا موضوع إجتهادى من الممكن أن يكون صواب او غير ذلك

وطبعا بعد الردود

أتمنى أن ارى هذة الفكرة فى الجراجات ولا تزعلو
يعنى يكون الجراج خاص بسكان العمارة فقط علشان فعلا الركن اصبح شىء مستفز جدا فى بعض الاماكن

وجزا الله خيرا كل من شارك فى الموضوع

[momen_bondok]

المشاركة الأصلية كتبت بواسطة sherif ride البنوك حرام!!ناس قالت لا و ناس قالت أه +اوجدلى بديل و انا شايف انى القرض هيبقى فوائده كبيرة لجميع الجهات يبقى فين سبب التحريم؟

بفضل الله انا عندى ادلة كثيره بس خير الكلام ما قل ودل

ارجع إلى سورة البقره من الاية ( 275 الى 281 )

[MIDO-SPICY]

المشاركة الأصلية كتبت بواسطة momen_bondok على فكرة يا جماعة هذا الموضوع ما هو إلا موضوع إجتهادى من الممكن أن يكون صواب او غير ذلك وطبعا بعد الردود أتمنى أن ارى هذة الفكرة فى الجراجات ولا تزعلو يعنى يكون الجراج خاص بسكان العمارة فقط علشان فعلا الركن اصبح شىء مستفز جدا فى بعض الاماكن وجزا الله خيرا كل من شارك فى الموضوع

لا هو الشىء السلبى جدا فى الموضوع دا يا مؤمن
ان اصحاب الشقق فى العماير كل واحد واخد حته بعرض 3 متر ادام البيت وحاطط عربيته فيها ولما بيجى يخرج بالعربيه بقوم حاطط مكانها طوبه كبيره او جنزير ولو مافيش ده او ده وجيت تركن تلاقى واحد 2 فى 3 متر ويطلق عليه بواب العماره يقولك ممنوع الركنه هنا يا بيه علشان دا مكان صاحب العماره
طيب اركن فين يا عم ؟؟؟
دى مش مشكلتى اركن فى حته تانيه غير هنا

وطبعا حجز الاماكن دى ادام العماره بيبقى بالاسبقيه حسب اللى جه سكن الاول وكان معاه عربيه

لدرجه انى بشوف خناقات بتقوم بين الجريان وبعضها بسبب الركنه دى